radheef.info
ރަދީފު


ވ
ތާނައިގެ ނުވަވަނަ އަކުރު
ލާމި
ނ ލާމިގަހުގެ ކިރު މިހުންނަނީ ކުމުންޒާންޏާ ވައްތަރު ގޮތަކަށެވެ މިއީ ދިވެހި ބޭހުގެ ބާވަތެކެވެ
ލާމިގަސް
ނ ބޭހަށް ބޭނުންކުރާ ބާވަތެއްގެ ކިރެއް ހުންނަ ގަހެއް
ލާމު
ނ (1) ތާނައިގެ ސާދަވަނަ އަކުރު (2) އަރަބި އަލިފުބާގެ ތޭވީސް ވަނަ އަކުރު (3) އަކުރުފިލި ތާނައިގެ އޮބޮފިލި (4) ދިވެހި ހިސާބުއަކުރުގެ ފަހެއް
ލާމެހުން
މ އެކައްޗެއް އަނެކައްޗަކާ ގުޅި އެކުވުން
ލާފުރާފުރިހަމަވުން
މ ޢިލްމާއި ހުނަރުތައް ދަސްވެ ރަނގަޅަށް ތަރުބިއްޔަތުވުން
ލާފުރުން
މ )ރ ( ދަނޑަށް ގޮވާން އުކައި ނިމުން
ލާފެންކުރުން
މ (1) ކުލަ އަޅައިގެން ތަޅައިފައި ހުންނަލާ ލާޖަހަން ބޭނުން އެއްޗެއްގައި ހޫނުކޮށްފައި ޖަހަމުން ފަތުރައި އޮމާންކޮށް އޮފު އެރުވުން. (2) އެއްޗެއްގައި ލާހިންގައި އޮފުއެރުވުމަށްފަހު ތަފާތު ކުލަކުލައިން ތައްޔާރު ކޮށްފައިވާ ލާ ހޫނުކޮށް އޭގެ ހިމަފަށްތައް ބޭނުން ވަރަކަށް ދަމައިފައި އެ އެއްޗެއްގައި އަތުރައި ލަކުޑި ވަޅިއަކުން އެފަށްތަކުގައި ކުރެހުން އުފައްދައި ކެޔޮފަތުން އޮފު އެރުވުން
ލާފޯޓި
ނ )ގ ( އަނގައިން ފުމޭ ލަވަފޮށި
ލާދަ
ނ ފައިސާގެ އަގު ދަށަށްދާ ދިއުމުން މުދަލުގެ އަގު ބޮޑުވުން
ލާދަން
ނ މީރުވަސް ދުވާ ބާވަތެއް އެއްކޮށްގެން މީރުވަސް ދުވާ ތެލެއްގައި ކައްކައި ތަތްކޮށްފައި ހުންނަ އެއްޗެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ
ލާދަންއަތަރު
ނ ލާދަނުގެ ވަސްދުވާ އަތަރު ނުވަތަ ލާދަނުން ހަދާ އަތަރު
ލާދަތި
ނ ކުނާފަދަ ތަކެތި ވިޔާއިރު ދުޅަނަގަން ބޭނުންކުރާ ރޮދިލައްވައިފައި އޮންނަ ހިމަދިގުކޮށް ވަށްކޮށް އޮންނަ ދަނޑިއެއް
ލާދީގޮވުން
މ (1) އަޅުވައިކިޔުން (2) ދެމީހަކު އެކަކު އަނެކަކާ ހިތާވެގެން އުޅޭކަމަށް އެމީހުންނަށް އިވޭގޮތަށް ވާހަކަދެއްކުން
ގބ )މުސްކުޅިބަހެއް( ދެމީހަކު އަޅުވައި ކިޔުމަކީ އެ ދެމީހުން ހިތާވާ ކަމެއްކަން އަންގައިދިނުމަށް ބުނާބަހެއް ލާދީގޮވުމަކީ އިސްތިރެއެކެވެ
ލާތަނޑު
ނ ދެއިންޗި ދޮޅުއިންޗި ހުންނަވަރުގެ ދެކޮޅު އެއްވަރު އެމެއް މީގައި ދޮންކުލައިގެ ރޮނގެއްގެ ތިރިން ހިޔަނި ކަޅުރޮނގެއް ހުންނާނެއެވެ
ލާތެޅުން
މ ލާޖެހުމަށްޓަކައި ލާ ހޫނުކޮށް މަޑުކޮށްގެން ހިމުންކޮށްފައި ހުންނަ ކުލައަޅައިގެން ތަޅައި ކުލަ އެއްވަރުކުރުން
ލާލަލާ
ނ )ސ ( ދީވާނާ
ލާލު
ނ (1) ޖަވާހިރުގެ ބާވަތެއް (2) ތާސްބައިގެ ރަނގައެއް
ލާގައްފަލި
ނ )ޏ ސ ( ދިހަފަލި ހުންނަ ދޯނި ފަހަރުގެ ކޮޅުފައްޔާ ޖެހިގެން ކޮޅުފަހަށް ހުންނަ ފަލި ދިހަފަލި ހުންނަ ދޯނިފަހަރުގެ ފަލިތަކަށް ޏސ ގައި ކިޔައި އުޅެނީ: )ހ( ކެޑެފެލި )ށ( ލާގައްފަލި )ނ( ސާރިމަތި )ރ( ކާނހައް )ބ( ބަނޑޮފަލި މިނަންނަމެވެ )ފަލިތަކުގެ ނަން ތަރުތީބު ކުރެވިފައިވަނީ ދިރުނބަލުން ފެށިގެން ކޮޅު ފަހަށެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