radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ނުކިޔަމަންތެރިވުން
މ (1) ބޯނުލެނބުން (2) ބަސްނޭހުން (3) ގޮތްދޫނުކުރުން
ނުކުޅަދާނަ
ނއ (1) ކުޅަދާނައިގެ އިދިކޮޅު (2) ނުފޮރުއްޕާން (3) މީހެއްގެ ނުވަތަ އެއްޗެއްގެ ނުވަތަ ކަމެއްގެ ސަބަބުން ކެތްކުރަން ދަތިވާވަރަށް ލިބޭ އުނދަގޫ
ނުކުޅަދާނަވުން
މ (1) ލާހިކުވާވަރުނުވުން (2) ކޮންމެވެސް ފަރާތަކުން ލިބޭ އުނދަގުލަކަށް ކެތްވާވަރުނުވުން (3) ނުހޮރުއްޕާންވުން
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުކުތާ
ނ (1) ބައެއް އަކުރުގައި ހުންނަ ތިކި (2) ކަމެއްގެ ތެރޭގައި ޚާއްޞަ ވިސްނުމެއް ބަހައްޓާންވީ ކަންތައް
ނުކުތުން
މ (1) އެތެރޭން ބޭރަށް އައުން (2) ތުރަވުން (3) ވަނުމުގެ އިދިކޮޅު މަޖާޒު: މަސައްކަތަށް ހާޟިރުވުން
ނުކުތްގެލަ
ނ ގެއްލީމާ ނުކުތް ނަތީޖާ
ނުކެރިއިނުން
މ ބަލިވެއިނުން
ނުއަތުރޯޅި
ނ (1) ވައިޖެހޭ ފަރާތްނޫން އަނެއް ފަރާތުން އަންނަރޯޅި. (2) ފުށަތުރޯޅި. (3) ވެރިޔަކު އޭނާގެ ދަށުން ހުންނަ މީހަކާމެދު އޭނާގެ ކުށެއްނެތި ކަމަކާނުލައި ރުޅިއައިސްގެން ކުރާކަންތައް
ނުއަތް
ނ (1) ނުފަރާތް (2) އަތްމަތި ފަރާތްނޫން އަނެއްފަރާތް
ނުއަތްމަތި
ނ ނުއަތް
ނުއިބޭސް
ނ ކަޅުދަނބުކުލައިގައި އެތިއެތިކޮޅަށް ހުންނަ ކުލަޖައްސާން ގެންގުޅޭ އެއްޗެއް މިހަދަނީ ކުދި ހިތިގަހުގެ ފަތް ފެނުއަޅައިގެންނެވެ މި ބޭހަށްވެސް ލައިއުޅެއެވެ އިހުޒަމާނުގައިވެސް ނުލުގެ ބަދަލުގައި ބޭނުން ކުރަނީވެސް މިއެވެ
ނުވަ
ނއ ގުނުމުގެ ނުވަވަނަ ޢަދަދުގެ ނަން އިތުރު މިއަށް " ނަވަ" ވެސް ކިޔައެވެ
ނުވަރު
ނއ ކަނޑައެޅިގެންވާ މިންމިނަށްވުރެ ބޮޑު ނުވަތަ ކުޑަ
ނުވަރޭފެނުން ކެނޑުން
މ ވިހާތާ ނުވަދުވަސްވުން
ނުވަރޭފެނުތެރޭ ކުދިން
ނ ވިހާތާ ނުވަދުވަސްނުވާ ކުދިން
ނުވަރޭފެން
ނ ވިހާތާ ނުވަދުވަސްވުމުގެ ކުރިން މިހެން ކިއުނުގޮތަކީ އިހުގައި މީހަކު ވިހައިފިނަމަ ނުވަދުވަސް ވާދެން ދުވާލަކު ތިންފަހަރު ނުވަތަ ފަސްފަހަރު އެމީހާ ފެންވަރުވާތީއެވެ މިފެންވަރުވާނީ ހޫނު ފެނުންނެވެ
ނުވަވަނަ
ނއ ނުވަޔަކަށްވާ
(9) ނުވަޔެއް
ނ ގުނުމުގެ ނުވަވަނަ ޢަދަދުގެ ނަން