radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަބާރަނަމަތީބޮޑުލަވަ
ނ "އަބާރަނަ" ޖަހާފައި އޭގެ ލަވަމައްޗަށް ޖަހާލަވައެއް ކުޅިހުއްޓާރެއަށް މިލަވަޖަހާ އުޅުނީ އައްޑޫކޮށިން ތިންދަނޑިއާ އެއްލާންނުކުތީމައެވެ
އަބާބީލުދޫނި
ނ ކަޅުކުލައިގައި ބަނޑުދޮށް ހުދުކޮށްތިބޭ ކުދިދޫންޏެއް މިގިނައިންއުޅެނީ މައްކާ ޙަރަމްފުޅުގެ ތެރޭގައެވެ
އަބު
ނ (1) ލަކުޑީން ނުވަތަ މަޢުދަނުން އެއްކޮޅު ފަތިކޮށް ހަދައިފައި އޮންނަ އެއްޗެއް މިޖަހައި އުޅެނީ ކިހާއެއްޗެތި ނުވަތަ ފަޅާލަކުޑި ގަނޑެއް ދުރުކުރުމަށެވެ (2) ބައެއް ބައެއްތަކެތި ފޭކުރާން ނުވަތަ ބާރުކުރާން ޖަހާއެތި ކޮޅު މިސާލު: އިލީގެ ކޮޅަށްޖަހާއަބު
އަޅައިކެނޑުން
މ (1) ލޭން ދޭނުގެ ހިސާބުގައި އަރަނީން ދަރަނި ކަނޑައިލުން (2) ގިނައަދަދަކުން މަދު އަދަދެއް ކަނޑައިލުން
އަޅައިގޮވުން
މ (1) ވައްލަފަދަ ބައެއްދޫނި އެކަތި އަނެއްކައްޗަށް ރައްޓެހިވެގެން އެކަތި ގޮވައިލީމާ އަނެކަތި ގޮވައިލުން (2) ދެޖިންސުގެ ދެމީހުން ރައްޓެހިވެގެން އެކަކު އެއްޗެއް ބުނީމާ އެޔާއަޅައި އަނެކަކު އެއްޗެއް ބުނުން (3) މަޖާޒު: ލާދީގޮވުން
އަޅަމެން
ނ އަޅުންގެ ގޮތުގައި ބަޔަކު ވާހަކަ ދައްކާއިރު އަހަރެމެންނޭ ބުނާބަސް މިބަސް ބޭނުންކުރަނީ ކަލާނގެ ކިބަޔަށް ދަންނަވާ އިރުގައެވެ
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ
އަޅެ
އކ ނިކަން. މިބަސް ބޭނުންކުރަނީ އާދޭހުގެ ގޮތުންނާއި ރުޅިވެރި ކަމުގެ ގޮތުންނެވެ. މިސާލު: އަޅެދީބަލަ އަޅެޖަހާބަލަ
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
ލަނޑެއްކޮކާ އަތްޖަހާ" އަކުންބަކުން
ނ ކުޑަކުދިންކުޅޭ ކުޅިވަރެއް. މިކުޅިވަރުކުޅޭގޮތަކީ ބިންމަތީގައި އެއްކުއްޖަކު ހިމަދިގުކޮށް ވެލިފުންޏެއް އެއްކޮށް އޭގެ ތެރޭގައި ކުޑަގައުކޮޅެއް ފަދައެއްޗެއް ވަޅުލަނީއެވެ. މިވަޅުލާނީ ބަންޖެއް ކިޔަމުން އަނެއްކުއްޖާއަށް ފޮރުވައިގެންނެވެ. ދެން އެކުއްޖަކު އޮށް އޮތްކަމަށް ހީވާތާނގައި އަތް ޖަހަނީއެވެ. އަތް ޖަހާއިރު އަތްދަށުގައި އޮށްވެއްޖެނަމަ އެކުއްޖާ މޮޅުވީއެވެ. މިކުޅޭއިރު ކިޔާބަންޖަކީ "އަކުންބަކުންމާލެ ބަކުން އަތްޖެހަތަޅެބަތް ޖަހަތަޅެ
އަކުރު
ނ (1) އެއިން ބަސްތައް ހެދިފައިވާ ބައިތައް. މިސާލު: އަލިފު ބާ ތާ ހ ށ ނ ރ އޭ ބީ ސީ ޑީ. 1 2 3 4. (2) އެހެންބަހަކާ ގުޅިގެންނޫނީ އޭގެ މާނަ ދޭހަނުވާބަސް. މިސާލު: އަދި އަށް
އަކުރުފިލިތާނަ
ނ ފިލިކަމުގައި އަކުރުލައިގެން ލިޔާތާނަ. މީގެ ފިލިކަމުގައިވަނީ "މަ ފި ދު ތެ ލޯ. ގަވިޔަނިސުން" "ނުވަތަ" އަ ހި މު ލެ ކޯ ސީނުސުކުން" މީގައި ފިލިމިހުރި ޤަވާޢިދެވެ
އައިނަކަށްމަހެއް
ނ )ހ.( މޫދުގައި ކުޅޭކުޅިވަރެއް. މިކުޅިވަރު ކުޅޭގޮތަކީ ދެކުދިންގެ ހަތަރު އަތުން އަށިގަނޑެއްހެން ހަދައި އޭގެމައްޗަށް އެހެން ކުއްޖަކު އެރީމާ އެއްލައިލަނީއެވެ
އައިނުލޯ
ނ އައިނުދުނީގައި ލޮލާ ދިމާވާނޭހެން ހަރުކޮށްފައި ހުންނަ ބިއްލޫރިކޮޅު
އައިންމަތީމިޔަރު
ނ އުރަހާގެކޮޅު ހުދުނޫންމިޔަރު. މިޔަށް މިހެން ކިއުނީ މިޒާތުގެ މިޔަރު މަސް އައިނުގައި ގިނައިން އުޅޭތީއެވެ
އައްތަރަފަނި
ނ ފާމުދޭރިޔަ ބޭކަލެއްގެ ވެރިކަމުގެ ދަށުގައިވާ އޮޅިމެދެއް މިއީ އަސްކަރު ވަރުހަނގުންފަދަ ބަތާ ނޯންނަ އޮޅިމެދެކެވެ މިބަހުގެ އަސްލަކީ "އައްތާރަފައިހިފަނީން" ކަމުގައި ބުނެއެވެ
އައްތަވާ
ނ (1) ދަނޑުވަށައިގެން ހިނގޭނޭހެން އަލިކޮށްފައި އޮންނަ މަގުއެތެރޭ ދާރަފަށް (2) ދަނޑާއިވަލާ ދެމެދު ހުސްކޮށްފައި އޮންނަ ހިސާބު މިހެން ހަދަނީ ދަނޑުގައި ހުޅުޖެހީމާ ވަލަށް ހުޅުވަދެދާނެތީއެވެ (3) އިން ދެތަނެއް ނުވަތަ ދެހިސާބުގަނޑެއް ވަކިކުރުމުގެ ތަރަހައްދު