radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
ފަހަތަށްދިއުން
މ (1) މަގާމުގެ ގޮތުން ނުވަތަ ކުރާ ކަމަކުން ދަށަށް ދިއުން (2) ކުރީގައިވާ އެއްޗަކަށްވުރެ ފަހަތަށްދިއުން މ (3) ހުރި ހިސާބަށްވުރެ ނުވަތަ އިން ހިސާބަށްވުރެ ފަހަތަށް ދިއުން
ފަހިކޮށްދިއުން
މ (1) ކަނޑުގައި ދަތުރުކުރާ އުޅަނދުފަހަރު ވައިފައްސިޔަށް ދަތުރުކުރުން (2) ނިޔާމައިގައި ދަތުރު ކުރުން (3) މަޖާޒު: ފަސޭހައިން ކަމެއްވުން
)މުސްކުޅިބަހެއް( އެއްވައްތަރެއްގެ ކަމެއްކުރާ ބައެއްގެ ތެރެއިން އެންމެ ފަހުން ކުރާ ކަންތައް ރަނގަޅުވާނެކަން އަންގައިދިނުމުގެ ގޮތުން ބުނެއުޅޭ ބަހެއް މިބަސް ގިނައިން ބޭނުންކުރަނީ ކެއުމާއި ގުޅިގެންނެވެ ފަހުން ކިޔާ މާލޫދު މޮޅުވާނެއެވެ
ފަހުރޯދިގަދަވުން
މ )ސ.( އެއްޗެއް ބަހާއިރު ގިނަ ފަހަރަށް އެންމެ ފަހު މީހާއަށް ތަންކޮޅެއް ގިނައިން ލިބޭގޮތް ދިމާވާތީ ބުނެއުޅޭ ބަހެއް
ފަހުބަސް
ނ (1) ނަސޭހަތްދީދީ ގަބޫލުނުކޮށްގެން ދެން އިތުރަށް އެއްޗެއް ނުބުނަން ގަސްދުކޮށް ބުނާ އެންމެފަހު ޢިބާރާތް (2) މަރަށް ޙާޟިރުވެފައި އޮންނަ ވަގުތު އަނގައިން ބޭރުވާ ބަހެއް ނުވަތަ ކުރެވޭ ވަޞިއްޔަތެއް
ފަހުބަސް ބުނުން
މ ނަސޭހަތް ދީދީ ޤަބޫލުނުކުރީމާ ދެވޭ އެންމެފަހުގެ އިންޒާރު ދިނުން
ފަހުކުޅިޖެހުން
މ ބަބުރު ތިންހަމަ ކުޅޭއިރު އެންމެ ފަހުން ބައިންދާ ފުއް ބެއިންދުން
ފަށުއިރުމާ
ނ ފަށުއިން ވިޔެފައި ހުންނަ ރުމާ
ފަށުއިރޮދި
ނ ފަށުއިން ހަދާ ރޮދި
ފަށުއިއެޅިލިބާސް
ނ ދިވެހި އަންހެނުން އިހުގައި ލިބާސްލައި އުޅުނު އުޔާއި ފަށުއިން ވިޔެފައި ހުންނަ ލިބާސް ކަނޑާ ފޮތީގެ ބާވަތެއް
ފަށުއިފޮތި
ނ ފަށުއިން ވިޔެފައި ހުންނަ ފޮތި
ފަށުވި
ނ ފަށުއިފަނީގެ ދަވައިން އުފެދޭ ހިމަފަށްތަކެއް
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަށްނެގުން
މ ގަލާއި ލަކުޑި ފަދަ ތަކެތި ހިމުންކޮށް އިންދުމަށްޓަކައި ނުވަތަ ޒީނަތްތެރި ކުރުމަށްޓަކައި ތޫނު ހަތިޔާރަކުން އޭގެކައިރިން ހިމަދިގުކޮށް ކަނޑައިނެގުން
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފަށްވަރު
ނ (1) ފަށްޓަރު ބައިން ވަކިކޮށްފައިވާ ފަށެއް (2) ފަށެއްގެ ބައެއް
ފަށްދެމިދަންބޮޑު
ނ ފަރުފަރާއި ފަޅުފަޅުގެ މުރަކަތަކުގެ ނިވަލުގައި ގިނައިން އުޅޭ މަހެއް. މިއީ ކުލަފަނޑު ރަތް މަހުގެ ކަރުތާފަތުގެ ކޮޅުގައި މަހުގެ ހުރަހަށްވާގޮތަށް ގަދަމުށި ކުލައިގެ ފުޅާފަށެއް ހުންނަ މަހެކެވެ
ފަށްލިބުން
މ ބައެއްގެ ތެރެއިން މީހަކު ވަކިވަރަކަށް މައްޗަށް ދިއުމުން އެކަން ފާހަގަކުރުމުގެ ގޮތުން ދެވޭ ނިޝާނެއް ހާސިލުވުން
ފަށްގަނޑޮ
ނ )ޏ ސ ( (1) އޮޑިދޯނިފަހަރުގެ މަތީކަންމަތީގައި ޖަހާ ފަންގަނޑު (2) ކެއުގަހުގެ ފަތެއްގެ ބައެއް (3) ވަދު ދޯނިފަހަރުގައި ނަގާއެޅޭގޮތަށް ހުންނަ އިންނަފަތް
ފަނޑިޔާރު
ނ (1) ދެޚަޞްމެއްގެ ދެމެދުގައި ހިނގާ ކަންތައްތައް ބަލައި ނިންމާ މީހާ (2) ކަމަކާމެދު އިންސާފު ކުރާމީހާ (3) ޤާޟީ (4) ޙާކިމު (5) ނިޔާކަނޑައަޅާ މީހާ