radheef.info
ރަދީފު


އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
ކ އަލިފުބާގެ އަކުރުތައް ދަސްކުރާން ލިއެދިނުން އަލިފުބާޖެހުން
އާހް
އ މޮޅިވެރިކަން ފާޅުކުރާން ބުނާ އަކުރެއް
އާބާފިލި
ނ ތާނައިގައިނަމަ އަކުރުގެ މަތީގައިޖަހާ ތެދުދެފިލި
އިބިފިލި
ނ އަކުރުގެ ތިރީގައި ޖަހާފިލި
އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އުށް
ނ (1) ކޮންމެވެސް ތެޔޮމާއްދާއަކުން ގަނޑުގަންނަވައި ގެންހަދާއެއްޗެއް މިއީ ދިއްލާށާއި އެއްޗެތި ތެޔޮކުރާން ބޭނުންކުރާ އެއްޗެކެވެ (2) ބޭސްއުށް (3) ބައެއް އެއްޗެތީގެ މަތިގަނޑުގެ މެދުގައި ހިފާށާއި ރީއްޗަކަށް ޖަހައިފައި ހުންނަ ކުޑަގޮބު ނުވަތަ އުސްތަންކޮޅު (4) މަރުވަޅީގައި ފައިގެ ދެއިނގިލި ދޭތެރެއިން ހިފާން ހުންނަ ކުޑަގޮބު
އުނހު
އ (1) ނޫނޭ. (2) އަނެކަކަށް އެއްޗެއް ދައްކާންވެގެން އިޝާރާތް ކުރުމަށް ބުނާ އަކުރެއް. (3) ކުޑަކުދިން އަންހެނުން ކުސްތަޅާގޮތެއް (4) ލޯބިކުރުމުގެ ތެރޭގައި ތަކުރާރުކުރާ އަކުރެއް މިމާ ނަތައް ދޭހަވާނީ ބުނާ މަޤާމުންނާއި ބުނެވޭ ރާގުންނެވެ
އުނދުންކޮށި
ނ އޮޑިދޯނިފަހަރުގައި ކައްކާން ކަރާސީނުތެޔޮ ހުސްކުރި ޑަބިޔާއަކުން ހަދައިފައިހުންނަ އުނދުނެއް
އުޅަނދުމަތި
ނ ރަށްފުށު މީހުންނަށް ދެއްވާ ދަރަޖައެއް. މިއީ އޮޅިމެދެއްގައި ނުވެތިބޭ މީހުންނަށް ދައުލަތުގެ ސިޓީއަކުން ދެއްވާ ކަމެކެވެ. މިކަމަށް އޮންނަނީ މައުލޫދު ކިއުންފަދަ ކަންތަކަށް ބިލެތާއި ދިއުމުގެ ދަރަޖައެވެ. މިއީ އުތުރު އަރުމާޒު ވަޑައިގަތްފަހަރު ރަށްރަށުން އަރުމާޒު ދޮށަށް އައި ފުރާދުއްވާ ތަކެތީގެ މީހުންކުރެން އުޅަނދަކަށް އަރައި އުޅަނދެއްގައި އަތުރު ކުޅަ ކޮންމެމީހަކަށް ދެއްވި ދަރަޖައެކެވެ އެއަށްފަހު ރަށްފުށު މީހުންނަށް މިދަރަޖަ ދެއްވަނީއެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އެހެހޭ
އ މީހުންނާ ދިމާޔަށް ރަކިކޮށްލާން ބުނާ އަކުރެއް
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެވޭލާއަކުރު
ނ ދިވެސް އަކުރުގެ މުސްކުޅި އަކުރު
އޭކަން
ނ ހިސާބުގެ ޢަދަދު ކިޔާން ގުނާގުނުމުގައި ކަނާތްފަރާތުން ފުރަތަމަ އޮންނަ އަކުރަށް ކިޔާގޮތެއް
އޭކަންވަޅު
ނ ހިސާބުގެ ޢަދަދު ޖަހާއިރު ކަނާތްފަރާތުން ފުރަތަމަ އަކުރު ޖަހާތަން
އޮ
އ (1) "އޯ" ގެ ބަދަލުގައި ބުނެއުޅޭ އަކުރެއް (2) ސިހިގެންގޮސް ނުވަތަ އަނެކަކަށް އެކަމެއް ދިމާވާ ވަގުތު ކުއްލިއަކަށް ބުނެވޭ އަކުރެއް
އޮހޮ
އ (1) އެވަގުތު ވާނެހެން ހީނުވާ ކަމެއްފެނިގެން ހައިރާންވުމާއެކުގައި ނުވަތަ އަޖައިބު ވެގެން ބުނާ އަކުރެއް (2) ކަމެއް މަނާ ކުރުމުގެ ގޮތުންވެސް މިއަކުރު ބޭނުން ކުރެއެވެ
އޮހޯ
އ (1) އެވަގުތު ވާނެހެން ހީނުވާ ކަމެއްފެނިގެން ހައިރާންވުމާއެކުގައި ނުވަތަ އަޖައިބު ވެގެން ބުނާ އަކުރެއް (2) ކަމެއް މަނާ ކުރުމުގެ ގޮތުންވެސް މިއަކުރު ބޭނުން ކުރެއެވެ