radheef.info
ރަދީފު


ބަ
އ އައްބަ
ބަނޑުދެފޮއި
ނ ކަލާސީމީހާ ތިމާ ބަނޑުދޭން ހިނގަންޖެހޭ ދުވަސްވަރަށް ކިޔާގޮތް
ބަނޑުދޭފިލާ
ނ ބަނޑުދޭއިރު މާކޮށާރު ބަނޑޭރިއަކާއި ދަންޑެހެލު ބޭކަލަކު އިށީންނަވަން ތަޅަމުތެރޭގައި އޮންނަ ފިލާ
ބަނޑުލައިލޫދުން
މ ކޮޅަށްހުރި އެއްޗަކަށް ނުވަތަ އުސްތަނަކަށް ބަނޑުޖައްސައި ބައްދައިގެން އެރުން ނުވަތަ އެފަދަ ތަނަކުން ފޭބުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނޑުގައި ގޮށްލުން
މ ހިނިއަންނަލެއް ގަދަކަމުން ބަނޑަށް ތަދުވުން މިގޮތަށް ގޮއްލާއިރު ބަނޑުގެ ތަންތަންކޮޅު ހުންނާނީ ހަރުވެފައެވެ
ބަނޑުގައު
ނ ތެލިގަލުން ރާނާއިރު ފާރުގެ ދެގާބަރި ދޭތެރެއަށް އަޅާ ކުދިގައު
ބަނޑުގިނިއެރުން
މ ބަނޑުހައިކަމުން ބަނޑުންއަރާ ހޫނެއްއެރުން
ބަނޑުގުގުރުން
މ ބަނޑުގައި ވައިހެދިގެން ބަނޑުތެރޭން އަޑުއިވުން
ބަނޑުގޮއްވާކަށި
ނ މިޔަރުގެ މައިކަށީން ވަކިވެ ކުނިފިލާފައިވާ ބަދައެއް މިއީ ކުޑަކުދިން ކުޅިވަރަކަށް ބަނޑުގައި އޮއްބައި ނަގައި މިގޮތަށް ބަނޑުން އަޑު ގޮއްވަން ބޭނުންކުރާ އެއްޗެކެވެ
ބަނޑޭރި
ނ މުދާ ބަލަހައްޓާން ހަވާލުވެ ހުންނަ މީހާ
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ބަނޑޭރިގެ
ނ ކުރީ ދުވަސްވަރު ސަރުކާރުގެ މުދަލާ ފައިސާ ބަލަހައްޓާ ރައްކާކުރާ އޮފީސް
ބަނަފިނި
ނ ވައިގެ ތެތްކަން އިތުރުވުމުގެ ސަބަބުން ބަނަވެފައިވާ ފިނި
ބަނަފުސާގަސް
ނ ބަނަފުސާމާ އަޅާގަސް
ބަނާރަސީކަސަބު
ނ އިހުގައި ގެންގުޅުނު ކަސަބުގެ ދެރަބާވަތް މިކަސަބުގެނެސް އުޅެނީ އިންޑިޔާގެ ބަނާރަސުންނެވެ
ބަނާތުނޮޅި
ނ (1) ބަނާތުގެ ދެކުލައަކުން ދަނޑިމަތި އަނބުރާގޮތަށް ފަށް އޮޅައިފައި ހުންނަ އަނބުރާ ނޮޅި (2) ބަނާތު ޖަހައިފައި ހުންނަ އަނބުރާ ނޮޅި
ބަނާތުޖެހުން
މ ބަނާތު ހަރުކުރުން ނުވަތަ ހިއްޕުން
ބަން
ނ (1) ބޮޑު އެއްޗެއް ވެއްޓިގެން އިވޭ ބުންއަޑު (2) ކުޑަކުދިންގެ ބަހުރުވައިގައި ވެއްޓޭ ވެއްޓުން
ބަންނަރަބަރު
ނ ގިނަ އެއްޗެހި އެއްކޮށް ހިފަހެއްޓުމަށް ދެމޭ ރަބަރުން ހަދާފައި ހުންނަ ބޮޅު
ބަންބަ
ނ ކުޑަކުދީންގެ ބަހުރުވައިގައި ބަނބުކެޔޮ