radheef.info
ރަދީފު


އަކަ
ނ (1) ހަތަރެސްކަންގޮޅި (2) އެތައް ޢަދަދަކަށް ޖަހައިފައި ހުންނަ ހަތަރެސް ކަންގޮޅިތައް މިސާލު: ނުވަގެވަޅުއަކަ ސޯޅަގެވަޅުއަކަ (3) ނއ ހަތަރެސްކަން
އިންޤިލާބު
ނ (1) އެއްގޮތުން އަނެއްގޮތަށް ބަދަލުވާ ބަދަލުވުން (2) ތަނެއްގެ ވެރިކަމަށް ބުންޔާދީގޮތުން ކުއްލިއަކަށް އަންނަ ބަދަލު (3) އެއްދައުރަކުން އަނެއް ދައުރަކަށްވާ ބަދަލު
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އުވަގަނޑުހެދުން
މ (1) އުވަގަނޑު ވަކި ނަމޫނާއަކަށް ނުވަތަ ވަކި ބައްޓަމަކަށް ހަދައި ނިންމުން (2) އުވަޖަހާއިރު ބޯކޮށް އުވަފަށް ނެރުން
އެއްފަހަރާ
ކއ (1) ކުއްލިއަކަށް އެކުގައި (2) މެދުކެނޑުމެއް ނެތި އެކުގައި
އެއްފަރާތްކުރުން
މ (1) އެއްކައިރިއަކަށް ޖެއްސުން (2) އެއްފަރާތަށްލުން
އެތައްދަޅިއެއްލުން
މ )ސ ( މަޖާޒު: އެތައްގެއަކަށް ވަނުން
އޮ
އ (1) "އޯ" ގެ ބަދަލުގައި ބުނެއުޅޭ އަކުރެއް (2) ސިހިގެންގޮސް ނުވަތަ އަނެކަކަށް އެކަމެއް ދިމާވާ ވަގުތު ކުއްލިއަކަށް ބުނެވޭ އަކުރެއް
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮށްގާފިލާއައުން
)މިސާލުބަހެއް( ކުއްލިއަކަށް މުދާތަކެއް ނުވަތަ ފަހިކަމެއް ލިބުނީމާދޭ މިސާލެއް
އޮށްގެންފައި ފޯދުން
)މިސާލުބަހެއް( ސަބަބުތަކަކުން ކަމެއްވާނޭގޮތް މެދުވެރި ކުރުމާއިއެކު އެކަމެއް ވާނެއޭ ހީވެފައި ވަނިކޮށް ކުއްލިއަކަށް ހުއްޓުނީމާ ދޭމިސާލެއް
އޮނަ
ނ ފުރަތަމަ ދިހައަކަށްފަހު ސަތޭކައާ ޖެހެންދެން އަންނަ ކޮންމެ ނުވަޔަކަށްވާ ޢަދަދު. މިބަސް ބޭނުންކުރަނީ ދިހަ ހަމަވާ ޢަދަދަކާ ގުޅުވައިގެންނެވެ. މިސާލު: އޮނަވިހި އޮނަތިރީސް )ސ ( އޮނު
އޮއްސައިލުން
މ އެއްޗެއްގެ ތެރޭގައި ހުރި އެއްޗެހިތަކެއް ކުއްލިއަކަށް ތާކަށް އަޅައިލުން
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
ވަހަށްއައުން
މ (1) ވަހުގެ އިޙްސާސް ލިބިގެން އެދިމާއަކަށް އައުން (2) މަޖާޒު: ކަމަކަށް ކައްކައިގެން އުޅޭތަނަކަށް ނުގޮވަނީސް އައުން
ވަހުތާން
ނ ފޮތީގައި ލިޔެ ގިއުގަނޑެއްގައި ފަހައި ވަޔާ އެނބުރޭގޮތަށް ދަނޑިއަކަށްޖަހައި އުސް ތަންތަނަށް ނަގައިފައި ހުންނަ ތަވީދު. )ގޭގޭގެ ތެރޭގައިވެސް ވަހުތާން ހަރުކޮށް އުޅެއެވެ. ބައެއް ފަހަރަށް ރަންރިހިންނާއި އެކިކަހަލަ މަޢުދަނީ އެއްޗިހިން ތުނިކޮށް ތަޅައިފައި ހުންނަ ފަތްގަނޑުގަނޑުގައިވެސް މި ތަވީދު ލިޔެއެވެ
ވަކަރުގެ
ނ އިހަށް ކުޑަލާމިގަސްދޮށު އަތިރިމަތީގައި ފަހުން މާރުކޭޓާ ދިމާއިން ދެކުނުގައި ކުރީގެ އަތިރިމަތީގައި ސަރުކާރުގެ ވަކަރު ރައްކާ ކުރާން އަޅައިފައި ހުރި ގެއެއް މިގޭގައި ސަލާންޖަހާ ކުދީން ނިދާއުޅުނެވެ އޭގެފަހުން ބަނޑޭރިގެއާ ދިމާއިން އަތިރިމަތީ ފާރު ކައިރީގައި އޭރު އެތާހުރި ހެލެބެނލިގަސްދޮށު ދޮރޯށީގެ ހުޅަނގުން ސަލާންދޭ ކުދީން ނިދާ އުޅޭން ދައުލަތުން އަޅުއްވައިފައިހުރި ގެއަކަށްވެސް ކިޔައިއުޅުނީ ވަކަރުގެއެވެ
ވައިދުނި
ނ (1) އާދަޔާ ޚިލާފަށް އުޑުމަތީން ފެންނަ ހުދު ދިގު ތުނި ވިލާފަށެއް މިއީ ވައިޖެހޭނެ ކަމުގެ ލިޝާނެއްކަމަށް ބުނެއުޅެއެވެ. (2) އިލޮށީން ނުވަތަ އޮނުން ކުރުފަލަ ތުތިމަހަކާ ގާތްސިފައަކަށް ހަދައިފައި ކަރުދާހުން ހިއްޕައިގެން އިރުވައިގައި އެއްލާން ގެންގުޅޭ ގުޑީގެ ބާވަތެއް މީގެ ތިރީގައި ކުޑަ ފިނދުފަތެއް ހުންނާނެއެވެ
ވައްޓައިލުން
މ (1) ތިރިއަށް އަންނާނޭހެން ދޫކޮށްލުން (2) ވެއްޓޭނެ ގޮތް ހެދުން މަޖާޒް: (3) މީހަކު ހުރި ވަރަށްވުރެ ދަށުދަރަޖައަކަށް ބޭލުން (4) ދެރަކޮށްލުން (5) އަގުދަށްކޮށްލުން