radheef.info
ރަދީފު


ދައި
ނ ފޮއިހިންގައިގެން އެއްޗެހި ހިމުންކުރުމަށް ހިލައިން ހަދައިފައި ހުންނަ ފަތާ އެއްޗެއް
ނާށިގުޑުގުޑާ
ނ ދިގު ނާށިއުނބުން ހަދައިފައި ހުންނަ ގުޑުގުޑާ މިއުނބު ބޭނުން ކުރަނީ ފުޅީގެ ބަދަލުގައެވެ
ނާނާބޭސް
ނ ގަންޖާލައިގެން ހަދައިފައި ހުންނަ ޢަމަލުވާ ހިކިބޭހެއް
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިދަންމިޔަރު
ނ މިޔަރުގެބާވަތެއް މިއީ ވަރުގަދަ ބޯހަންގަނޑެއް އޮންނަ ބަރުހެލި މިޔަރެކެވެ މިމިޔަރު ނިދައިފައި އޮންނައިރު އޮންނާނީ އެސޮރުގެބޯ ހަރުހަރަށް ވައްދައިގެންނެވެ މިޔަރުގެ ކުލައަކީ މުށިކުލައެވެ އުރަހަތައް ހުންނަނީ އަޅިކުލައެއްގައެވެ
ނިތްގަނޑު
ނ (1) ނިތާދިމާއިން ނެރެ ހަދައިފައި އޮންނަ އިސްތަށިގަނޑު (2) ތޮފިފަދަ އެއްޗެތީގައި ނިތާ ދިމާއިން ނެރެފައި ހުންނަތަން (3) މިޔަރުގެ ތަލަމަތި
ނިތްގަނޑު މިޔަރު
ނ )އ.( މެންދާ މިޔަރުގެ ބާވަތެއް . މިއީ އާދައިގެ މިޔަރަށްވުރެ ނިތްގަނޑު ބޮޑު އެހެން މިޔަރަށްވުރެ އުރަހަ ކުދިކޮށް ހުންނަ މިޔަރެކެވެ ހެލިފެލިވުމުގައި ތަންކޮޅެއް ހަރަކާތްލަސް މިޔަރެކެވެ
ނިލަމެހިދައު
ނ އެންދަމާ ދަލުގެ ބާވަތެއް މިދައު އާދައިގައި ގެންގުޅޭ ދަލަށްވުރެ ގޮޅި ބޮޑެތިވެފައި ދާވެސް ތަންކޮޅެއް ކުޑަވާނެއެވެ
ނިގޫދިގުހިކާ
ނ ހިކާގެ ބާވަތެއް މިމަހަކީ ހިމަދިގު ފެހިކުލައިގެ މަހެކެވެ މިފެހިކުލައިގެ ތެރެއިން ނޫކުލައެއް ފާއްދައިފައި ހުރެއެވެ ހުޅުނބުތަކުގެ ހުރަހަށް ރަތްކުލައިގެ ރޮނގެއް ފާޅުކޮށް ހުރެއެވެ މިމަހުގެ ބޮލުގައި ރަތްދަނބުކުލައިގެ ކުރެހުންތަކެއް ހުރެއެވެ ނިގޫފަތުގެ ދެފަރާތުކައިރި ނަރުވައެއްގެ ސިފައިގައި ދިގުކޮށް ހުރެއެވެ
ނިޔަފަތިކަނޑާދަތި
ނ ނިޔަފަތި ކަނޑަން ހަދައިފައި ހުންނަ އާލަތެއް
ނިޝާން
ނ (1) ފާހަގަ (2) ޢަލާމާތް (3) ޢިއްޒަތާއި ތަޢުރީފުގެ ފާހަގައެއް ކަމުގައި ދީއުޅޭ ރަން ރިހިފަދަ ތަކެތީން ހަދައިފައި ހުންނަ ފޮއްޗާއި މައު
ނޫސްކަރުދާސް
ނ (1) ފަރަންޖީ ކަރުދާސް (2) ނޫސް ޗާޕްކޮށްފައި ހުންނަ ކަރުދާސް (3) ނޫސް ޗާޕްކުރަން ހަދައިފައި ހުންނަ ކަރުދާސް
ނޭވާކުރުވުން
މ އާދައިގާ ނޭވާލާ ވަރަށް ނޭވާނުފެތި ނޭވާ އަވަސްވުން
ނޭވާލުން
މ ފުއްޕާމެޔަށް ވައިވައްދައި ބޭރުކުރުމަށް ޙަރަކާތްކުރުން
ރަންބިސްމިނާ
ނ މިނާފުއް ވަރަށް ހަދައިފައި ހުންނަ ކުދި ރަންކުލައިގެ ބޮކި
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަބަރު
ނ ރަބަރުގަހުގެ ކިރުން ތައްޔާރުކުރާ ދެމޭގޮތް ހުންނަ އެއްޗެއް މިއިން ވަރަށް ގިނަތަކެތި ހަދައި އުޅެއެވެ
ރަބަރުފޮތި
ނ ފޮތިހައި ތުނިކޮށް ރަބަރުން ހަދައިފައި ހުންނަ އެއްޗެއް