radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކެއުޅުކަންކުރުން
މ (1) ފަރުމަސްބޭނުން (2) ވަލުތެރޭން ނުވަތަ މީހުން ނޫޅޭ ހިސާބުން ޖަނަވާރު ހިފުން
ކެއްކުރިމީހާއޭ ފުޅަށްބުޑުގައިއޮވެ މަރުވީވެސް )މުސްކުޅިބަހެއް( ކެތްކުރާ މީހުންނަށް ބައެއްފަހަރު ދެރަ ގޮތްގޮތްވެސް މެދުވެރިވާކަން އެންގުމުގެ ގޮތުން ބުނެއުޅޭބަހެއް ކެއްކުރިމީހާއޭ
ކެވިއެރުން
މ ބޮނޑިވެ ގަނެގެން އުޅޭ ބަޔަކު މީހުން ނުވަތަ ދިރޭ އެއްޗެހިތަކެއް ކުއްލިއަކަށް އެއްފަރާތަކަށް އެރުން
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކެފަނާ
ނ އަބަދު ކާންއުޅޭ ދަހިމީހާ
ކެތްކުރިމީހާއަށް ހޫނުބޮނޑިބަތް
)މިސާލުބަހެއް( ކެތްކުރާ މީހާޔަށް ފަހުން މާ ރަނގަޅު ގޮތްގޮތް ވާނެކަން އަންގައި ދިނުމުގެގޮތުން ބުނެއުޅޭބަހެއް
ކެތްތެރިޔާ
ނ (1) ލިބޭ ވޭންތަކަށް ޝަކުވާ ނުކޮށް ހުންނަ މީހާ (2) ހިތުގައި އުފެދޭ އަސަރުތައް މަތަކޮށްގެން ހުންނަ މީހާ
ކެލާ
ނ (1) ވަސްމީރު ކީލިހިމުން ލަކުޑިއެއް މީގެ ތިންބާވަތެއް ހުރެއެވެ. އެއީ ހުވަނދުކެލާ އަގަލިކެލާ ރަތްބަބުރުކެލާ މިއެވެ (2) ހއ އަތޮޅުގެ ރަށެއް
ކެލާއަތަރު
ނ ކެލައިން ކައްކާ މީރުވަސްދުވާ ތެލެއް
ކެލާލުން
މ ކެލާ ގާނައިގެން ފަންޑިތަހަދައިފައި ހުމާ އުޅޭ މީހުންގެ ގައިގައި އުނގުޅުން
)މުސްކުޅިބަހެއް( މީހަކަށް ލިބިފައިވާ މަޤާމެއްގެ ނުފޫޒުގެ ބޭނުންކޮށްގެން ނާޖާއިޒުފައިދާ ނަގައިފައި ވާވަރު އެނގޭނީ އެމީހާ އެމަޤާމަކުން ވަކިވީ ދުވަހަކުންކަން އެންގުމަށް ބުނެއުޅޭބަހެއް ކެޔޮކޭވަރު އެނގޭނީ ބިތުފަންގެ ނެގީމައެވެ
ކެޕްޓަން
ނ (1) ކައްޕިތާނު. (2) ކުޅިވަރުޓީމެއްގެ ކުޅުންތެރިންގެ ތެރެއިން އެންމެއިސްކޮށް ހުންނަމީހާ. (3) ސިފައިންގެ މަޤާމެއްގެނަން މިއީ ލެފްޓިނަންޓުގެ މައްޗަށް ހުންނަ މީހެއްގެ މަޤާމެވެ (4) އިސްކޫލެއްގެ އެންމެ އިސްކޮށްހުންނަ ދަރިވަރު
ކޭހުން
މ )ޏ ސ( (1) ކީހުން (2) މީހެއްގެ ގައިގެ ތަނެއް ފެޅުން
ކޭން
ނ (1) ވަކި ގޮތަކަށް އަތުރައި ތައްޔާރުކޮށް ބޮޑު މަލާފަތަކަށް އަޅައިފައި ހުންނަ ކެއުމެއް މީގެ ކިތަންމެ ބާވަތެއް ހުރެއެވެ (2) އެތައްބަޔަކު ކެއުމަށްޓަކައި ވަކިގޮތަކަށް އަތުރައި ތައްޔާރުކޮށްފައި ހުންނަ ކެއުމެއް
ކޭންޕު
ނ (1) ސިފައިންނަށް ތަމްރީންދިނުމަށް ބައިތިއްބާ ތަން (2) ވަގުތީ މަސައްކަތަށް ނުވަތަ ފަރުވާއަށް މީހުން އެއްތަނަކަށް އެއްކޮށްގެން އެމަސައްކަތް ހިންގާތަން (3) ދިރިއުޅުމަށް ނުވަތަ މަޑުކުރުމަށްޓަކައި ވަގުތީގޮތުން ހަދައިފައި ވާތަން
ކޮހު
ނ )ޏ ( ގަމާރުމީހާ
ކޮށާރު
ނ ހަބިތް ނިރޮޅުން ނުވަތަ ގަސްވަކަރުން ހަދައިފައި ހުންނަ ބަނޑަހަގެޔެއް. މީގެ ދޮރުހުންނާނީ އެއް މަޅުގަނޑަށްފަހު އަނެއް މަޅުގަނޑު ނަގައިގެން ހުޅުވޭ ގޮތަށެވެ
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮށިން ކުކުޅުހިފުން
)މިސާލުބަހެއް( މާ ތިމާގެ ގާތްމީހަކާ އިނުން
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން