radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ކުންފުނި
ނ ވިޔަފާރި ކުރުމަށް ނުވަތަ ނަފައެއް ހޯދުމަށް ދެމީހަކު ނުވަތަ އެކަކަށްވުރެ ގިނަ މީހުން ބައިވެރިވެގެން އުފައްދާ ޖަމާޢަތް
ކުރަހަނި
ނ ބިންވަޅު ނަގައިގެން ނުވަތަ ދެފަށްލާ ޖަހައިގެން ކުރަހާމީހާ
ކުރަހާބޭކަލުން
ނ ރަސްމީ ކުރެހުންތައް ކުރަހާން ދައުލަތުގެ ފަރާތުން އުޖޫރަ ދެއްވައިފައި ތިބޭމީހުން
ކުރަނދު
ނ ބާވަތެއްގެ ހިލަވެއްޔެއް މިބޭނުންކުރަނީ ބާވަތް ބާވަތުގެ ހަނުތަޅާށެވެ މިހިލަވެލި އަލިފާނަށް ލީމާ އާދައިގެ ހިލަވެއްޔަށްވުރެ އަވަހަށް ވިރޭނެއެވެ ވިރުވާއިރު މީގައި ތަތްކަމެއް ހުންނާނެއެވެ
ކުރަނޑި
ނ (1) ފެންބޯތައްޓާއި ބޯތަށިފަދަ ތަށިލާން މައްޗާއެކު ލިޔެލާ ޖަހައިފައި ހުންނަ އެއްޗެއް މީގެ ކިތަންމެ ވައްތަރެއް ހުރެއެވެ ކޮންމެ ވައްތެރެއްގައިވެސް މަތިގަނޑު މެދުގައި އުށެއް ހުންނާނެއެވެ (2) ކުރަނޑި ފާޑަށް ބިއްލޫރިން ހަދައިފައި ހުންނަ ތަކެތ ި (3) ޖަނަވާރާއި ދޫނިސޫފާސޫފީގެ މައިދާ (4) މިސްކިތް މިސްކިތްފަދަ ތަންތާނގައި ލާގެ ޒީނަތްތެރިކުރަން ކުރަނޑީގެ މަތިގަނޑާ އެއްގޮތަށް ލިޔެފައި ހުންނަ އެއްޗެއް
ކުރަފަތްފިލާ
ނ ފަތްޕިލާ ވެލީގެ ބާވަތެއް މީގެ ފަތާއި ތޮޅި ހުންނަނީ ކުރަފަތް ތިލައެއް ހެންނެވެ މީގެ މަލުގެ ކުލައަކީ ރީނދޫކުލައެވެ މަލުގެ ފިޔަތައް ހުންނަނީ އެއްފަޅިއަކަށެވެ
ކުރަފި
ނ ފައިދިގުކޮށް ފަތިކޮށް ހުންނަ ކަޅުރަތްކުލައިގެ އުދުހޭ ދިރޭ އެއްޗެއް. މީ ގޭތެރޭގައްޔާއި ގުދަންގުދަން ފަދަ ތަންތާނގައި އުޅޭ އެއްޗެކެވެ މީގެ ކިތަންމެ ބާވަތެއް ހުރެއެވެ
ކުރިކުރުން
މ (1) ދިވެހި ރުކުގެ ކުރިގަނޑު ކަނޑާލައިގެން ކެވޭނެގޮތަށް ސާފުކުރުން (2) ހެދިހެދި ހުރި ރުކެއްގެ ފަންތަކާއި އިހާތައް ކޮށައިލުން (3) މީހެއްގެ ދަރަޖަ މަތިކުރުން
ކުރިމަތިލުން
މ (1) މޫނާ މޫނު ސީދާކުރުން (2) އެއްޗަކާ ނުވަތަ މީހަކާ ދިމާއަށް ސީދާ ބެލުން (3) އެއްޗެއް ހޯދުމަށް ނުވަތަ ކަމެއްކުރުމަށް ނުވަތަ ކަމެއް ކާމިޔާބުކުރުމަށް ތައްޔާރުވެ މަސައްކަތް ފަށައިގަތުން (4) ދިމާކުރުން (5) ކަމެއް އުފުލައިގަތުމަށް ޢަޒުމު ކަނޑައެޅުން
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރީކޮޅު
ނ (1) ފެށޭކޮޅު (2) ފަހަތުކޮޅުގެ އިދިކޮޅު (3) ހިނގަމުންދާ ކަމެއްގެ ފެށުނު ހިސާބު (4) ކޮޅަށް ޖަހައިފައި ހުންނަ އެއްޗެއްގެ މަތީކޮޅު (5) ދުއްވާ މީހާ ދުއްވަން އިންނައިރު ކުރިމަތިލައިގެން އިންނަ ދިމާއިން އެ އެއްޗެއްގެ ކުރި
ކުރު
ނއ (1) ދިގުގެ އިދިކޮޅު. (2) ދިގުމިނުންމަދު. (3) ނ. މަސްކަނޑުގައި އުޅޭ ކުޑަ ކަޅު ދޫންޏެއް މީގެ ފިނދު ފަތުގައި ހުދުކުލައިގެ ބަންދެއް ހުރެއެވެ
ކުރުނބާ
ނ (1) ދިވެހި ރުކުގެ ކިހާކާއި ގަބުޅިޔާއި ދެމެދުގެ ވައް. މިއީ އޭގެ ފެން އެންމެ މީރު ކަމަށްވާ ވަރެވެ (2) )ޏ ސ ( ކުރުބާ
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއްވުން
މ މީހަކު މެދުވެރިކޮށްގެން އަނެކަކު ލައްވާ ކަމެއް ކުރުވުން
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރުވުން
މ (1) ދިގުމިނުން މަދުވުން (2) މީހަކު ނުވަތަ ބަޔަކުލައްވާ ކަމެއް ކުރުވުން ނުވަތަ އެއްޗެއް ހެއްދުން