radheef.info
ރަދީފު


ތަން
ނ (1) ޖާގަ (2) މަންޒިލު (3) އެޑްރެސް
ލައް
ނ (1) ކިހަށްޑިޔަ ފަދަ އެއްޗެހި ޖެހިގެންވާ ހަޑި (2) މޭވާ ފަދަ އެއްޗެހީގެ ބޭރުތޮށިގަނޑުން ފާޅުވާ ކަޅުކުލައިގެ ތަންތަންކޮޅު (3) ބައެއް މަސްމަހާ މެއްސާއި ބައެއް ޖަނަވާރުގެ ހަމުގައި ހުންނަ ކުލަކުލައިގެ ތަންތަންކޮޅު (4) މަޖާޒު: ކުރާ ހިތިއަސަރެއްގެ ނުވަތަ އުފެދޭ ދެކޮޅުވެރިކަމުގެ ސަބަބުން ހިތުގައި އުފެދޭ ހިތި އަސަރު (5) އަބުރު ގެއްލޭފަދަ ކަންކަމުން ލިބޭ ހުތުރުނަން މިސާލު: އެއީ އޭނާގެ އަބުރުގައި ޖެހުނު ލައްގަނޑެކެވެ
ލައްކަ
ނ (1) ސަތޭކަހާސް (2) ވަރަށް ގިނަ މިސާލު: ލައްކަ ދުވަސް (3) )ބދ ( ހިލަންވާހައިތަން
ލަފު
ނ (1) ފުއްކަނދުރާ (2) އިންސާނުންގެ ހަށިގަނޑުގައި ހަމުގެ ކުލައާ ކުލަ ތަފާތުކޮށް ހުންނަތަން މިސާލު: އުފަންލަފު
ލަދިވައް
ނ ހާއަޅާތަންތަން ބެއްދުމަށްޓަކައި ޖަހާފަންވަތް )ފަންގަނޑު( މިސާލު: ތިޔަފުރާޅުގައި ލަދިވަކެއް ޖަހާށެވެ
ލަދުބެލުން
މ (1) ވާހަކަދެއްކުމާއި އުޅުމުގައި ގާތްތިމާގެ ކަމަށް ބެލުން. (2) ވާހަކަ ދެއްކުމާއި އުޅުމުގައި ތިމާއަށްވުރެ މަތީފެންވަރުގެ މީހުން ތިބޭ ތަންތަނުގައި އެމީސް މީހުނަށް ބަލައިގެން އުޅުން
ލާނށި
ނ )ޏ.( (1) ފެން ނުބެދޭ ވަރުގެ ޅަފެންފޯއް. (2) ވަޅުކައިރީ ފެން ހެދިފައި އޮންނަ ތަންތާނގައްޔާއި ވަޅު ގާދަށުގައި އުޅޭ ކުރަފި ވައްތަރުގެ ދިރޭއެއްޗެއް )ގ ( (3) ލާރިފޯއް (4) ގުރުޑު ފެންފޯއް (5) ހިކިފޯކުގެ ތެރޭގައި ހުންނަ ވަރަށް ހިމަދިގުފޯއް
ލާބޮނދި
ނ ފޮތިގަނޑެއްގެ ކައިރިން ވަކިވަރަކަށް އުއި ދަމައި ތަންތަންކޮޅުން އެއްކޮށް ވަކިފާޑަކަށް ޖަހާގޮށެއް
ގބ މަޖާޒު: ކިތަންމެ ހިކި އަންހެނަކަށް ކިތަންމެ ފަލަ ވަރުގަދަ ފިރިހެނަކާ އިންނަން ދިމާވިޔަސް އެކަމަކާ ޖެހިލުމެއް ނުވާނެކަން ދޭހަކޮށްދިނުމަށް ބުނެއުޅޭ ބަހެއް ލާއުފުލާ އެތީގެ ބަރެއް ނުފެންނާނެއެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލިބާސް
