radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ލަވަ
ނ (1) ޅެމުގެ ބާވަތެއް (2) މިއުޒިކުގެ ހަމައަށް ފެތޭގޮތަށް ނެރޭ އަޑު (3) )ސ ( ލަސް (4) )ބދ ( އަޑު
ލަދުބެލުން
މ (1) ވާހަކަދެއްކުމާއި އުޅުމުގައި ގާތްތިމާގެ ކަމަށް ބެލުން. (2) ވާހަކަ ދެއްކުމާއި އުޅުމުގައި ތިމާއަށްވުރެ މަތީފެންވަރުގެ މީހުން ތިބޭ ތަންތަނުގައި އެމީސް މީހުނަށް ބަލައިގެން އުޅުން
ލަގަނާ
ނ އިރުވާހުދާ ވައްތަރު އެއަށްވުރެ ބޮޑު ކަރުދިގު ހުދު ކުލައިގެ ދޫންޏެއް މިދޫނީގެ ފަޔާއި ތުންގަނޑު ހުންނާނީ ކަޅު ކުލައިގައެވެ
ލަސް
ނއ (1) ޙަރަކާތް އަވަސްނޫން (2) ދުވެލިމަޑު (3) ކުރިއަށް ދިއުމުގެ ބާރުކުޑަ (4) ހުންނަންވާ ވަރަށްވުރެ ވަގުތު ފަސްވާވުން މިސާލު: ތިޔަގަޑިލަހެވެ (5) ތަނަކަށް ދާންވާ ގަޑިއަށް ނުދެވިވާފަސް
ލާނެތްކަންތައް
ނ ސަމާސާއަށް ހިމަނައިގެން ކުރާ ކަންކަމާއި ބުނާ ބުނުން
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލިހިލިހި
ކއ ނޭވާ ހޮޅިއަށް އެޅިފައި މިސާލު: އޭނާއޮތީ ނޭވާޔަށް އުނދަގޫ ވެގެންގޮސް ލިހިލިހިއެވެ
ލިފުޓު
ނ އުސް ޢިމާރާތް ޢިމާރާތުގައި އެކި ބުރިބުރިއަށް މީހުންނާއި ތަކެތި އުފުލައިދީ ބާލައިދޭން ހުންނަ ދަތުރުކުރާ ކޮޓަރި
ލިޔުންތެރި
ނއ އަމިއްލައަށް ޢިބާރާތްކޮށްގެން އެއްޗެހި ލިޔުމުގެ ކުޅަދާނަކަން ހުރި
ލިޔެލާޖެހުން
ނ ލަކުޑިގަނޑެއް ދިގު ހަރުގައި އަޅައިގެން ލިޔާ ކަށްޓަކުން ކޮށައި އެއަށް ގަސްތުކޮށްފައިވާ ސިފަޔެއް ގެނެސް އޭގައި ލާހިއްޕުން
ލީރާ
ނ ބައެއް ޤައުމުތަކުގައި ގެންގުޅޭ ފައިސާއަށް ކިޔާނަމެއް
ލީގަތުން
މ ޖަމާޢަތެއްގައި އަމިއްލައަށް ހިމެނިގަތުން
ލުހެޖެހުން
މ (1) ފޮނުމަތާއި ބުރުމާފަދަ އެއްޗެހިން ތޮރުފާއިރު ކުނޑި ނެރެން ވީމާ ފޮނުމަތް ހިސާބަކަށް ނެރެ ވައްދަމުން ތޮރުފުން (2) މަޖާޒު: ޖިމާޢު ވުމުގައި ޒަކަރު ބޭރަށް ނެރެފައި އެތެރެއަށް ވެއްދުން
ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ލޫދުން
މ (1) ބައެއް ޅަކުދިން އުރީމާ ރުޅި ދައްކައިލައިފައި ސޮހިގަނެގެން ފޭބުން (2) ނަނުފަދަ އެއްޗެހި އަތުތެރެއިން ފިރުކިގެން ދިއުން (3) ކޮޅަށްހުރި އެއްޗެއްގައި ބަނޑު ކާއްތައިގެން އެއަށް އެރުން (4) ކޮޅަށް ހުރި އެއްޗެއްގައި ބަނޑު ކާއްތައިގެން އެއިން ފޭބުން (5) ބައެއް ކަހަލަ ފޮތި ފިނދިގެން ދިއުން (6) ވީދުން މަޖާޒު: (7) ފިރުކުން (8) މަގުމަތީގައި ގިނަވެގެން އުޅުން
ލެނގުން
މ (1) ބައެއް ކަހަލަ ކުޅިވަރު ކުޅޭ ކުޅުމުގައި އަރިއަރިއަށް ލެނބުން (2) އެއްޗެއްގައި ނުވަތަ ތަނެއްގައި ލައްވެލައިގެން ހުރުން ނުވަތަ އިނުން (3) ފަލި ޖެހުމުގައި ފައްޔާއެކު ފުރަގަހަށް ލެނބުން
ލެއްވުން
މ (1) އެއްޗެއްގެ ތެރެއަށް އަނެކަޢްޗެއް ވެއްދުން (2) ޖަމާޢަތެއްގައި ހިމެނުން (3) އުނދޯލި ފަދަ ތަކެތި ހެއްލުން (4) ބައިވެރި ކުރުން
ލެދި
ނ )ބދ ( ގުނަވަންތައް ފުރިހަމައަށް ހުރިމީހާ
ލޭކަރުނަ
ނ މަޖާޒު: ހިތުގައި އުފެދޭ ހިތާމަވެރި ވޭނީ އަސަރަށް ނުވަތަ އެފަދަ އަސަރެއްގެ ސަބަބުން އުފެދޭ ކަރުނައަށް ކިޔައިއުޅޭ ނަމެއް
ލޭއެޅުން
މ އެކެއްގެ ގައިން ނަގާ ލޭ އަނެކެއްގެ ލޭހޮޅީގެ ތެރެއަށް ފޮނުވުން