radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ފަތިސްވުން
މ (1) ފަޖުރުލުން (2) ފަތިސްނަމާދު ވަގުތުވުން (3) މަޖާޒު: އުއްމީދު އާވުން
ހައްބަމުކައްބަވެސް ނެތުން
ގބ މީހެއްގެ އަތުގައި އެއްވެސް އެއްޗެއް ނެތްކަން ގަދަކޮށްލުމަށް ބުނެއުޅޭ ބަހެއް މިސާލު: އޭނާގެ އަތުގައި ހައްބަ މުކައްބަވެސް ނެތެވެ
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހައްދޫ ކަނޑިފަނިގޮޅާ
ނ )ޏ ( އަލަށްމާލެދާ މީހުން އަތުން ހައްދޫ ކަނޑު ފަހަނެޅީމައި އާދައެއްގެ ގޮތުން ނެގޭ ކޮންމެވެސް ފޮނިކާއެއްޗެއް
ހައްތި
ނ (1) ތައްޕާސް (2) މެދުވެރި (3) ވަސީލަތް މިސާލު: މީދަލުހައްތީން ވާ ފެން ބުއިން
ހައްޔަރު
ނ (1) މީހަކު ނުވަތަ އެއްޗެއް ތަނެއްގައި ކޮށްފައިވާ ބަންދު (2) އަމިއްލަވެގެން އުޅުނަ ނުދިނުމަށް ކުރާބަންދު (3) މާބަނޑުކަން
ހައްޔަރުން ނެއްޓުން
މ (1) ބަލިވެ އިންމީހާ ހަތަރުމަހުގެ ކުރީގައި އެކަމުން ނެއްޓުން (2) ބައިގެންދިޔުން
ހަވަރަށްދެއްވުން
މ ދައުލަތަށް ނުވަތަ ރަދުންނަށް ބޮޑުކުށެއް ކޮށްފި މީހަކަށް އަދަބު ދިނުމަށްޓަކައި ޚާއްޞަގޮތެއްގައި ހަނގުބޭކަލުން ބޭނުން ކޮންމެ ގޮތެއް އެމީހާއަށް ހަދައިލުމަށް ރަދުން އެމީހަކު އެބޭކަލުންނަށް ދެއްވުން
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހަވާދު
ނ (1) ރިހަކައްކާއިރުއަޅާ ދިރި ދަވިއްގަނދު ކޮތަނބިރި ފިޔާ ލޮނުމެދު މިރުސް ފަދަ ރިހަޔަށްލާން ބޭނުންކުރާ ބާވަތްތައް (2) އަތްކަންކުރާމީހުން ރަނުގެ ބަޔެއް ގަހަނާގެ ކުރެހުމުގެ ތެރެއަށް އަޅާ ކަޅުކުލައިގެ އެއްޗެއް (3) ފޮނިތޮށި ހަވާދު
ހަވާލު
ނ މީހަކާ ކަމެއް ނުވަތަ އެއްޗެއް މަތިކުރާ ކުރުން
ހަވާލުޖެއްސުން
މ އެއްފިހާރައެއްގައި އޮތް މީހެއްގެ ހިސާބު އަނެއް ފިހާރައަކާ ޙަވާލު ކުރުން
ހަވިއްތަ
ނ (1) ބުދުދީނުގެ މީހުން އަޅުކަން ކުރުމަށް ހަދައިފައި ހުންނަ ބައެއްކަހަލަ ތަންތަން (2) ބައެއް ރަށްރަށުގައި އަކިރިއާއި ވެލިން ފޮރުވިފައި ހުންނަ ބައެއްކަހަލަ އުސްތަންގަނޑު
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަމަވައިގައިޖެހުން
މ (1) ނިވަލެއްނެތި އަންނަވައިގައި ޖެހުން (2) މަޖާޒު: މީހެއްގެ އުޅުން ވަކިގޮތަކަށް ހަމަނުޖެހި އުޅެއުޅެފައި އެއްގޮތެއްގައި ހަމަޖެހުން
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމްދަރުދީ
ނ އަނެކަކަށް ދެރައެއް ލިބުނީމާ އެކަމުންތިމާގެ ހިތަށް ތަދުވެ އެމީހާއާ ބައިވެރިވާ ބައިވެރިވުން
ހަފު
ނ (1) ނަންނުގަތި ކަހަލަ ސޫތްޕެއް މީގެ ބޮލުގައި ހުޅިއެއް ހުރެއެވެ (2) )ޅ ( ނަންނުގަތި