radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
އިންތިޒާރު
ނ ކަމަކަށްޓަކާ ބަލަބަލައިހުންނަ ހުރުން
އިންތިޒާރުކުރުން
މ ކަމަކަށްޓަކާ ބަލަބަލައި ހުންނަ ހުރުން
އިންސާނިއްޔަތު
ނ (1) އިންސާނެއްގައި ހުންނަންވީ ރަނގަޅު ސިފަތައް (2) ޙައިވާނިއްޔަތުގެ އިދިކޮޅު
އެތެރެގެ
ނ (1) ދިވެހިގޭގޭގެ ހުޅަނގުބުރި (2) އުތުރު އެނދު ހުންނަބުރި
އެތްދަތް
ނ އެތުގެ އަނގައިން ބޭރަށް ނުކުމެފައި ހުންނަދެދަތް މި ދެދަތް ހުންނާނީ ހޮނޑުގެ ދެފަރާތުން ފައިބައިފައެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލަވަރުކެއުން
މ (1) ބެއްދީމާ ދެއަތުން ވަށާޖެހުން (2) "އަތްގުޅިކެއުން" ބަލާ!
އެލާޗާ
ނ އެއްފުށުގައި ފަށުވި އަނެއްފުށުގައި އުއިލައިގެން ވިޔެފައި ހުންނަ ފޭރާމެއް
އެލިބައިން
ނ އަންހެނުން ވިހާން ބަނޑުގައި ރިހޭއިރު ވޭންވަރު ފިލުވުމަށް ހިފާން އެލުވާފައި ހުންނަ ވާގަނޑެއް
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
އެލުވުން
މ އެއްޗެއްގައި ވާޖަހައި ބިމުގައި ނުޖެހި ހުންނާނެ ގޮތަށް ބެހެއްޓުން
އެލްމެނިޔަމް
ނ ކަންވާރު ހަދާފައި ހުންނަ މަޢުދަނީ އެއްޗެއް ދިވެހީން މިޔަށް ޒިންކުވެސް ކިޔައެވެ މިއިން ހަދާފައި ހުންނަ ތެލިބުރިއާއި ސައިކުރާ ވަރަށްގިނައިން ގެންގުޅެއެވެ
އެސެންސް
ނ (1) އެއްޗެހިން ނަގައިފައި ހުންނަ ޢަރަޤެއް (2) އިސްޕިރެޓް
އެސް
ނ (1) ގަހަނާއާއި އެފަދަ އެހެން ތަކެތީގައި ޖަހާން ކޮށައި އޮފުއަރުވާފައި ހުންނަ ޖަވާހިރު ނުވަތަ ހިލައާއި މިފަދަ އެއްޗެހި (2) އިންސާނުންނާއި ޙައިވާނުންގެ ލޯ
އެސްނާޅި
ނ ލޮލުގެ ފަލަކޮޅުގެ އަޑީން ކަރުނަވަރުތެރޭ އުސްކޮށް ހުންނަ ތަންތަން މިދުޅަވާނީ ކުޑަމުލިއްސެއްހެނެވެ
އެސްވަޅު
ނ ހުދުހަމުގައި އުފެދޭ ބައްޔެއް. މިބަލި ހުންނާނީ ވައްކޮށް ހަރުކޮށް އެތެރެޔަށް ގޮނޑިލާ ގޮތަށެވެ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އެސްމައުކޮޅު
ނ ހަމުގައި ނަގާ ބައްޔެއް މިއީ އެސްމައު ހުންނަހެން ނަގާ ފޮޅެކެވެ
އެސްފިންނާ
ނ (1) އެސްފީނާ (2) ބައެއް މީހުންގެ ދުލުގައި ނުވަތަ ލޮލުގައި ހުންނަ އަނެކައްޗަކަށް ގެއްލުންދޭ ބާރެއް
އެސްފިޔަ
ނ ލޮލުގެ ރަވައިގައި ފަޅައިފައި ހުންނަ އިސްތަށި