ނ އިންސާނުންގެ ހަށިގަނޑު ނިވާކުރުމަށް ލައިއުޅޭ ފޭރާމެއް މީގެ ކިތަންމެ ވައްތަރެއް ހުރެއެވެ
ލުނބޯދެމުން
މ ހަބަރާއި ލުނބޯ ބޭނުންކޮށްގެން ތައްޔާރުކުރާ ބޭހެއް ތަދުވާ ތަންތާގައި ތެޔޮދަމާ ގޮތަށް އުނގުޅުން
ލޫޓުމާރުކުރުން
މ ތަންތަން ތަޅައި ސުންނާފަތިކޮށް މުދާ ފޭރުން
ލެބުރު
ނ ދޮންދޫނީގެ ބާވަތެއް. މިދޫނި އާދައިގެ ދޮންދޫންޏަށްވުރެ ތަންކޮޅެއް ބޮޑުވާނެއެވެ. މީގެ ފިޔައިގެ ފަހަތުކޮޅުގައި ކަޅުތަންކޮޅެއް ހުންނާނެއެވެ. މީގެ ދެވައްތަރެއް ހުރެއެވެ. އެއީ ރިހާކުރު ލެބުރާއި ފެންބަތް ލެބުރެވެ
ލެބޯޓަރީ
ނ (1) އެކިކަންކަމާއި އެކި އެއްޗެއްސާއި އެކިއެކި ބައްޔާ ބެހޭ ތަޙުލީލުތައް ކުރާތަން. (2) އެފަދަ ތަޙުލީލުތައް ކުރެވޭގޮތަށް އެކަންކަމަށް ބޭނުންވާ ސާމާނުލައި ތައްޔާރުކޮށްފައި ހުންނަ ތަންތަން
ލޭނު
ނ (1) ކަނޑުގައި ދެކޮޅަށް ދެބޮއިލައިފައި މަސްހިފުމަށް އަޅައިފައި އޮންނަ ނަނުބައި. މީގައި ހުންނާނީ ތަންތަންކޮޅުން ފުރާވަރު އެލުވައި އޭގައި މިޔަވާލި ހަރުކޮށް ބުޅިލައިފައެވެ. (2) ކަރަންޓުލުމަށް ނުވަތަ ޓެލެފޯން ލުމަށް ދަމައިފައި އޮންނަ ނަރުބައި
ލޭކޮށައިލުން
މ ލިބުނު އަނިޔާއަކުން އިންސާނެއްގެ ނުވަތަ ފުރާނަހުރި އެހެންވެސް އެއްޗެއްގެ ހަށިގަނޑުގެ އެތަން މިތަން ކެނޑިގެން ލޭ އަންނަ ގޮތްވުން
ލޭކޯރު
ނ މަޖާޒު: މާގިނައިން ލޭ އޮހޮރިފައި ހުންނަތަން
ލޭފިތް
ނ ދުވަނީގެ ބާވަތެއް މިހުންނާނީ ބިހިތަކެއްހެން ލޭކުލައިގައެވެ މިއަށް ފަރުވާއެއް ނުލިބި ގިނަދުވަސް ވެއްޖެނަމަ މިތަން ފާރުވެދާނެއެވެ
ލޭލަފު
ނ މީހުންގެ ގައިގައި ލޭކުލައިގައި ހުންނަ ތަންތަން
ލޮނުމެދު ފަޓާސް
ނ އެތެރެއަށް ބަޑިބޭސް އަޅައިގެން ލޮނުމެދު ބޮނޑިއެއްހެން ހުންނަ ގޮތަށް ބޭރުން ކަރުދާސް އޮޅައިފައި ހުންނަ އެއްޗެއް މިއީ އިހުގައި މާލޭގައި ހަދައި އުޅުނު އެއްޗެކެވެ މިގޮއްވަނީ ތަންތާނގައި ބާރަށް ޖަހައިގެންނެވެ