radheef.info
ރަދީފު


މޭވާ
ނ (1) އަންނާރު ފޭރު އަނބުފަދަ ގަސްގަހުގައި އަޅާ ކާއެއްޗެތި (2) ބައެއް ގަސްގަހުގައިގަހުގައި އަންނަމަތިވަރު (3) މަޖާޒު: ކަންކަމުގެ އެދެވޭ ނަތީޖާ (4) ދަރިން
ދޮންކުރުން
މ (1) ދަގަނޑާއި ލޮޔާއި ރަންރިހި ފަދައެއްޗެހި އަލިފާނަށްލައިގެން ރަތްވާވަރަށް ހޫނުކުރުން (2) މޭވާފަދަ ތަކެތި ދޮންކުރަން ވައިބަންދުވާ އެއްޗަކަށް ނުވަތަ ތަނަކަށް ލައިގެން ފައްކާ ކުރުން
ދޮންވުން
މ (1) ގަސްގަހުގައި އަޅާތަކެތި ފައްކާވުން (2) ބައެއްމޭވާއާއި ގަސްގަހުގެފަތް ހަރުވެގެންގޮސް ރީނދޫ ކުލައައުން (3) މައުދަނީ ތަކެތި އަލިފާނުގެ ހޫނުން ރަތްވުން (4) ތަނެއްނުވަތަ އެއްޗެއް އަވިން މާބޮޑަށް ހޫނުވުން (5) އޮށާޅައިގެ ގޮނޑިނުކުންނަވަރުވުން (6) މަޖާޒު: ކުޑަކުދީންގެ ބަހުރުވައިގައި ނަލަވުން (7) ހަމުގެ ކުލަ އަލިވުން (8) އިރުއެރުމުގެ އަލިކަން ފާއްދައިލުން މިސާލު: އިރަށް ދޮންވުން
ތޫރި
ނ (1) ބައެއްގަސްގަހުގައި ފަތްނުކުންނައިރު ނުވަތަ މޭވާގަންނާންވީމާ ތޮޅި ނުވަތަ މާނުކުންނައިރު ބަނޑުފަތެއްގެ ގޮތުގައި ނިކުންނަ ބައި (2) ކަންފަތުގެ އަޑު އިވޭބައިގެ ބޭރުގައި ހުންނަ ދުލިފަށް
ތޫތު
ނ (1) ތޫތުގަހުގައި އަޅާމޭވާ (2) ކުޑަކުދިންގެ ބަހުރުވައިގައި ދިރޭއެއްޗެހި
ތޫތުގަސް
ނ ތުނޑުލީ ފަތްތަކެއް ހުންނަ ވާކޮށް ހެދޭގަހެއް މިގަހުގައި އަޅާނީ ހިމަދިގުކޮށް ހުންނަ އިންޗިއެއް ނުވަތަ ދޮޅުއިންޗީގެ ބޮޑުމިނުގެ ހުތްފޮނިރަހަލާ މޭވާއެކެވެ މިދޮންވީމާ ހުންނާނީ ކަޅުރަތް ކުލައިގައެވެ
ތޯށި
ނ )ޏ ( ގަސްގަހާ ގެއްސާއި މޭވާފަދަ ތަކެތީގެތޮށި
ތޯށިގަނޑޮ
ނ )ޏ ( ގަސްގަހާ ގެއްސާއި މޭވާފަދަ ތަކެތީގެ ތޮށިގަނޑު
ލަކުނު
ނ (1) ހަށިގަނޑުން ހަލާކުވާ ތަނެއް ފަސޭހަވުމުން އެނގެން ހުންނަތަން (2) ލަކުޑިއާއި ދަގަނޑާއި މޭވާފަދަ އެއްޗެހީގައި ލިބޭ ގެއްލުމަކުން އެނގެން ހުރުން (3) މަޖާޒު: އިންސާނާގެ ހިތުގައި ހަރުލައިފައި ހުންނަ ހިތްދަތިކަމުގެ އަސަރު
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ލުނބޯ
ނ ނާރިނގު އާއިލާގެ ހުތްމޭވާއެއް ބައެއްކަހަލަ ކާތަކެތީގައި ހުތް ރަހަލެއްވުމަށާއި ބޭސްވެރިކަމަށް މިބޭނުން ކުރެއެވެ
ލުނބޯގަސް
ނ ނާރިނގު އާއިލާގެ ހުތްމޭވާއެއް އަޅާގަހެއް މިގަހުގެ ފަތުގައި ދުވަނީ ޅަލުނބޯގެ ތޮށީގައި ދުވާކަހަލަ ޒަވިވަހެކެވެ
ލޮނުޖުއްލާބު
ނ މޭވާގެ ލޮނުން ތައްޔާރުކުރާ ޖުއްލާބު
ގަޅިއުކުން
މ (1) މޭވާ އަޅައިފައި ހުންނަ ގަސްގަހަށާއި ފުރާޅުފަދަ ތަންތަނަށް ދަނޑިބުރިބުރި ފަދަ އެއްޗެހި އުކުން (2) މަޖާޒު: ވަށްބަހުން ޖެހުން
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގުލްކޯޒު
ނ (1) ސައިބޯ ހަކުރު ގޮތަށް ހުންނަ އެއަށްވުރެ މާމުހިންމު ހަކުރެއް މިއިން ހަށިގަނޑަށް ވަގުތުން ބާރުލިބެއެވެ (2) ކުލައެއްނެތް ފޮނިދިޔާ އެއްޗެއް (3) މޭވާ ފަދަ ގުދުރަތީ އެއްޗެހީގައި ހުންނަ ހަކުރުގެ ބައި
ގެރިވުން
މ )ޏ ( (1) ތަނެއް ހަޑިވުން (2) ފަޅޯފަދަ މޭވާއެއް މާބޮޑަށް ފައްކާވުން
ޏަމުޏަމު
ނ ހުތްރަހަ ގަދަ މޭވާއެއް މި ނުކުންނާނީ ބިލަމަގު ނުކުންނަ ގޮތަށް ގަސްގަނޑުންނެވެ މިއީ ފަތިކޮށް ބޭރު ގޮށްގޮށަށް އުފުލިފައި ހުންނަ މޭވާއެކެވެ
ސަރުބަތު
ނ (1) ހަކުރާއި ފެނާ އެއްކޮށް ކޮންމެވެސް ކަހަލަ އެސެންސަކުން ރަހަލައްވައިފައި ހުންނަ އޮލަފަނި (2) މޭވާ އަކުން ނަގައިފައިވާ ޖޫހަށް ހަކުރު އަޅައި އޮލަކޮށްފައި ހުންނަ ފަނި (3) ބޭހަށް ބޭނުންކުރުމަށް ބައެއް ބާވަތުގެ ތަކެތިން ކައްކާ އޮލަފަންޏެއް މިސާލު: ވޭމުއި ސަރުބަތު
ސަބުދެލި
ނ ގަހެއްގައި އަޅާ ފޮނިމޭވާއެއް މި ދޮންވީމާ ފުށްގޮތެއް ހުރެއެވެ މީގެ ބޭރުތޮށި ހުންނަނީ ވިލާތު އަލުވީގެ ތޮށީގައި ހުންނަ ކުލަޔާ ގާތް ކުލައެއްގައެވެ
ސައްކެޔޮ
ނ ދޮންވުމުގެ ކުރިން ތަރުކާރީ އެއްގެގޮތުން ދޮންވީމާ މޭވާއެއްގެ ގޮތުން ބޭނުންކުރާ އެއްޗެއް މިހުންނަނީ ބަނބުކޭލާ ވައްތަރު ގޮތަކަށް އެއަށްވަރެ މާބޮޑެތި ކޮށެވެ މިއީ ގަހުގެ ދަނޑިގަނޑުންނާއި މުލުންވެސް ނުކުންނަ އެއްޗެކެވެ