radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ބާރަބޯލަނގިރި
ނ ދެފައްޗަށް ތިބެގެން އެކިއެކި ބާވަތުގެ ރީތިތަކެތީން އެކިގޮތްގޮތް ހަދަމުން ލަވަކިޔައިފައި ބެރުޖަހަމުން ކުޅޭ ކުޅިވަރެއް
ބާރަގަން
ނ ކޮލިލާއިރު ކޮލިކިޔަން ހުއްޓޭ ހަތަރު އަނގޮޅި ހަމަވާ ބާރަތަން. މިއިން ކޮންމެތަނަކީ އަނގޮޅިއެކެވެ. މިއިން ކޮންމެ ތަނެއްގައި ކޮލި ކިޔައިފައި ލޯގަނޑުގައި ޖަހާނެއެވެ. އަޞްލުގައި ގަންކިޔަނީ އަވަށަށް ކަމަށްވިއަސް މިތާގައި ބޭނުންކޮށްފައި މިވަނީ ހަތަރު އަނގޮޅި ހަމަވާ ތަންތަނަށެވެ
ބާރީޖެހުން
މ ބާރީ ފެނުޖެހޭވަރަށް ބަރާވުން
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު
ބާރުކުރުން
މ (1) ވާންކުރުން. (2) ހަލުއިކުރުން. (3) ހެދުންފަދަ ތަކެތި ގަޔަށް ބާރުވާ ވަރަށް ޖެހުން. (4) އެއްޗެއްގެ ތެރެއަށް އެއްޗެއް ވައްދާތާށިކުރުން. (5) އަޑު ގަދަކުރުން. (6) އިންޖީނުފަދަ ތަކެތީގެ ހިނގުން މަތިކުރުން. (7) އިސްކުރު ބޯލްޓު ފަދަ އެއްޗެހި ޖަހައި ހިމުންކުރުން. (8) މަތިގަނޑު އުނގުރި ފަދަ އެއްޗެހި ޖަހައި ހަރުކުރުން
ބާރުވުން
މ (1) ވާންވުން. (2) ހަލުއިވުން. (3) ހެދުންފަދަ ތަކެތި ގަޔަށްބާރުވެ ދަތިވުން. (4) ދޮރުފަދަ ތަކެތި ވަރުނުވެގެން ތާށިވުން. (5) އެއްޗެއްގެ ތެރެއަށް އެއްޗެއް ވަދެގެން ތާށިވުން. (6) ވަޔާއި އޮޔާއި ކަނޑާއި އަޑު ފަދަ އެއްޗެހި ގަދަވުން (7) އިންޖީނު ފަދަ ތަކެތީގެ ހިނގުން މަތިވުން (8) އިސްކުރު ބޯލްޓު ފަދަ އެއްޗެހި ޖަހައިގެން ހިމުންވުން (9) މަތިގަނޑު އުނގުރިފަދަ އެއްޗެހި ޖަހައިގެން ހަރުވުން
ބާބު
ނ (1) ފޮތެއްގައި ހިމެނޭ އެއްމައިގަނޑު ނަމެއްގެ ދަށުގައި ލިޔެފައިވާ ލިޔުން ބައިބަޔަށް ބަހައިފައިވާ ބައިތަކުން ބައެއް (2) މަޖާޒު: މީހެއްގެ ހަޔާތުން ޒަމާނެއް (3) ގައުމެއްގެ ތާރީޚުގެ ވަކި ދުވަސްވަރެއް
ބާކަލޯ
ނ (1) ކުޑަކުދިންގެ ބަހުރުވައިގައި ބުޅާ (2) ބާއޮކަލޯ (3) މަޖާޒު: ދޯނިމަތީގައި ހެލިފެލިވެ އުޅުމަށް ނުފަރިތަ ބުރަހެލި މީހާ
