radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ނަވިޔަނި
ނ މަތީތަލީގެ ގާތްގަނޑަކަށް މެދަކާ ހިސާބުގައި ދޫޖައްސައިފައި ނެރޭއަޑެއް މިކިޔޭނީ ނޫނުގެ އަޑުން އެއަށްވުރެ ބަރުކޮށެވެ މިއީ ތާނަލިޔުމުގައި އާއްމުކޮށް ބޭނުން ކުރާއަކުރެއް ނޫނެވެ
ނަވުރުމާ
ނ (1) ވެދުންއެޅިރުމާ. (2) ބޮކުސާރުމާ މިއީ ހުދުމާ ޖަހައިފައި ހުންނަ ޚާއްޞަ ރަތްރުމާލެކެވެ
ނަވުސަރައްކު
ނ ފުރާދުއްވާ ބޮޑެތި އެއްޗިއްސަށް ދަތުރަށް ހަދާންވެގެން ފުރަތަމަ އިރުވަރުންލާ މުދައު
ނަވުސަރައްކުލުން
މ ފުރާދުއްވާ ބޮޑެތި އެއްޗިއްސާއި އަލަށް ހަދާ ފިހާރަ ގުދަން ފަދަތަންތަނަށް އިރުވަރުން މުދާލުން
ނަމުރު
ނ ބުޅަލާވައްތަރު ސިންގާއަށްވުރެ ކުޑަ މިނިކާ ޖަނަވާރެއް އޭގެ ކެހެރިގަނޑުގައި ހުދުކުލައާއި ކަޅުކުލައިގެ ލައްތަކެއް ހުރެއެވެ މިއީ ވަރަށް ބާރަށް ދުވާ ޖަނަވާރެކެވެ މި ޖަނަވާރު ޢާންމުކޮށް އުޅެނީ އެފްރިކާއާއި އޭޝިއާގައެވެ
ނަމޫނާ
ނ (1) އެއްވައްތަރު އެތި (2) އެއްގޮތްއެތި މަޖާޒު: ނއ (3) އެއްގޮތް (4) އެއްވައްތަރު
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަދެރާނޑާ
ނ )ގ ( ނަދުރުބުނެގެން މާލޫދު ފެށުމުގެ ކުރީގައި ކިޔާދުޢާއެއް މިދުޢާ ކިޔަނީ ތާނިޔާ ކިޔާގޮތަށެވެ
ނަތު
ނ (1) އަންހެނުން ނޭފަތުގައި ލާއެތި (2) ރަނުން ވާގަހަނާއެއް
ނަލަހަފޮޅު
ނ މަސްދޯނިފަހަރުގެ ފެން ފިލަޔަށްވީ ހިސާބުގައި މަތިކަނުގެ އެތެރޭން އަޅާ ތުނި ހަފޮޅު
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަލަމަރިޔަން
ނ )ޅ ( ފާނައިގެ ބާވަތެއް މިއީ މަހުގެ ހުރިހާ ބައެއްކަޅު އަނގަ ވަރަށް ރަތްކޮށް ހުންނަ މަހެކެވެ
ނަގައިލުން
މ (1) ނެތިކޮށްލުން (2) ބޭނުންނެތް ޚަރަދުކުރުން (3) މަޤްޞަދުން ނައްޓުވައިލުން (4) މަގު އޮޅުވައިލުން (5) ތިމާގެ ޙަވާލުގައިވާ އެއްޗެއް ތިމާގެ ފަރުވާކުޑަކަމުން އެއަށް ވީނުވީ ގޮތެއް ނޭނގުން (6) )ގ ( ނެގުން
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގާނޭ ބަނދަރެއްގައި އޮޑިނާޅާށެވެ
(ހަރުބަހެއް) ތިމާޔާ އެކަށީގެންނުވާ ހިސާބެއްގައި އިށީނދެ ނޫޅުން ފަދަ ކަންކަމަށް ބުނާބަހެއް
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގިލި
ނ ފުރާދުއްވާ ބޮޑެތި އެއްޗެހި ބަނދަރުގައި އަޅާންވައްޓާލާ ދަގަނޑު މީގައި ހުންނަނީ ދެދަތެވެ