radheef.info
ރަދީފު


އިން
ނ (1) ތަރަހައްދު. (2) ތަރައްހައްދު ވަކިކުރާން ޖަހާފާހަގަ. (3) އ. ފެށިގެން. މިސާލު: ގެއިން އެއިން
މާމުށް
ނ އަތުގެ މެދު އިނގިލީގެ ކުރިން ފެށިގެން އުޅަނބޮށީގެ ހީލިކަށިގަނޑާދޭތެރޭމިން (18 އިންޗި)
މާމުގުރު
ނ (1) ފުރާދުއްވާ އެއްޗެހި ބަންނައިރު މާޅިސްލައިފައި އިންދަން ޖަހާ މުގުރު (2) ވަޑާން ކުރަން ގެންގުޅޭ އެންމެ ބޮޑެތިމުގުރު
މާމެދުމީހުން
ނ ކަލާސީންގެ ބައިތަކުގެ ތެރެއިން ހޮވައިގެން ނެގޭބައެއް އިހުގައި ބަނޑޭރިގޭގައި އޮންނަ ރަސްމީ ފަރީއްކޮޅުތަކާބެހޭ ކަންތައް ކުރުމަކީ މިމީހުންގެ މަސައްކަތެކެވެ
މާފިލާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިއީ ގެދައާއި ވައްތަރު އެއްޗެކެވެ ގިނައިން ހެދެނީ ރަށްރަށުގެ ހޭޅީގައެވެ ފަތްތަންކޮޅެއް ބޯކޮށް ހުންނަ އެއްޗެކެވެ ފަތުގައިދޭނީ ލޮނުރަހައެވެ
މާދަރީބަސް
ނ (1) ތަނެއްގެ އަހުލުވެރިން ވާހަކަ ދައްކާ އުޅޭބަސް (2) ކާބަފައިންގެ ޒަމާނުއްސުރެ ވާހަކަ ދައްކަމުން އަންނަބަސް
މާދާ
ނ އޮޑިދޯނި ފަހަރުގައި ހުންގާނު އެޅުވުމަށް ހުންގާނާއި މައްޔަލުގައި ލޮއިން ހަދައި ހަރުކޮށްފައި ހުންނަ ބައި
މާދި
ނ )ޏ.ސ.( ދަނޑުގައި ޒުވާރި އިންދާފައި ގަސްފެޅުމަށްފަހު ފަޅާ އެހެން ވިނަ
މާލޯފާނު
ނ (1) ލޯމާފާނު (2) ރަދުންގެ އަމުރުފުޅުތަކާއި ތާރީޚީ ވާހަކަތައް ލިއުމަށް ލޮއިން ނުވަތަ އެނޫންވެސް ވިރިކެކޭ މަޢުދަނަކުން ހަދައިފައިހުންނަ ހަނިދިގު ފޮތިތަކެއް
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މާޝައްލޯ
ނ (1) ކުއްލިއަކަށް ދިމާވާ ބޮޑުކަމަކާ ގުޅިގެން ތަނެއްގެ ވެރިކަން ހިންގުމުގެ ހުރިހައި ބާރެއް ސިފައިންގެ ވެރިޔާގެ އަތްމައްޗަށް ގެންނަގެނައުން (2) ސިފައިންގެ ޤާނޫނު
މިހެން
އ (1) މިގޮތަށް (2) މިވައްތަރަށް (3) މިފާޑަށް (4) މިފަދައިން (5) މިމަގުން (6) މިލެކުން (7) މިޒާތަށް (8) މިސިފައަށް (9) "އެހެން" މިބަހުގެ އިދިކޮޅު
މިރިޔާސް
ނ ގަނދުރަހަހެން ހުންނަ ބޭހަށް ބޭނުންކުރާ އެއްޗެއް )ގަހެއްގެ ކިރެއް( މިގިނައިން ބޭނުންކުރަނީ ރުއްގަލު ބޭހަށެވެ
މިއަލަނި
ނ ދަގަނޑުގެ ބާވަތެއް މިއީ އެކައަށް ވުރެންވެސް ހަރުދަގަނޑެކެވެ ކުރަފަތް ހަދާފައި ހުންނަނީ މިއިންނެވެ
މިއްރީޚް
ނ (1) ގުރަހާގެ ހަތްތަރީގެ ތެރެއިން އެއްތަރި (2) މިތަރިއާ ގުޅޭ ސާޢަތް
މިލަ
ނ (1) ގައިން ހިއްލާދާ ހިކުނީމާ ހަށިގަނޑުގެ ބޭރުގައި އުފެދޭ ހަޑިއެއްޗެއް. (2) ދަމިލަ. (3) ފަނޑު. މިސާލު: ފަނޑު ހަނދުވަރު. (4) ކުޑަކޮށް މިސާލު: ކުޑަކޮށް ފޮނިރަހަދޭ ވަރަށް
މިސުރުބޯކިބާ
ނ ގެރިކިރު ހުސްކުރި ދަޅުގައި އިންޗިއެއްހައި ބޯމިނުގައި އަޅާ ފޮނިބޯކިބަލެއް
މިސްކިތުވަކަރަށްވުން
މ މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރައްވާ އަންހެނަކު ނުވަތަ އެފަދަ ފިރިކަލަކު އަވަހާރަވެފައިވާ އަންހެނަކު ކުރީގެ ފިރިކަލުންނަށްވުރެ ދެރަމީހަކާ އިންނަން ނުކެރިފައި އިންނައިނުން
މިސްކިތުވަކަރު
ނ (1) މިސްކިތެއް ރޫޅައިލައިގެން ނަގާވަކަރު (2) މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރެއްވީމާ ނުވަތަ އެފަދަ ފިރިކަލަކު އަވަހާރަވީމާ އެއަށްވުރެ ދެރަމީހަކާ އިންނަން ނުކެރިފައި ތިބޭ އަންހެނުން
މިޔަރުވަނި
ނ ގިނައިން މިޔަރު އުޅޭ ތަންތަން
މިޔަމަތިވުން
މ މަޖާޒު: އެއްޗެއް އަތުޖެހޭގޮތްވުން މިބަސް ގިނައިން ބުނެ އުޅެނީ އެއްޗަކަށް ގެއްލުމެއް ދެވޭނެ ގޮތެއްގެ މަތިން އަތުޖެހުމަށެވެ