radheef.info
ރަދީފު


ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ކުރެހުން
ނ (1) ހަމައެއްގެ މަތީން އެއްޗަކަށް ވާނޭހެން އަޅައިފައި ހުންނަ ރޮނގުތައް މ (2) ވަކި ޤަވާއިދެއްގެ މަތިން ރޮނގުއެޅުން (3) ވަކިޤަވާއިދެއްގެ މަތިން ބިންވަޅު ނެގުމާއި ފޫވެއްޓުން (4) ތަސްވީރުފަދަ ތަކެތި ފެވުން (5) އެއްވެސް އެއްޗަކަށް ނުވާނޭގޮތަށް ރޮނގުތަކެއް އެޅުން (6) ގައިގެ ހަމުގައި ކޮންމެވެސް އެއްޗަކުން އެޅިގެން ކިރިޔާ ތެޔޮހަން ކެޑުން (7) ފޮޓޯނެގުން
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅުދުއްފުށިފުލަށްފޫގެޅުން
މ ދަމާއެއްރޮއްޖަކަށް ފޫގެޅުން
ކުޅުދުއްފުށީފޫ
ނ ދެފިނދުކިބަ އެކުގައި ފެންނަގޮތަށް މުންޑު އަނބުރާހިމަކޮށްފައި ދަމާ އެއްރޮށްޖަކަށް ގަޅާފޫ
ކުވާ
ނ (1) ބައެއްމީހުން ނިދާ ތެދުވާއިރު މޫނުމަތީގައި ނިދިކުޅާއެކު ބުރައިފައި ހުންނަފޫ (2) ބައެއްމީހުން ގައި ކަހާލީމާ އެޅިފައި ހުންނަ ފުސްރޮނގު
ކުވާބުރުން
މ (1) ގައިގައި ރޮނގުއެޅި ފުސްވެފައިހުރުން (2) މޫނުގައި ނިދިކުޅާއެކު ފޫބުރުން
ކުދުފުއްލާ
ނ )ސ ( ފޫއެނބުރީގެ ބާވަތެއް މިއީ ހިމަކޮށް ގާތްގަނޑަކަށް 6 އިންޗި 4 އިންޗި ހާދިގު ކޮށް ބަދަބަދައަށް ހުންނަ ފޫއެނބުރިއެވެ މީގައި ރީތި ކުރެހުމެއް ހުރެއެވެ އެކި ތަންތަނުގައި ހުންނަނީ އެކިކުލައެވެ
ކުސީ
ނ (1) ހިތްފަސޭހަކޮށްލާ ކޮށްލުން (2) ފޫހިފިލުވާ ފިލުވުން (3) އުފާ
ކުސީފިލުވުން
މ (1) ފޫހިފިލުވުން (2) ހިތްފަސޭހަކޮށްލުން (3) އުފާކޮށްލުން
ކުޑަކަންފަތް
ނ ކަންފަތުފޫޅު
ކުޑާރަން
ނ ބޯލޮއިން ހަދައިފައި ހުންނަ ކުޑަ ތެއްޔެއް މިހުންނަނީ ފޫ ހިމަކޮށެވެ މިތެލީގައި ދެއުޅަށް ހުރެއެވެ މިތެލީގެ އަނގަމަތި ވަރަށް ކުޑަވާނެއެވެ
ކެނބުން
މޫދުގައި ނުވަތަ ކޯރުގައި އުޅަނދުފަހަރު ކުރިޔަށް ގެންދިއުމަށް ދިގުދަނޑި އެއްގެ ފޫއަޑީގައި ވިދެވިދެފައި ކޮއްޕުން
)މުސްކުޅިބަހެއް( މީހަކަށް ލިބިފައިވާ މަޤާމެއްގެ ނުފޫޒުގެ ބޭނުންކޮށްގެން ނާޖާއިޒުފައިދާ ނަގައިފައި ވާވަރު އެނގޭނީ އެމީހާ އެމަޤާމަކުން ވަކިވީ ދުވަހަކުންކަން އެންގުމަށް ބުނެއުޅޭބަހެއް ކެޔޮކޭވަރު އެނގޭނީ ބިތުފަންގެ ނެގީމައެވެ
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯރިބަނުން
މ (1) ފަންގަޑަކުން ކޯރިއެއް ހެދުން (2) ފުރާޅު ފޫދުއްވައި އަރައިފައި ހުންނަ މުޑިފަދަ ތަކެތީގައި ކޯރިފަންގަނޑު އެއްސުން
ކޯރިގަނޑު
ނ (1) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާ ގޮށްޓެއް (2) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރާފާނެތީ އޭގައި ފުރާޅުގެ މަތިން ބަންނަ ފަންގަނޑު
އަނދަވަޅު
ނ (1) ކެޔޮގަނޑު ދޮންކުރާންލާވަޅަށް ދުންދާނޭހެން ކައިރީގައި ކޮނެ ކެޔޮގަނޑު އޮތް ވަޅަށް ފޫވައްޓައިފައި ހުންނަ ކުޑަ ވަޅެއް. ކެޔޮވަޅަށް ދުންލާނީ މިވަޅުގައި ކެޔޮފަތް ފަދައެއްޗެއް އަންދައިގެންނެވެ. (2) މީހުން ވައްޓައިލުމަށްޓަކައި ދިގުކޮށް ކޮނެމަތިން ފަތްއަޅައިފަސް ލައި މަތި އޮމާން ކޮށްފައި ހުންނަ ވަޅު
އަނގޮޅި
ނ ގޯޅިގޯޅިމަގަށް ފޫވެއްޓޭތާ އަނގަމަތި
އަރާއަރަފޯދުން
މ (1) ހުރިހައިގޮތަކުން ކުފޫހަމަވުން (2) ހުރިހައި ގޮތަކުން ލާއިޤުވުން (3) ހުރިހައި ގޮތަކުން އެކަށީގެންވުން