radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
އަނގަފާރު
ނ ހޫނުން އަނގައިގައި ހެދޭ ފާރެއް މިއީވަރަށް ގިނައިން މީހުނަށް ޖެހޭ ބައްޔެކެވެ
އަނގަފިނދު
ނ ވަޢުދު އުވައިލައި ބުނާބަހާއި ޚިލާފަށް ކަންތައްކުރާ މީހުނަށް މަލާމާތުގެ ގޮތުން ބުނެއުޅޭ ބަހެއް
އަނގަފުޅެއްއޮތުން
މ މީހުނަށް ދޫނުކޮށް ވާހަކަދައްކާން ފެށީމާ މަލާމާތުގެ ގޮތުން ބުނާ ބަހެއް
އަނގަތޮރުފުން
މ ދެމީހަކު ވާހަކަ ދައްކަނިކޮށް އެދޭތެރެއަށްވަދެ ވާހަކަ ދެއްކުމަށް ހުތުރުބަހުން ބުނާގޮތެއް
އަނގަލަ
ނ ތޮށިމަތީ ގައުގަލުގެ ދަށުގައި އުޅޭ ކުޑަވަރުގެ މަހެއް މީގެ ނަގޫފަތް ކައިރީގައި ރީނދޫކުލައިގެ ބަންދެއްހުރެފައި ނަގޫފަތުގެ މަތީކައިރީގައި ދެކަށި ހުންނާނެއެވެ
އަނގަގޮއްވުން
މ ދައްކަން ބޭނުންނޫން ވާހަކައެއް މީހަކުލައްވައި ދެއްކުވުން
އަނގުނު
ނ އުނދޯލީގެ ދެކޮޅުގައި ދަށުން އަޅައިފައި އޮންނަ ދެވާލު އުނދޯލިއެލުވައިފައި ހުންނަނީ މީގެދެކޮޅަށް ދެވައު ލައްވައިފައެވެ (2) ފިލާ ވަކަރު ފަދަ އެއްޗެހި ބަހައްޓާން ހުރަހަށް ބަންނަ ތަކެތި
އަނަރޫފަ
ނއ (1) ރޫފަދެރަ (2) ކަމީނާ (3) ހިކި
އަނަރޫފަކަން
ނއނ (1) ރޫފަދެރަކަން (2) ކަމީނާކަން (3) ހިކިކަން
އަނަރޫފަވުން
މ (1) ރޫފަދެރަވުން (2) ކަމީނާވުން (3) ހިކުން
އަނިބިހިރިހަ
ނ އަނިބިހިއަޅައިގެން ކަނޑުމަހުގައި ނުވަތަ ފަރުމަހުގައި ކައްކާމީރު ކުޅި ރިހައެއް މިހުންނާނީ ކަޅުކުލައެއްގައެވެ
އަނިޔާވެރިވުން
މ އަނިޔާކުރާ މީހަކަށްވުން
އަނިޔާވެރިޔާ
ނ އަނިޔާކުރާ މީހާ
އަނެކާ
ނ އަނެއްމީހާ
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އަންހެނާ
ނ އަންހެންމީހާ
އަންހެނުން
ނ (1) އިންސާނުންގެ ދަރިމައިވާ ބާވަތުގެ ގިނަމީހުންނަށް ކިޔާނަން (2) އަނބިމީހާ
އަންނާރު
މ އެތެރޭގައި ދުލިފަށަކުން ކަލިވަތްތަކެއް ހުންނަ މަޝްހޫރުމޭވާއެއް މީގެ ފޮންޏާއި ހުތާއި ދެބާވަތް ހުރެއެވެ
އަންބަރީއަތަރު
ނ ބަންގާޅުންގެންނަ މީރުވަސްދުވާ އަތަރެއް
އަންބަލަންގެ
ނ މޮޅުމީހުންގެ ގޭގޭގެ ދެކުނު ފަރާތުގައި އަންހެނުން އެކިއެކި މަސައްކަތް ކުރުމަށާއި ބޭރުން އަންނަ އަންހެނުންނާއި ބައްދަލުވެ އުޅުމަށް އަޅައިފައި ހުންނަ ކުޑަމަރިޔާދުގެއެއް. މިގެއަށް އޮންނާނީ ދޮންވެލިލައިފައެވެ