radheef.info
ރަދީފު


ޓ
ނ ތާނައިގެ ވިހިވަނަ އަކުރު
ވަލުދޮރޯށި
ނ ގޭގެ އަންހެނުން އުޅޭ ފަރާތަށް ވަދެވެން ހުންނަ ދޮރޯށި. މިއީ ޚާއްޞަކޮށް އަންހެނުން ވަދެ ނިކުމެ އުޅުމަށާ މަހާއި ދަރާއި ކުނިފަދަ ތަކެތި އެތެރެކޮށް ބޭރުކުރުމަށް ބަހައްޓާ އުޅޭ ދޮރޯއްޓެކެވެ
ވަގުރުވުން
މ )ސ ( މަތީގައި ހުރި އެއްޗިހި ތަކެއް ވަކި ވަކިން ވައްޓައި ބިމަށް އަޅާލުން
ވަގުއަންނަފަށް
ނ ހަރުވާޅު ފަދަ އެއްޗެއް ކުރުވެގެން ދިގުކުރުމަށްޓަކައި އޭގެ އަންނަފަށުގެ ދަށް ފަރާތަށް އިތުރުކުރާބައި
ވަގުތުގާ
ނ އިރުދައުރުވަމުންދާ މިންވަރު އޭގެ ހިޔަނިން ހޯދުމަށް ހިސާބުން ހަމަޖައްސައިގެން ތައްޔާރުކުރާ ގަލެއް. މިގާހުންނާނީ މެދުގައި މަޢުދަނީ ތިލަ ކުނބެއްޖަހައި އޭގެ ހިޔަނިން ވަގުތު ފާހަގަކޮށް ގަލުގައި ފާހަގަ ލާފައެވެ މިގާ ބަހައްޓާފައި ހުންނާނީ މުޅިން ހާމަ ބިމެއްގައެވެ
ވަގުޖީބު
ނ ބޭރަށް ނުފެންނަގޮތަށް ފަޓްލޫނާއި ގަމީސް ފަދަ އެއްޗެހީގައި ލާޖީބެއް
ވަސަރު
ނ ޓިނު އިސްކުރު ބޯލްޓް ކަބީލާ ފަދަ ތަކެތި އަޅާއިރު ބޮލުގެ ދަށަށްލައްވާ މައުދަނުގެ ފޮއްޗެއް
ވަޒީރުން
ނ (1) ވުޒާރާތައް ހިންގެވުމަށް ތިއްބަވާ އެންމެ އިސްވެރިން )ކެބިނެޓްގެ މެމްބަރުން( (2) އިހުގައި ބޮޑުފުރަދާނަކަން ދެއްވާފައިވާ ބޭފުޅުން
ވަޒީރުކަން
ނ (1) ވުޒާރާތައް ހިންގެވުމަށް ތިއްބަވާ އެންމެ އިސްވެރިންގެ ވަޒީފާ )ކެބިނެޓްގެ މެމްބަރުކަން( (2) އިހުގައި ދެއްވާ ބޮޑު ފުރަދާނަކަން
ވަޓޭލި
ނ ބަންބުޑި ނުވަތަ ބަންބުޅި ޖަހަން ބޭނުންކުރާ މުށްގަނޑު ލީހޮޅިކަށްޓެއް
ވަޤްފު
ނ (1) އަޞްލު ސަލާމަތުން އޮތުމާއެކު އެއިން މަންފާއެއް ލިބިދާނޭ މުދަލެއް މާތްރަސްކަލާންގެ ރަސްކަންފުޅަށްޓަކައި ވަކިފަރާތަކަށް ދޫކުރެވޭގޮތަށް ހިފެހެއްޓޭ ހިފެހެއްޓުން (2) ޤުރުއާން ކިޔަވާއިރު އާޔަތެއްގެ ތެރޭގައި އަންނަ ބައެއް ހުއްޓުން
ވަޤްފުކުރުން
މ (1) އަޞްލު ސަލާމަތުން އޮތުމާއެކު އެއިން މަންފާއެއް ލިބިދާނޭ މުދަލެއް މާތް ރަސްކަލާންގެ ރަސްކަންފުޅަށްޓަކައި ވަކިފަރާތަކަށް ދޫކުރުން (2) ޤުރުއާން ކިޔަވާއިރު އާޔަތުގެ ތެރޭގައި އަންނަ ހުއްޓަންޖެހޭ ތަންތަނަށް ހުއްޓުން
ވަޤްފުކޭން
ނ ވަޤުފު ޞަލަވާތް ކިޔެވުމަށްޓަކައި އަހަރަކު އެއްފަހަރު ވަޤުފު މުދަލުން ތައްޔާރުކުރާ ކެއުން
ވާހަކައޮއްބުން
މ ދެކެވެމުންދާ ވާހަކައެއް ހުއްޓުވާލުމަށްޓަކައި އެހެން ވާހަކައެއް ފެށުން
ވާހި
ނ (1) ބޮލުގެ ބަލިބައްޔަށްޓަކައި ނޭފަތުން ދަމަން ހަދައިފައި ހުންނަ ކުނޑިބޭހެއް (2) )ޏ ސ ( މަސްދޯނިފަހަރުގެ އުނގުރި (3) )ބދ ( ހެދުން
ވާހިފުޅި
ނ ބޮލުގެ ބަލިބައްޔަށްޓަކައި ނޭފަތުން ދަމާން ހަދައިފައި ހުންނަ ކުނޑި ބޭހެއް އަޅައިފައި ހުންނަ ފުޅި
ވާނުލުން
މ ކެއުޅުކަމު ގޮސްތިބޭއިރު ދޯނި ހިފެހެއްޓުމަށްޓަކައި ވަލެއްގެކޮޅުގައި ރޯނުގަނޑެއްލައިފައި ގަލެއްގައި ބައްދައިފައި ދޫކޮށް އަޑީގައި ޖެއްސުން
ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ވާންފަށް
ނ )ކ.( (1) އުނދޯލީގެ ވައު. (2) އަޑިން މަސްބާނަން ފައްތާއިރު ހެތުރު ނުވަތަ ނަނުގައި ބައްދައިފައި އޮޑީގައި ހައްޔަރުކޮށްފައި ހުންނަ ހިމަފަށް. ނުވަތަ އެންގަނޑު އޮޔާ ދިޔަނުދިނުމަށްޓަކައި ގަލެއްގައި ބައްދައިފައި ބުޅީގައި އައްސައިފައި ހުންނަ ހިމަފަށް (3) ވާންގާ ޖައްސާއިރު ވާންގަލާ ވަލާގުޅައިފައި ހުންނަ ހިމަފަށް މިފަށް ހުންނާނީ ފަސޭހައިން ކަނޑައިލެވޭ ގޮތަށެވެ
ވާރަށްލުން
މ ވާރުނެގި ޒަމާނުގައި ވާރުދޭ މީހުންގެ ފަންވަތަށް )ލިސްޓަށް( އެމީހެއްގެ ނަން އެރުވުން
ވާރު
ނ (1) އިހުގައި މީހުން އުފައްދާ ތަކެތީން ނުވަތަ ކުރާ މަސައްކަތުން ނުވަތަ މީހުންގެ ބޯބޯމަތިން ސަރުކާރަށް ނަގާބައި މީގެ ތެރޭގައި އިމްޕޯޓް ޑިއުޓީ ނުވަތަ އެކްސްޕޯޓް ޑިއުޓީ ހިމެނިގެނެއް ނުވެއެވެ (2) އަމިއްލަ މިލްކު