radheef.info
ރަދީފު


ވަރުހުންނާނީ ވަނާޖުނބޭސާއަކުނޫނެވެ. ފައިސާގައެވެ.
(މިސާލުބަހެއް) ކިޔޭއަންބާއެއްގެ ބާރަށްވުރެ ފައިސާގެ ބާރު މާގަދައެވެ.
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް
ހީވީމެޔަށް ފެންއެއްޗެއް އަޅައިލިހެންނެވެ.
(މިސާލުބަހެއް) މާބޮޑަށް ސިހޭގޮތްވުމުން ނުވަތަ ބިރުގަތުމުން ބުނެ އުޅޭ ބަހެއް
ހުވަފެނަކީބިލާހެކެވެ.
(މުސްކުޅިބަހެއް) ހުވަފެނަކީ ޙަޤީޤަތެއްނޫނޭ ބުނަން ބުނާބަހެއް
ނަވަށްކުރާބާރު އެނގޭނީ ކެނބަށެވެ.
(މުސްކުޅިބަހެއް) ހިނގާ ޚަރަދާއި ހޭދަވާ ފައިސާ އެނގޭނީ އެކަމާ ހަވާލުވެގެން ހުންނަ މީހަކަށްކަން ދޭހަކޮށްދޭން ބުނެއުޅޭ ބަހެއް
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަސީބަކީ ކަތީބަކުދޭ އެއްޗެއްނޫނެވެ.
(މުސްކުޅިބަހެއް) ނަސީބަކީ ވެރިޔަކު މެދުވެރި ނުވެވެސް ލިބޭއެއްޗެއްކަށް ދެއްކުމަށްޓަކައި ބުނެއުޅޭބަހެއް
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ބަސްނުވިކޭ އޮޑީގެ ދިރުނބާކޮޅަށް ނާރާށެވެ.
(މިސާލުބަހެއް) ބަސްގަބޫލު ނުކުރާ ބަޔަކަށް މަގުދައްކާ މީހަކަށް ނުވާށެވެ.
ކަލާސީންނަކަށް ނަވެއް ބަލެއް ނުވާނެއެވެ.
ގޮތެއް ހުހެއްނުވާނެއެވެ.