ބާކުލި
ނ (1) ބަރުވެލީ ވައްތަރެއް (2) މަޖާޒު: ދުފުން ގިނަވެފައި އަނގަތާހިރު ނުކުރާމީހާ
ބާއަޑު
ނ (1) އެތެރޭގައި ހޮއިހެދިފައި ހުރިކަން ދޭހަކޮށްދޭ އަޑު (2) މަޖާޒު: އެތައްފަހަރަކު އިވިފައިވާ ވާހަކަ
ބާއިންވަރި
ނ ކައިވަނި ރުޖޫޢަ ނުކުރެވޭ ގޮތަށް ކުރާވަރި
ބާއްޖަވެރިން
ނ "ބާއްޖަވެރިޔާ" މިބަހުގެ ގިނަގޮތް
ބާއްވާ! ބާވަ
އ ޝައްކާ އެކުގައި ކުރެވޭ ސުވާލުގެ އަކުރެއް މިސާލު: )ހ( އޭނާ ހިނގައްޖެބާވަ؟ )ށ( އެވަޒީފާ ލިބޭނެބާވަ (2) އމ )ޏ ސ
ބާވުން
މ (1) ގިނަދުވަސް ވެފައިވުން (2) ގެންގުޅެދެރަވުން (3) މަޖާޒު: ގެންގުޅެ ގެންގުޅެ ނުވަތަ ބޭނުންކޮށްކޮށް ފޫހިވުން
ބާދަނޑި އެޑުން
މ (1) އެއްޗެއް ބިނދިގެން ދެބުރި ޖައްސާ ހިފެހެއްޓުމަށް އެހެން ދަނޑިގަނޑެއް އަޅާ ބަނުން (2) ދެއަތް ދެފަރާތަށް ދަމައިފައި ދަނޑި ގަނޑެއްގެ ދެކޮޅު ދެއަތް ތިލައިގައި ބަނުން (3) އަރާދަނޑި ބަނުން (4) ދޫނިގެ ދެފިޔަ ދެފަރާތަށް ދަމައިފައި ދެފިޔަމަތީ ދަނޑިގަނޑެއް އަޅައިފައި ދެފިޔައިގެ ދެކޮޅު ދަނޑި ގަނޑުގެ ދެކޮޅުގައި އެއްސުން
ބާލިޣުވުން
މ (1) ފިރިހެންކުއްޖާއާއި އަންހެން ކުއްޖާއަށް ފަނަރަ އަހަރު ފުރިހަމަވުން (2) ފިރިހެނުން ކުއްޖާ ނުވައަހަރަ ފުރުމަށް ފަހު ނިދީގައި ނުވަތަ އެހެން ޙާލެއްގައިވިއަސް މަނިބޭރުވުން (3) އަންހެންކުއްޖާ އަށް ނުވައަހަރު ފުރުމަށްފަހު ޙައިޟުވުން (4) ބޮޑުވުން މިބަހުގެ 4 ވަނަ މާނަ
ބާލީސް
ނ (1) ލެނގުމަށާއި ބޯއެޅުމަށް ފަތިކޮށް ފަހައި އޮންނަ އެއްޗެއް މިނޫންތަކެތި ލައްވައިގެންވެސް ބާލީސް ފަހައެވެ (2) ދެގަނޑެއްޗެއް ޖެހޭތަނަށް ލާން ގެންގުޅޭ ބޯކޮށް ހަދައިފައި އޮންނަ ދަފަރާ (3) ރޮނދިގަނޑު ގަތާއިރު ބާދަލާ އޮޅަން ހަދައިގެން ގެންގުޅޭއެތި
ބާލީސް ފިލާ
ނ މަޢުލޫދު ހަރުގެ ފަދަ ތަންތާނގައި ލެނގިލުމަށް ބިތުކައިރީގައި އަރިޔަށް ޖަހައިފައި ހުންނަ ފިލާ
ބާގަ
ނ (1) އަޑުބައެއްގެ ދެބައި ކުޅައެއްބައި (2) ޖަމާޢަތް (3) ޤަބީލާ