radheef.info
ރަދީފު


ރިޔަ
ނ ރާޒުވާގެ ކުޅިބައިގެ ކުޅިއެއް
ކުރިބެދުން
މ (1) ހެދިހެދިހުންނަ ގަސްގަހުގެ ކުރި ނުނިކުންނަ ގޮތް ވުން (2) ގަސްގަސް ގައިގޯޅިވެގެން ނުވަތަ މަތިބެދުމުގުގެ ސަބަބުން ރުއްގަސް ނުފޯދޭގޮތްވުން (3) ކުރިޔަށް ނުދެވޭގޮތްވުން
ކުރިއެރުން
މ (1) ކަމެއްގައި އަނެކަކަށްވުރެ ނުވަތަ އަނެކައްޗަކަށްވުރެ ކުރިޔަށް ދެވުން (2) މޮޅުވުން (3) މައްޗަށް ދިޔުން (4) ތަރައްޤީވުން
ކުރުކަނިމަތީވަކަރު
ނ )މ ( ގޭގެ ކަނިތަކު މަތީ އަރިޔަށް އޮންނަ ވަކަރު
ކުރުއްޕަތް
ނ (1) ޅަ ރުކުގެ ގޮނުވަން ނުތޮޅޭ ފަން (2) ކެޔޮގަހުގެ ބޯށި އައުމުގެ ކުރިޔަށް ނުކުންނަ ކުރުފަތް
ކުރެވި
ނ (1) ރިޔަލާއި ސަތަރިފަދަ އެއްޗެހީގެ އެމުނީގައި ހަރުކޮށްފައި އޮންނަ ވާ (2) ލޮލުގެ އެސްފިޔަ ފަޅައިފައި ހުންނަތަން (3) )ހ ( އަންނައުނުގެ ކަށިފަތީގެ އެންމެ ކައިރިފަށް
ކުލަސަނދައިރަ
ނއ )ބދ ( (1) ދަރިކޮޅު މާތް (2) އިރުހަނދު ފަދަ މިއީ ރަސްކަލުންގެ ނަންފުޅުގެ ކުރިޔަށް ގެންނަ ނަން އިތުރެކެވެ
ކުލަސުންދުރަ
ނއ ބދ މާތް ދަރިކޮޅަކުން އައިސްފައިވާ ރީތި މިއީ ރަސްކަލުންގެ ނަންފުޅުގެ ކުރިޔަށް ގެންނަ ނަން އިތުރެކެވެ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކުޑަމެދުރިޔާ
ނ މެދުރިޔަލާއި ކުޑަރިޔަލާ ދޭތެރޭގެރިޔާ
ކެނބުން
މޫދުގައި ނުވަތަ ކޯރުގައި އުޅަނދުފަހަރު ކުރިޔަށް ގެންދިއުމަށް ދިގުދަނޑި އެއްގެ ފޫއަޑީގައި ވިދެވިދެފައި ކޮއްޕުން
ކޮނޑެލި
ނ ހަތަރެސްކަން ރިޔަލުގައި އައްތެލީގެ ކޮޅު ވައްދާން ރޯނުން ހަދައިފައި ހުންނަ ބޮޅު
ކޮޅުރިޔަލުވައި
ނ ބޮޑުރިޔަލުގައި ދުއްވަން ކެރޭ އެންމެ ގަދަވައި
ކޮޑި
ނ (1) ރޮންދާގެ ތިލަޖަހާން ހަދައިފައި އޮންނަ ލަކުޑިގަނޑު. (2) އޮޑިފަހަރުގެ ތުންމަތީރިޔަލުގެ މައްޗަށްނަގާ ކަތިރިޔާ. މީގެ މޯރާކޮޅު އޮންނާނީ ތޫނުކޮންނެވެ. (3) ދިގުމިނާއި ފުޅާމިނާއި އުސްމިން ބޭނުންކޮށްގެން އަޅާމިނެއް. (4) ދިގުމިނާއި ފުޅާމިނާއި އުސްމިން އެއްވަރު
އަނގޫ
ނ ރިޔަނެއްގެ ސައުވީސް ބައިކުޅަ އެއްބައި
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރާ
ނ (1) ހަތަރެސްކަން ރިޔަލުގެ ފަރުމާނު (2) މީހުންނަށް ހާނީއްކަ ދިނުމުގެ ގޮތުން ދެއަތް ދަމައިފައި އަތުގައި ބަންނަ ދަނޑި ގަނޑު (3) އެރުމަށްކުރާ އަމުރު
އަރާބާރު
ނއ (1) ހެދިބޮޑުވަމުން އަންނަ (2) މަޖާޒު: ނަސީބުކުރިޔަށް ހުރި
އަރާމަތި
ނ (1) އެންދަމާއިރު ދަލުގެ އޮޑިއާ ދުރަށް އޮންނަ ފަރާތް (2) ރިޔަލުގެ ފަރުމާނުގައި އައްސާ ފަރާތް
އަރާމަތީންވައުއުކުން
މ ހަމަ ރިޔައު ނަގާ އެއްޗެތި ގަދަވެގެން އުޅޭއިރު ފަރުމާނު ތިރިކޮށް ރިޔައު ހިފެހެއްޓުމަށްޓަކައި ފަރުމާނު މަތިން ވައުލައްވައިފައި އޮޑިއަށް ހަރުކުރުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން