radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ރިޕޯޓު
ނ (1) ކަމެއް ހިނގިގޮތުގެ ނުވަތަ އޮތްގޮތުގެ ބަޔާން (2) ކަމެއް ހިނގިގޮތް ނުވަތަ އޮތް ގޮތުގެ ބަޔާން ލިޔެވިފައިވާ ކަރުދާސް
ރިޕޯޓް ނެގުން
މ ކަމެއްހިނގި ގޮތުގެ ނުވަތަ އޮތް ގޮތުގެ ބަޔާން ހޯދުން ނުވަތަ ލިޔުން
ރީނބުރުފިލާ
ނ ގެދައާ އެއްވައްތަރަށް ފަތްކުދިކޮށް ބިމުގައި ފެތުރި ހެދޭ ކުޑަކުޑަ ގަހެއް މިގަހުގައި ވަރަށް ރީނދޫކުލަ ގަދަ ކުޑަކުޑަ މަލެއް އަޅައެވެ މިގަހުގެ ހުރިހާ ބައެއް ހަމުގެ މަތީގެ ދިލަނެގުމުގެ ބައްޔަށް ބޭސް ހެދުމަށް ބޭނުންކުރެއެވެ މީގެ ގޮނޑި ހުންނާނީ ކުޑަވާ އިނގިލިހާ ކުޑަކޮށެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރީނދޫހުން
ނ ހުމުގެ ބާވަތެއް މިހުންޖެހުނީމާ ލޮލާ ނިޔަފަތިތަކާ ހުދުހަމާ ކުޑަކަމުދާ އެއްޗެހި ރީނދޫ ވާނެއެވެ މިއީ ނުރައްކާތެރި އަދިގައިން ގަޔަށްއަރާ ބައްޔެކެވެ ބައެއްފަހަރު މޭގަނޑާ ސިކުޑިޔަށް ގެއްލުން ލިބިދާފަދަ ބައްޔެކެވެ މިބަލިޖެހެނީ ބަލިޖައްސާފަނީގެ ސަބަބުންނެވެ
ރީނދޫކުލަ
ނ (1) ރީނދުލުގައި ހުންނަކުލަ (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަ ކުލަ
ރީނދޫވެން
ނ ވެނުގެބާވަތެއް މިއީ ދެފަރާތު އަރިމަތީގައި ރީނދޫކުލަޔާއި ނޫކުލައިގެ ތިކިތަކެއް ހުންނަ ވެނެކެވެ މިވެން ގިނައިން އުޅެނީ ހުއިވިނަ ހެދިފައި ހުންނަ ފަޅުފަޅުގައެވެ
ރީތިފުށް
ނ ދެފުށްދެގޮތަށްހުރި އެއްޗެއްގެ ހެޔޮފުށް
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރީޙުލްއަޙުމަރު
ނ (1) ބައެއްބާވަތުގެ މޮޔަބަލި ޖައްސާކަމުގައި ފަންޑިތަވެރިން ބުނެއުޅޭ ޖިންނި (2) ފަންޑިތަވެރިން ކިޔަވާން ގެންގުލޭ ދުޢާއެއް
ރުހުމުގެ ލޮލަކަށް އައިބެއް ނުފެންނާނެ
(މުސްކުޅިބަހެއް) ތިމާ ރުހޭ މީހަކަށް ކުރެވޭ ނުވަތަ ތިމާ މީހަކު ކުރާ ކުށެއް ގޯހެއް ކަމަކަށް ނުދެކޭނެޔޭ ބުނަން ބޭނުންކުރާ ބަހެއް
ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ
ރުނޑި
ނ (1) ހުތުރުބަހުގައި ފުރަގަސްފަރާތުދޮރު (2) ފުރަގަސް ފަރާތު ދޮރު ކައިރީގައި ފަޅާފައި ހުންނަ އިސްތަށި (3) ނިހާޔަތަށް ދެރަކޮށްލަން ބުނާ ބަހެއް
ރުޅިބޮކުސަންނެޓި
މަޖާޒު: ފަސޭހައިން ރުޅިއަންނަ ކުޑަކުދީންނާ ދިމާއަށް ކިޔައިއުޅޭ ވަނަމެއް
ރުޅިގަދަ
ނއ (1) ގަދަޔަށް ރުޅިއަންނަ (2) ރުޅިއިސް
ރުޅިގަދަކަން
ނއނ (1) ގަދަޔަށް ރުޅި އަންނަކަން (2) ރުޅި އިސްކަން
ރުޅިގަދަވުން
މ (1) ގަދަޔަށް ރުޅި އައުން (2) ރުޅި އިސްވުން
ރުކަށްދިއުން
މ ރާވެރިޔާ ރާ އެރުމުގެ މަސައްކަތަށް ދިއުން
ރުކުހަކުރު
ނ (1) ރާވެރިން ރުއްވެރިޔާއަށް ދޭ ހަކުރު (2) ދިވެހި ހަކުރު
ރުކުން
ނ ކަމެއްގެ ތެރެއިން ބަޔަކަށްވުމާއިއެކު އެޔާއިނުލައި އެކަމެއް ނުފުދޭ ކަމެއް މިސާލު: ނަމާދުގައި އަލްޙަމްދު ކިއުން