radheef.info
ރަދީފު


ކ
އ ތާނައިގެ ހަތްވަނަ އަކުރު
ހިލުއްދަލާ
ނ )ބދ ( (1) ނިރުލައި ހެދޭހެދުން (2) ބުޑުން ކުރިތައް ފަޅަމުން ހެދެމުންދާ ދިއުން
ހިލޭ
ނއ (1) ތިމާގެކަމުގެ ގުޅުމެއްނެތް (2) އަގަކާނުލައި (3) ކަމަކާނުލައި (4) ހިމޭންކަމުގައި
ހިލޭހުރުން
މ (1) ހިމޭނުން ހުރުން (2) ވާހަކަނުދައްކާ ހުރުން (3) ޅަކުއްޖާއަށް އެކަނި ހުރެވުން (4) ތަނެއްގައި ކުއްޔެއްނުދީ ހުރުން
ހިލޭކުރުން
މ ތިމާގެކަމުގެ ނުވަތަ އެކުވެރިކަމުގެ ނުވަތަ ކައިވެނީގެ ގުޅުން ކަނޑައިލުން
ހިލޭވުން
މ (1) އުޅުމުގެ ގުޅުން ނެތުން (2) މަސައްކަތް ހުސްވުން (3) އަގަކާނުލައި ލިބޭގޮތްވުން
ހިލޭމީހާ
ނ (1) ތިމާގެކަމުގެ ގޮތުން އެއްވެސް ގާތްކަމެއްނެތް މީހާ (2) އެއްވެސް ގުޅުމެއް ނެތްމީހާ
ހިލޭދިނުން
މ އަގަކާނުލައި އެއްޗެއް ދިނުން
ހިލޭސާބަހަށް
ކއ އުޖޫރައެއްނެތި
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހިސާބުކަން
ނއނ ހެޔޮވަރުކަން
ހިސާބުކިތާބު
ނ މުދަލާއި ފައިސާއާއިބެހޭ ލިޔެކިޔުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިއެޅުން
މ (1) އެއްޗެއްގެ އަނދިރި އަނެކައްޗަކަށް އެރުން. (2) މީހެއްގެ އަނދިރި ނުވަތަ އެއްޗެއްގެ އަނދިރި މީހަކަށް އުނދަގޫވާގޮތަށް ފޯރުން (3) މޫނުބަލާ ލޯގަނޑުފަދަ އެއްޗެއް މެދުވެރިކޮށްގެން ތަނަކަށް ނުވަތަ އެއްޗަކަށް އަލިއެރުވުން (4) ފެންގަނޑެއްގެ ތެރެއިން ނުވަތަ މޫނުބަލާ ލޯގަނޑެއްފަދަ އެއްޗަކުން މީހެއްގެ ނުވަތަ އެއްޗެއްގެ ސޫރަ ފެންނަން ހުރުން
ހިޔަނިފިލާކޮޅު
ނ މީހާ ވަޅުލާދުވަހު ތާރީޚުގައި ލިޔެފައި މަހާނައިގައި ޖަހާ ފިލާކޮޅު
ހިޔަނިފުޅު
ނ މަޖާޒު: ވަކިބޭފުޅަކަށް ހެދިގެން އުޅޭ މީހާ
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހިޔަނިލުން
މ (1) ދަލުގައި ހިޔަނިހަރުކުރުން (2) އަކުރާ ކުރެހުމުގެ ކައިރީގައި އޭގެ ހިޔަނި ހުންނަގޮތަށް ފެވުން
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން