radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އިހި
ނ (1) ޑިނގާ ފާޑުގެ އެއަށްވުރެ ބޮޑު މޫދުގައި އުޅޭ ދިރޭ އެއްޗެއް މިގިނައިން އުޅެނީ ތޮށިމަތީގައެވެ (2) އޮޑިދޯނިފަހަރުގެ ބުޑުވަކުގެ މައްޗަށް ފުރަތަމަ އަޅާ ހުރަސް
އިރަމައު
ނ ބޮނޑިޔަކަށް ހުންނަ ހުދުމަލެއް. މީގައި މަޑު މީރުވަހެއް ދުވައެވެ. މިއަށް ހާނީއްކައެއް ލިބިއްޖެނަމަ ދުވާނީ ވިހަވަހެވެ މީގެ ގަސް ހުންނާނީ ފަތްބޮޑެތި ކޮންނެވެ މިއީ މުލުން ގަސްފަޅައިގެން ވަރަށް ގިނަވާ އެއްޗެކެވެ
އިރިއިރިލުން
މ (1) ޝަހުވާނީ އެދުންގަދަވެގެން ފަރުޖު ހިރުވާކަހަލަ ގޮތެއްވުން (2) ހިމޭނުން ނީނދެވިގެން އުޅުން
އިރުކޭތަ
ނ " ކޭތަ" ބަލާ! މިކޭތަ ހިފަނީ ހަނދުމަހުގެ 82 92 މިދެ ދުވަހުންކުރެ ދުވަހެއްގައެވެ
އިރުވައި
ނ (1) މޫސުމެއްގެ ނަން މިމޫސުން އޮންނަނީ މުލަ ނަކަތުން ފެށިގެން ރޭވަ ނިމޭން ދެންނެވެ (2) އިރުމަތީ ފަރާތުން ޖެހޭވައި
)މިސާލުބަހެއް( އިހުގައި ހުކުރު ހެދުމަކީ ހުކުރަށް ގޮސްފައި އައިސް ބާލައިފައި ފޮރުވާ ހެދުމެކެވެ މިހެންވެ އިރުވައިގެ ވިއްސާރަވެސް ދާދި އަވަހަށް ސާފުވެގެން ދާތީ މިސާލެއްގެ ގޮތުން މިހެން ބުނަނީއެވެ އިރުވައިވިއްސާރައެކޭހުކުރުހެދުމެކޭ އޮއްގޮތެވެ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިކަންޒޫރި
ނ އިރުވައި ބަޑިހެލީމާ ކިޔަވާ ކަންޒޫރި މިކިޔަވަނީ ބަޑިހެލުމަށްފަހު އަންނަ ފުރަތަމަ ހުކުރު ދުވަހު މެދު ޒިޔާރަތް ދޮށުގައި ދެންއަންނަ ހޯމަދުވަހު ލޮނުޒިޔާރަތް ދޮށުގައި ބޮޑުކިޔެވެނީންނެވެ މިކިޔަވާ މީހުންނަށް ކެއުން އޮވެއެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިރުވައިސައިތާނު
ނ ގުޑިއަރުވާއިރު އެއްލަން ހަދާ އެއްޗެއް މިހުންނަނީ އެކި ސިފަސިފައަށް ވަށައިގެން އެލުވަ އެލުވާފައެވެ މިއަށް ސައިތާނު ކިޔަނީ މިހަދައިފައި ހުންނަ ގޮތަކުންނެވެ
އިބްރާހީމު
ނ (1) އިބްރާހީމް މުސްލިމު ފިރިހެނުންނަށްކިޔާނަމެއް މިނަންޢީސާއިންނަށް ކިޔަނީ "އަބްރަހަމް" މިހެންނެވެ (2) ރަނުގެސިއްކެއް
އިއްޔެގެމެންދުރުގެކުދިން
ނ ޒުވާންކުދިން މިހެން ބުނެ އުޅެނީ ދުވަސްވީ މީހުން އެއަށްވުރެ ދުވަސް މަދު މީހުންނާ މެދުގައެވެ
އިމާމު
ނ (1) ދީނީ ބައެއްކަންކަމުގައި އިސްވެހުންނަ ފިރިހެނާ (2) މަޒުހަބުގެވެރިޔާ (3) މީސްތަކުން އިޤްތިދާ ވާންޖެހޭ ފަދަ ބޮޑެތި ދަންނަ ބޭކަލުން
އިފުރީތު
ނ ޖިންނީންގެ ތެރޭން ހިމެނޭ ނުރުހެވޭ ގޮތްބޮޑު ނުލަފާ ޖިންނީން
އިދަމަތި
ނ (1) ރަށެއްގެ ފުއްޓަރުފަރާތުން ވައި ޖެހުނީމާ އެތަނަށް ކިޔާނަން (2) ވައިމަތި
އިދަމަތިވުން
މ ރަށެއް ނުވަތަ ފަރެއްފަދަ ތަނެއްގެ ބޭރުގައި ފުރާދުއްވާ އެއްޗެއް އަޅައިފައި އޮއްވާ އެއޮތް ދިމާޔަށް ވައިއެރުން މިބަސްކިޔަނީ ޚާއްޞަކޮށް ފުރާ ދުއްވާ އެއްޗިއްސާ ނިސްބަތް ކޮށެވެ
އިދިއަދަދު
ކއ ބޮޑުއަދަދަކުން ކަނޑާން އޮންނަ އަދަދު މި އަދަދު އޮންނާނީ ކަނޑާ ފާހަގަޖަހައިފައި އޭގެ ކަނާތް ފަރާތުގައެވެ މިއީ ހިސާބު ޢިލްމުގެ އިޞްޠިލާޙެކެވެ
އިތާ
ނ (1) އެންދެރި ގަހުގައްޔާއި މޫދުގައި ރިނދަހެން އެތެރޭގައި މަސްލާފައި ހުންނަ ދިރޭ އެއްޗެއް މުތް ހުންނަނީ މީގައެވެ މިހުންނަނީ ރިނދަލިހެން މާބޮޑެތިކޮށެވެ (2) އިތައެއްގެ އެއްފަޅީގެ ސިފާގައި ނަޖިސް ނަގާން ޖަސްތު ފަދަ އެއްޗަކުން ހަދައިގެން ގެންގުޅޭ އެއްޗެއް
އިތުރު
ނ (1) ހިސާބަށް ރެ ގިނަ. (2) ގިނަ. (3) ދީނީގޮތުން މާތްކަން. (4) އިތުރަކަށް ނުވަތަ ނަންއިތުރަކަށް އިތުރު ބަޔާނެއް ގެނެސްދޭ ބަހެއް. މިސާލު: ވަރަށް ހާދަ
އިތުރުކަން
ނއނ (1) ގިނަކަން (2) ދީނީގޮތުން މާތްކަން