radheef.info
ރަދީފު


ރުމާ
ނ (1) ހަތަރެސްކަނަށް ހަދައިފައި އޮންނަ ފޮތިގަނޑެއް މީގެ ކިތަންމެ ބާވަތަކާ ކިތަންމެ މިނެއް ހުރެއެވެ މިސާލު: )ހ( ބޮލުގައި އަޅާރުމާ )ށ( ނަވު ރުމާ )ނ( ކުޑަ ރުމާ (2) ތާސްބައިގެ ރަތް ތުތިމަހެއްހެން ހުންނަ ރަނގަ
ފަރުމާނުކުރެވި
ނ (1) ރިޔަލުގެ ފަރުމާނުގައި އައްސާ ކުރަވި (2) )ހ( ދިހި ކުރެވި
ފަރުމާނުއެޅުން
މ އަލޯ ނުވަތަ ލަކުޑިން ފަރުމާނު ހެދުން
ފަރުމާނުތަންނި
ނ ހަތަރެސްކަން ރިޔަލުގެ ފަރުމާނުގެ ދަށުގައި އެއްކޮޅުން އަނެއްކޮޅަށް އޮންނަވާ މި ވާ އޮންނާނީ ތަންތަންކޮޅުން ފަރުމާނަށް އައްސާފައެވެ މިއީ ފަރުމާނުގައި ހިފައިގެން ހިނގުމަށްޓަކައި ފައިއަޅަން އޮންނަ ވަލެކެވެ
ފަރުމާނެޔާ
ނ )ގ ( ފަރުމާނު
ފަރޮމާ
ނ )ޏ ( ފަރުމާ
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ގޯދި
ނ ކަނޑުގައި ދުއްވާ އުޅަނދުފަހަރު މަރާމާތު ކުރުމާއި މިނޫންވެސް މިފަދަ ކަންކަން ކުރުމަށް އެތަކެތި އެހެލައިފައި ބަހައްޓަން މޫދާގުޅިގެން ހަދައިފައި ހުންނަ ތަންތަން
ފާލުބުރުމާ
ނ ފާލުއެޅޭގޮތަށް ހުންނަ ބުރުމާ
ފާޚާނާ
ނ ފެންވެރުމާއި ޤަޟާޙާޖަތް ކުރުމަށް ހަދައިފައި ހުންނަ ތަންތަން
ފީސްހަންޖާ
ނ )ސ ( އޮޑިފަހަރުގެ މަތީ ރިޔަލުގެ ކުނބުން ފަރުމާނުގެ ކޮޅުގައި ހުންނަ ހަންޖާ
ފެންކެނޑުން
މ (1) ވާރޭހުއްޓުން. (2) ގައިގެ ދެހަން ދޭތެރެއަށް ފެން އަރައި ހަންގަނޑު ކެނޑުން. (3) )ޏ.ސ.( ފިރިހެނެއްގެ ކިބައިގައިވާ ހީވާގިކަމާއި ކެރުމާއި މުރާލިކަން ހުރުން
ފޭޑި
ނ ކަންތައް ކުރުމާއި އުޅުމުގެ ވައްޓަފާޅި
ފޭޑިއެއް ނެތުން
މ ކަންތައްކުރުމާއި އުޅުމުގައި ވައްޓަފާޅިއެއް ނެތުން
ދަސްމާލު
ނ ބޮލުގައި ބަންނަން ބޭނުންކުރާ ރުމާލަށްވުރެ ބޮޑު ފޮށަޔަށްވުރެ ކުޑަ ހަތަރެސްކަން ފޮތިކޮޅެއް
ދިހި
ނ ރިޔާއަޅާއިރު ފަރުމާނުގައި ރިޔާއެއްސުމަށް ކުރެވީގައި ހަރުކޮށްފައި ހުންނަ އެތިފަށް
ދިހިބަނުން
މ ފަރުމާނުގައި ދިހިއެއްސުން
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިލަނެގުން
މ ކެރުމާއި ހޫނު އެކުލެވިފައިވާ ވޭނެއްއެޅުން
ދުއްރަ
ނ ތަޢުޒީރުކުރުމާއި ހައްދުޖެހުމަށް ހަމުން ހަދައިފައި ހުންނަ އެއްޗެއް
ދޮންބިބީ
ނ (1) ބިބީ ޢާއިލާގެ މަހެއް މިމަހުގެކުލައަކީ ގަދަ ރީނދޫ ކުލައެވެ މަހުގެ ލޯހުރަސްކޮށް ކަޅުކުލައިގެ ހިމަރޮނގެއްދެމިފައި ހުރެއެވެ އަދިމަހުގެ އަރިމަތީގައި ކަޅުކުލައިގެލަފެއް ހުރުމާއެކު މަހުގެ ނިގޫފަތުގެ ބުޑުހުރަސްކޮށްވެސް ހިމަކޮށް ހުންނަ ކަޅުކުލައިގެ ރޮނގެއްހުރެއެވެ މީގެނިގޫފަތުގެ ކުލައަކީ ހުދުކުލައެވެ (2) ދިވެހި އަންހެނުންނަށް ކިޔައިއުޅޭނަމެއް