radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނު
ނ (1) ފާރޮށި އުދުނުގައި ގޮދަން ފުށުން ފިހާ ބޯކިބަލެއްގެ ބައްޓަމަށް އޮންނަ ކަމީރު ރޮއްޓެއް (2) )ސ ( މަހުގެ ހަން ދެމީމާ މަސްގަނޑުގެ ޅިޔަތައް މަތީގައި ހުންނަ ކަޅުކުލައެއްގެ ހިމަ ފަށްތަކެއް
ނާނުގާތު
ނ )ގ ( ނަންނުގަތި
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާރެހި
ނ )ޏ ( ފުއްޓަރު ރަށްރަށުގައި އެއްގަމުން ފެށިގެން ކަނޑުތޮށީން ނުކުމެވޭންދެން އޮޅަށްވުރެ ހިމަކޮށް ހެދިފައި ހުންނަ ރޮނގު ރޮނގު
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނާބަންނަހުއި
ނ އޮނުހުއި ވައްތަރަށް ހެދޭހުޔެއް މީގެ މާގަނޑުގެ ބައްޓަން ކުދިބަތުގެ ކުރަޔާ ވައްތަރުވާނެއެވެ
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ނާބުސްޚާނު
ނ ރަސްކަމުގެ ދުވަސްވަރު އާދަވެގެން ރަސްމީބެރުޖަހައި އުޅުނުތަން މިތަންހުރީ ހިތްތަން ދޮރޯށީގެ މަތީގައެވެ މިތަންހަދައިފައި ހުރީ ބޯކު ދޮރުތަކެއް ލައިފައި ހުންނަދިގު ކުޅިބަލާ ގެއެއް ހެންނެވެ މިތާގެ އިރުމަތީބަޔަށް ކިޔަނީ ނާބުސްޚާނެވެ
ނިބެއި
ނއ )ސ ( ނުބައި
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިކައަޅޯ
ނ ނިކަގަހުގެ އޮފިތަކުން ފައިބާމޫ މިމުލުގެ ޚާއްސަ ބޭނުމަކީ އޮޑިދޯނި ފަހަރުގެ ފަރުމާނު ހެދުމެވެ
ނިއަރޮދި
ނ ނިޔަފަތިގަނޑާއި ހަމާގުޅޭ ތަނުން ހަމުގެ ކައިރިފަށް
ނިއައު
ނ (1) އެއްޗެއްގެ ނުވަތަ ކަމެއްގެ ނިމޭ ނިމުން (2) މަރުވާ މަރުވުން (3) ކަމެއްގެ މައްޗަށް އަންނަ ހުކުމް (4) ޢަދުލް އިންޞާފު
ނިއާމަ
ނ (1) ފަސޭހަ (2) ނިޢުމަތް މިބަސް ގިނައިން ބުނެއުޅެނީ ދަތުރާއި ވިދިގެންނެވެ މިސާލު: ނިޔާމަ ދަތުރު ނުވަތަ ފަހި ދަތުރު
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން