radheef.info
ރަދީފު


ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޯރަބޯޓު
ނ ތައްޔާރުކޮށްފައިވާ ސާޅަނގައެއްގައި ލައިފައި ފޮނުވައިލުމުން ނުވަތަ އިންޖީނުލީ މަތިންދާބޯޓެއްގައި ކަފުޖަހައިގެން ގެންގޮސް ވައިގެތެރެއަށް ދޫކޮށްލުމުން އިނޖީނު ނުލައި އުދުހޭގޮތަށް ހަދައިފައި ހުންނަ މަތިންދާ ބޯޓު މިވައްތަރުގެ ބޯޓުގައި އިންޖީނެއް ނުހުންނާނެއެވެ
ނަރުދޭވާނި
ނ )ޅ ( ލަކުޑީގައި އަޅާ ފަންޏެއް މިއީ ފައި ގިނަ ކަޅުރަތްކުލައިގެ ފަންޏެކެވެ މިފަނީގައި ކޮއްޓާލުމުން ބަޅުވެ ދެކޮޅުޖެހޭ ވަރަށް އޮޅިގަނެއެވެ އަދި އޮޅިފައިވާ ވަގުތު ވަރަށް ހަރުކަށި ވާނެއެވެ
ނަރުސިނގު
ނ (1) ހަތަރެސްފައިޖެހި ޚިޔާލީ ހައިވާނެއް މިހައިވާނު ކުޑަކަމުގޮސް ފައިވާތާނގެ ވެލި އުކީމާ ޖެހޭހާތާކުން އަލިފާން ރޯވެއޭ ބުނެއުޅެއެވެ (2) ނއ އަނަރޫފަވެ ބަނޑު ނުކުވެފައިވާ
ނަކަސްތެޅުން
މ ޖިމާޢުވުމުގައި ފިރިހެންމީހާއަށް އެދުންފުދުމަށްފަހުގައިވެސް ޖިމާޢުވުމުގެ ހަރަކާތް ހުއްޓާނުލައި ކުރިޔަށް ގެންދިއުމަށް މަސައްކަތްކުރުން ތިޔަކުރަނީ ތާކުންތާކު ނުޖެހޭ ކަންތަކޭ ބުނަންވެސް މިހެން ބުނެއުޅެއެވެ
ނަވަށްކުރާބާރު އެނގޭނީ ކެނބަށެވެ.
(މުސްކުޅިބަހެއް) ހިނގާ ޚަރަދާއި ހޭދަވާ ފައިސާ އެނގޭނީ އެކަމާ ހަވާލުވެގެން ހުންނަ މީހަކަށްކަން ދޭހަކޮށްދޭން ބުނެއުޅޭ ބަހެއް
ނަފުރަތު
ނ ނުރުހޭނުރުހުން
ނަފުސިއްޔަ
ނއ (1) ނަފުސާބެހޭ (2) އަމިއްލަ
ނަފްސާނީ ޢިލްމު
ނ ނަފްސާބެހޭ ޢިލްމު
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަލަރޯޅި
ނ (1) މަޑުމަޑުންޖެހޭ ލުއިލުއި ވައިރޯޅި (2) މަޑުމޫސުމުގައި ޖެހޭވައި
ނަގޫދިގުބުޅާހެދުން
މަޖާޒު: އޮޅުބުޅާ މީހުންގެ ގައިގައި ހޭކިއުޅޭގޮތަށް މީހަކާ ގައިގޯޅިވެގެން އުޅުން
ނަސަބުޢިލްމު
ނ ދަރިފަސް ކޮޅާބެހޭ އިލްމު
ނަސްލީއިމްތިޔާޒު
ނ (1) ޢާއިލާއަށް ބަހައްޓާ ޚާއްޞަގޮތް (2) ނަސްލު މަތިވެރިކުރާ ކުރުން (3) ދަރިކޮޅަށް މޮޅުގޮތް ހޯދައިދޭ ހޯދައިދިނުން (4) މަޖާޒު: އެންމެންނަށް ލިބެންޖެހޭ ހައްޤުތަކެއް ވަކިބަޔަކަށް ލިބޭގޮތަށް އޮންނަ އޮތުން
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނާރުއެރުން
މ އާދަޔާ ޚިލާފަށް ކޮންމެވެސް ނާރަކަށް ވާންވެގެން ރިހޭން ފެށުން
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނިވައިރޯޅި
ނ (1) ހާމަޔަށް އަންނަވައި ތާކުޖެހިފައި ވައިޖެހޭދިމާނޫން ފަރާތަކުން އަންނަ ރޯޅި (2) ސީދާ ނޫން ގޮތަށް އަންނަ ރޯޅި
ނިދިމަޑުވުން
މ ނިދާފައި އޮންނައިރު ފަސޭހައިން ހޭލެވޭ ގޮތްވުން