radheef.info
ރަދީފު


ސައި
ނ ސައިފަތް އަޅައިގެން ތައްޔާރުކުރާ ބުއިމެއް
އުފުރައިލުން
މ ލުއްސައިލުން
އޫ
ނ (1) އެކި ބޭނުމަށްޓަކައި އެއްޗިއްސަށާއި ތަންތަނަށް ހަރާން ކޮޅު ފޭއްސައިގެން ގެންގުޅޭ އެއްޗެއް މިސާލު: މަސްފިހާއޫ ބެންބޮޅުނަގާއޫ (2) ޔޫރަޕްމީހުން ކާންގެންގުޅޭ ކަށިގަނޑު މިހުންނާނީ ދަނޑި ސަމުސަލެއްގެ ސިފާގައި ކޮޅު ހަތަރު ދަތަށެވެ (3) )ސ ( އުއި (4) ނއ އެއްކޮޅު ފޭހިފައިވާ
އެނގަމަތި
ނ (1) އެނގަވައު އައްސައިފައި ހުންނަ ތަން (2) އެނގަހިފާމީހާ އިންނަ ތަން
އެކަތިކެހުން
މ ލެތްކުޅޭއިރު ފުރަތަމަ ކުޅެން އަރާމީހާ މައިދަނޑީގެ ކުރީގައި ހުންނަމުގޯލީގައި ފައި ޖައްސައި ކަހާލާފައި ދުވެގޮސް ލޮންޏަށް އެރުން މިދާދިއުމުގައި އެހެންމީހުން އެމީހާ އަތުލާކަށް ނޫޅޭނެއެވެ މިހެންގޮސް ލޮންޏަށް އަރާފައި އަނބުރައި އަންނާންވާނީ މީހަކަށް އަތުނުވެއެވެ
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
އޮބިގަނޑު
ނ ގައިގެތަންތަން ބިނދިގެން ހަމަޖައްސައިފައި އަޅާ ފަތިގަނޑު
އޮބުން
މ (1) އެއްޗެއް އެއްޗެއްގައި ޖައްސައި ބާރުކުރުން (2) ފިއްތުން މިސާލު: މެޓާއޮބުން އިނގިލިންއޮބުން (3) ދުރަށް ދަމުންގޮސް ލޮލަށް ނުފެނުން
އޮއްބުން
މ (1) މީހަކުލައްވާ އޮބުވުން (2) ފަތިމެޅުން (3) ކައިރިމެޅުން (4) މަސްހިފާންޖަހާ ދައުފަދަތަކެތީގެ ތިރީކައިރި ބިމުގައި ޖައްސައި ހިފެހެއްޓުން (5) ވަށައިދެމިމަދިރިގެ ފަދަތަކެތީގެ ތިރީކައިރި ގޮދަޑި ދަށަށް ލެއްވުން (6) މަޖާޒު: ވަންހަނާކުރުން (7) ނުފެންނާނޭ ގޮތް ނުވަތަ ނޭގޭނޭގޮތް ހެދުން
އޮމާލުން
މ (1) ފުޅިއްސުން (2) ކައްސައިލުން
އޮފީސް
ނ އެކިއެކި ކަންތައް ހަމަޖައްސައި ބެލެހެއްޓުމުގެ ވެރިތަން މިސާލު: ޕޯސްޓްއޮފީސް އިލެކްޓްރިކް އޮފީސް
އޮޓޯސައިކަލް
ނ (1) އިށީނުމަށް އެއްސީޓް ހުންނަ މޮޓޯސައިކަލްގެ ކުދިބާވަތެއް. (2) އިންޖީނުންނާއި ފައިން އަނބުރައިގެންނާއި ދެގޮތަށް ދުއްވެން ހުންނަ ބައިސިކަލް
ވަރައިލުން
މ (1) އޮއްސައިލުން (2) މަނިބޭރުކޮށްލުން
ވަޅޯމަސް
ނ ދިލަޖައްސައިފައި ހުންނަ ތެތް މަސް
ވައްތަރުޖެއްސުން
މ (1) ސިފައިގައި އެއްގޮތްކުރުން (2) އެއްޗަކާ އެއްގޮތްވާނޭ ސިފަ ގެނައުން (3) ހުތުރު ސިފަސިފަ ޖައްސައި ހުތުރު ވައްތަރު ދެއްކުން ގިނައިން ވައްތަރު ޖައްސަނީ މޫނާއި އަތްފައިންނެވެ
ވައްސައިލުން
މ )ގ ( ބައްސައިލުން
ވަދެފުރޮޅިދިއުން
މ ކުޅިޖެހުމުގެ ތެރޭގައި ދެމީހުންގެ ދެކަނޑީގެ ނުވަތަ ދެ ލޮންސީގެ ކުރީކޮޅު ޖައްސައިގެން ތިބެ އޭގެ ދަށުން ދިއުން ހިފުމުގެ ތެރޭގައި ކަކާތައް އަރައި ފުރޮޅެންކުރާ ޙަރަކާތަކަށްވެސް މިހެން ކިޔައެވެ
ވަތުތަށި
ނ ސައިބޯ ޖޯޑު ނުވަތަ ބިއްލޫރި ތަށި ފަދަ ތަކެތީގެ ފޫ ދަށަށް ލާ ތަށި
ވަގުތުގާ
ނ އިރުދައުރުވަމުންދާ މިންވަރު އޭގެ ހިޔަނިން ހޯދުމަށް ހިސާބުން ހަމަޖައްސައިގެން ތައްޔާރުކުރާ ގަލެއް. މިގާހުންނާނީ މެދުގައި މަޢުދަނީ ތިލަ ކުނބެއްޖަހައި އޭގެ ހިޔަނިން ވަގުތު ފާހަގަކޮށް ގަލުގައި ފާހަގަ ލާފައެވެ މިގާ ބަހައްޓާފައި ހުންނާނީ މުޅިން ހާމަ ބިމެއްގައެވެ
ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ވާންފަށް
ނ )ކ.( (1) އުނދޯލީގެ ވައު. (2) އަޑިން މަސްބާނަން ފައްތާއިރު ހެތުރު ނުވަތަ ނަނުގައި ބައްދައިފައި އޮޑީގައި ހައްޔަރުކޮށްފައި ހުންނަ ހިމަފަށް. ނުވަތަ އެންގަނޑު އޮޔާ ދިޔަނުދިނުމަށްޓަކައި ގަލެއްގައި ބައްދައިފައި ބުޅީގައި އައްސައިފައި ހުންނަ ހިމަފަށް (3) ވާންގާ ޖައްސާއިރު ވާންގަލާ ވަލާގުޅައިފައި ހުންނަ ހިމަފަށް މިފަށް ހުންނާނީ ފަސޭހައިން ކަނޑައިލެވޭ ގޮތަށެވެ