radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ނާރުގޮށްޖެހުން
މ ރާއްޖެބަލިޖެހިގެން ނާރުތައް ކުރުގެޅުން
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާބަޖެހުން
މ "ނާބަ" ލަވަ ބެރުގައި ޖެހުން
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން
ނިވާޖެހުން
މ (1) ވައި ނިވާވާނޭގޮތް ހޯދުން (2) ރަށްރަށުގެ ވައިދޮށް ފަރާތުން ނިވައި ލިބުން
ނިދިގެހުން
މ ތާއްޔާޖެހުން
ނިދިޖެހުން
މ ދެބަދޭތެރެވެލުން
ނިތްޖެހުން
މ (1) ތާކު ނިތްޖެއްސުން (2) ސަޖިދަ ކުރުން
ނިސްބަތުންބެހުން
މ ހިއްސާ ގިނަވީވަރަކަށް ގިނައިން މަދުވީ ވަރަކަށް މަދުން ލިބޭނޭގޮތަށް ހިމަނައިގެން ބައިކުރުން
ނީލަންބެހުން
މ ދަރަނިވެރިއެއްގެ މުދާ ނީލަން ކިޔައިގެން ލިބޭ ފައިސާ ދަރަނީގެ މައްޗަށް ނިސްބަތުން ބަހައިދިނުން
ނުރަޖެހުން
މ އިސްތަށި ހުދުވުން
ނުރުހުން
މ (1) ރުހުމުގެ އިދިކޮޅު (2) ނުގަބޫލުވުން (3) ހިތްހަމަނުޖެހުން
ނުފުށުންޖެހުން
މ ނުބައިފުށް ބޭރަށް ޖެހުން
ނުގަންނާން ހުންނަ ދޮނގެއްހެން
(މިސާލުބަހެއް) މީހަކު ކަމެއް ކުރާން ނުކުރާން ހުންނަ ހުރުމަށް ބުނެއުޅޭ ބަހެއް
ނުސީދާހިލޭ ޖެހުން
މ ފުޓުބޯޅައާއި ހޮކީފަދަ ކުޅިވަރުގައި ކުށްކުރާ ބަޔާ އިދިކޮޅަށްދޭ ޖެހުން މިޖެހުމުގައި އެހެން ކުޅުން ތެރިއެއްގެ ގައިގައި ނުޖެހި ސީދާ ގޯލަށް ވަނަސް ލަނޑަކަށް ނުވާނެއެވެ
ނޫސްޖެހުން
މ (1) ނޫސްލިޔެ ޗާޕްކުރުން (2) ޚަބަރުފެތުރުން
ނޫޓުޖެހުން
މ ނޫޓު ޗާޕްކުރުން
ނެއްޓިޖެހުން
މ ނެއްޓީގެ ލަވަބައިތައް ޖެހުން
ނޭވާޖެހުން
މ (1) ނޭވާދަތިވުމަށްފަހު ނޭވާ ހަމަޖެހުން (2) މަޖާޒު: ދަތިކަމެއް ލިބުމަށްފަހު ހަމަޖެހިލުމެއް ލިބުން
ރަށުމީހުންގެ
ނ ރައްޔިތުންގެ ގެ