radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ގުޅަވެށުން
މ (1) ވަށްކޮށް ހުންނާނެގޮތަށް އެއްޗެއް ބައިބައިކުރުން (2) ބައިބައިކޮށްފައި ހުރި އެއްޗެއް ގުޅަގުޅައަށް ހުންނާނެގޮތަށް ހެދުން މިސާލު: ފުށްގުޅަވެށުން
ގުޅިބޭނުން
މ (1) ބޮޑެތި ގަސްގަހުގެ ގަސްކަނދާއި ރުއްރުއް ކަނޑާއިރު ވާ ޖަހައިގެން ބުރިބުރިޔަށް ތިރިކުރުން (2) ރުއްކަނޑާއިރު ފަހަރަކު ގުޅިޔެއް ކުރުކޮށް ބުރިކޮށްފައި ވެއްޓުން
ގުޅުން
މ (1) އެކުލެވުން (2) އެއްކުރުން (3) އެއްޗެއް އަނެކައްޗަކާ ލައިމެހުން (4) އެކުވެރިވުން (5) މުވާޞަލާތުގެ ވަޞީލަތެއްގެ ބޭނުންކޮށްގެން އެއްފަރާތަކުން ބުނާ އެއްޗެއް އަނެއް ފަރާތަކަށް އެނގޭގޮތް ހެދުން
ގުޅުންހިންގުން
މ (1) އެކުވެރިކަން ބެހެއްޓުން (2) މަޖާޒު: ދެޖިންސުގެ ދެމީހަކު ޖިންސީ ޢަމަލެއް ކުރުން
ގުޅުންކެނޑުން
މ (1) އެކުވެރިކަން ނައްތައިލުން (2) ވަކިކުރުން (3) ދުރުކުރުން (4) ވަތްކެނޑުން
ގުޅުވުން
މ (1) ދެއެއްޗެއް އެއްކުރުން (2) ދެމީހަކު ރައްޓެހި ކުރުވުން
ގުދާރުބިންދުން
މ މަޖާޒު: އަރާމެއްނެތި ބުރަމަސައްކަތް ކުރުން
ގުދުކުރުން
މ (1) ލެނބުން (2) ބަޅުކުރުން
ގުލާނުކުރުން
މ ނޯކިރީ ކުރުން
ގުޑައިނުލުން
މ (1) އިންތަނަކުން ނުވަތަ ހުރި ތަނަކުން ދުރަށް ނުދިއުން (2) ތަނަކަށް ޖަހައިފައި ހުރި އެއްޗެއް ނެގޭ ގޮތްނުވުން (3) ހަލައިނުލުން މަޖާޒު: (4) ހުރިގޮތުގައި ހިފެހެއްޓުން (5) އުޞޫލު ދޫނުކުރުން
ގުޑިހިއްޕުން
މ ގުޑީގެ އޮނިގަނޑުގައި ކަރުދާސް ތަތްކުރުން
ގުޑިދެމުން
މ އެއްލައިފައި ހުންނަ ގުޑި ދަމައި ތިރިކުރުން
ގުޑިލުން
މ (1) ރާބޭލުމަށްޓަކައި ދިވެހިރުކުގެ އެތުގައި ގުޑި ހަރުކުރުން (2) ހެލިލުން (3) ހަރަކާތްވެލުން
ގޫހަރިޖެހުން
މ )ޏ ސ ( މާނައެއްނެތް ޒުވާބުކުރުން
ގެހެރިކުރުން
މ އޮޑިދޯނިފަހަރު ވަގުތީ ހިޔާކުރުން
ގެށުން
މ (1) ދަވާދުފަދަ އެއްޗެއްސާއި އަދި ކައްކާ ބައެއް ތަކެތި އެއްޗަކުން ހަލައި އެއްކުރުން (2) )ޏ ސ ( ބޯކުރުން
ގެނައުން
މ (1) ދުރުގައި ހުރި އެއްޗެއް ކައިރިކުރުން. (2) ދުރުގައި ހުރި މީހަކަށް އެންގުމުން އޭނާ އައުން
ގެންދިޔުން
މ (1) އެއްތަނުން އަނެއްތަނަށް މީހަކު ނުވަތަ އެއްޗެއް ބަދަލުކުރުން (2) ދިޔުން މިބަސް ކުރުވުމުގެ މާނައިގައި ބޭނުންކުރާގޮތް
ގެންގުޅުން
މ (1) ތަރުބިޔަތުކުރުން (2) އޮޅުކުރުން (3) ބޭނުންކުރުން (4) ކާންބޯންދީ ބެލެހެއްޓުން (5) ބެލެހެއްޓުން
ގެންގުޅެބޮޑުކުރުން
މ (1) ބަލައިބޮޑުކުރުން (2) ތަރުބިޔަތު ކުރުން