radheef.info
ރަދީފު


އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮޑާވަޅު
ނ (1) ފައިގެ ކުޑަހުޅުގެ މަތީފަރާތް (2) އަޯޑާއަކުން ލަކުޑިގަނޑެއް ކޮށާއިރު ހުންނަ އަޑިކޮޅުކޮޅު
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
އޯ
އ (1) ކީކޭހޭ އެހުމުގެ ބަދަލުގައި ބުނާ އަދަބުވެރިގޮތް (2) އޯތްޔޭ ބުނުމުގެ ބަދަލުގައިވެސް މިއަކުރު ބޭނުން ކުރެވެއެވެ
ވ
ތާނައިގެ ނުވަވަނަ އަކުރު
ވަނަ
އ (1) ވަކިޢަދަދެއް ޚާއްޞަ ކުޅައުމަށް ގެންނަ އަކުރެއް. މިސާލު: އެއްވަނަ ދެވަނަ )ބ ދ ( ނ (2) ދިދަ (3) އިޝާރާތް ކުރާ އިނގިލި
ވަޅިއެޅުން
މ (1) ވަޅިން ކަފައިލުން (2) ނުރުހުމާއިއެކު އިންސާނެއްގެ ނުވަތަ ޙައިވާނެއްގެ ގައިގެ ތަނެއް ވަޅިއަކުން ނުވަތަ ފިޔޮއްސަކުން ކަފައިލުން (3) އުނަގަނޑުގައި ވަޅި އެލުވައިގެން އުޅުން
ވަކަރާގު
ނ (1) ވަޅޯކޮށް ކިޔާ ރާގު (2) އަކުރުދަމައިފައި ކިޔާ ދިގުރާގު (3) ވާހަކަދެއްކުމުގައި ހުންނަގޮތް (4) މަޖާޒު: ކަންތަކުގައި ވާންވީ ވަރަށް ވުރެން ލަސްކޮށް އުޅޭއުޅުން
ވައިހުސްވުން
މ މަޖާޒު: ނުފޫޒުހުރި މީހަކާ ވެރިއަކު ރުހިވަޑައިނުގަނެގެން ދުރުހެލި ކުރެއްވުމުން އެމީހާގެ ބާރު ކެނޑުން
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން
ވަތުކިބަ
ނ (1) ދެކިބައަކުން ފުރިހަމަ ކުރެވޭ އެއްޗެއްގެ ދަށުކިބަ (2) މަޖާޒު: އަނބިމީހާ
ވަގުއަނބި
ނ މީހަކުގެ ފިރިއަކު ހުއްދަނޫން ގޮތުގައި ގުޅުން ހިންގާ އަންހެނާ
ވަގުފިނދަށް ބަދުރުވަ ލައިގަތުން
މ )މިސާލުބަހެއް( ބިރުދެއްކުމުގެ ގޮތުން ސިފަދައްކައިގެން ބުހުތާނެއްގެ ގޮތުގައި ދައްކާ ހުއްޖަތް މިއީ މިނިކާވަގާބެހޭ ގޮތުން ކުޑަކުދިންނަށް ކިޔައިދޭ ފުލޯކުވާހަކައަކުން ނެގިފައިވާ މިސާލުބަހެކެވެ
ވަގުލޮލަށްމަސްބެހުން
މ )މިސާލުބަހެއް( އެއްޗެއް ބަހާއިރު އެތަނެއްގައިވާ އެންމެ އިސްމީހާއަށް އެންމެ ރަނގަޅު އަދި އެންމެ ފައިދާ ހުރިތަކެތި އެންމެ ގިނައިން ލިބޭގޮތަށް ބެހުން މިއީ ކުޑަކުދިންނަށް ކިޔައިދޭ މުސްކުޅި ވާހަކަ އަކުންނަގައިފައިވާ މިސާލެކެވެ
ވަޑާންކަށިތާނަ
ނ މިއީ ކަންހަމަކޮށް ލިޔާތާނަ އަކުރަށް ކިޔާފައިވާ ނަމެކެވެ މި އަކުރު ހުންނަނީ )ހ ށ ނ ރ( މިގޮތަށެވެ މިއަށް އަތިރީގޭ ތާނަވެސް ކިޔައެވެ
)މުސްކުޅިބަހެއް( ރަގަޅު ބައެއް މަސައްކަތް ތެރީން އަމިއްލަގޭގައި ކުރަންޖެހޭ އެރޮނގުގެ މަސައްކަތް ނުނިމި ފަސްވެފައި ހުންނަ ހުރުމަށް ބުނެ އުޅޭ ބަހެއް ވަޑިންގެގެއަކު ދޮރެއް ނުހުންނާނެއެވެ
ވާ
ނ (1) "ވައު" ބަލާ! (2) އ. ބައެއް ތަންތާނގައ ި "ވެސް" ގެ މާނައިގައި ބުނެއުޅޭ އަކުރެއް މިސާލު: ތިޔައީވާ ބޮޑުކަމެއްނޫނެވެ (3) ދަތިނޫންކަމެއް ނުވަތަ ބޮޑުނޫން ކަމެއްކަން އެންގުމުގެ މާނައިގައިވެސް މިއަކުރު ބޭނުން ކުރެއެވެ މިސާލު: އޭނާވާ އަތުވެދާނެއެވެ
ވާވު
އ ތާނައިގެ ނުވަވަނަ އަކުރު