radheef.info
ރަދީފު


ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ރަނޑު
ނ (1) އުޅުމާއި ޙަރަކާތްތަކުގައި މިނަށްވުރެން ބޮޑަށް ޖައްސާ އަންހެން ވައްތަރު (2) އަންހެންދުޅާ ފިރިހެނުން ޖައްސާ އަންހެން ވައްތަރު (3) ޅައަންހެން ކުދިން ޖައްސާ ހަރު އަންހެނުންގެ ވައްތަރު (4) ޖޯޑު ހަމައަށް ނެތިގެން ކޮންމެ ދޫންޏަކާ އަޅާގޮވާ ކާކާލާ ވައްލަޔާއި ބިސް ފީވެގެން ދުވަސް ހަމަވާއިރު ނުވިހާ ކުކުޅުފަދަ ބައެއް އެއްޗެތި ސޭކުވެގެން އުޅޭގޮތް
ރަނޑުކަން
ނއނ (1) އުޅުމާއި ޙަރަކާތްތަކުގައި މިނަން ވުރެން ބޮޑުކޮށް އަންހެން ވައްތަރު ޖައްސާކަން (2) އަންހެން ދުޅާ ފިރިހެނުން އަންހެން ވައްތަރު ޖައްސާކަން (3) ޅައަންހެން ކުދިން ހަރު އަންހެނުންގެ ވައްތަރު ޖައްސާކަން (4) ޖޯޑެއް ނެތިގެން ކޮންމެ ދޫންޏަކާ އަޅާގޮވާ ކާކާލާ ވައްލައާއި ބިސް ފީވެގެން ދުވަސްހަމަވާއިރު ނުވިހާ ކުކުޅުފަދަ ބައެއް އެއްޗެތި ސޭކުވެގެން އުޅޭކަން
ރަނޑުވުން
މ (1) އުޅުމާއި ހަރަކާތްތަކުގައި މިނަށްވުރެ ބޮޑުކޮށް އަންހެން ވައްތަރު ޖެއްސުން (2) އަންހެންދުޅާ ފިރިހެނުން އަންހެން ވައްތަރު ޖެއްސުން (3) ޅައަންހެންކުދިން ހަރުއަންހެނުންގެ ވައްތަރަށް އުޅުން (4) ޖޯޑެއްނެތިގެން ކޮންމެ ދޫންޏަކާ އަޅާގޮވާ ކާކާލާ ވައްލަޔާއި ބިސްފީވެގެން ދުވަސް ހަމަވާއިރުނުވިހާ ކުކުޅުފަދަ ބައެއް އެއްޗެތި ސޭކުވުން
ރަނޑޫ
ނ (1) ކަނޑޫގަސްހެން ގަސް ހުންނަ އެއަށްވުރެ ބޮޑެތި އެއްޗެހި އަޅާ ގަހެއް (2) އެގަހުގެ ވައް (3) އެގަހުގެ ލަކުޑި
ރާމާމަކުނު
ނ ކެހެރިފެޅި ޖަނަވާރެއް މިއީ އަތްފަޔާއި މޫނު އިންސާނުންނާ ވައްތަރު އެއްޗެކެވެ ހަތަރެސްފައިގައި އިނގިލި ހުރުމާއެކު ހަތަރެސް ފައިންވެސް އެއްޗެހީގައި ހިފުމުގެ ކުޅަދާނަކަން މިޖަނަވާރުގައި ހުރެއެވެ މީގެ ނަގޫ ހުންނަ ވައްތަރާއި ނުހުންނަ ވައްތަރު ހުރެއެވެ މިއީ ވަރަށް ވިސްނުން ތޫނު މަންމަލި ޖަނަވާރެކެވެ
ކަރާދުނބުރި
ނ (1) ކަނީރުފަތް ވައްތަރަށް އެއަށްވުރެ ހިމަކޮށް ފަތް ހުންނަ ރީނދޫ މަލެއް އަޅާ މެދުމިނުގެ ގަހެއް. (2) މިގަހުގެވައް. (3) މިގަހުގެ ލަކުޑި މިއި ކީލި ހިމުން ހަރު ލަކުޑިއެކެވެ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކޯޑި
ނ (1) ރަށްފުށުގައި ކުޅޭ ކުޅިވަރެއް. މިއީ ބޮޑުޢީދުގެ ތެރޭގައި ކުޅެއުޅޭ ކުޅިވަރެކެވެ. (2) ކޯޑިކުޅޭއިރު ރުކެއްގައި ނުވަތަ ދަނޑިއެއްގައި އެލުވާއެތި މީގައި ހުންނަނީ ވަޅިފަންކޮށައިފައެވެ މިހާރަކަށް އައިސް ވައްތަރު ވައްތަރުގެ ރީތި ކަރުދާހުން އެއްޗެހި ހަދައި އެލުވާފައި ހުރެއެވެ
އަހި
ނ ބަނބުކޭލުގެ ބައްޓަމުގައި ކުދިކޮށްހުންނަ ދޮންވީމާ ގަދަވަހެއް ދުވާވައް އަޅާގަސް މީގެ ފަތް ހުންނާނީ ޅޮސްފަތްހެން އެއަށްވުރެ ދިގު ކޮށްނެވެ ވިޔާމީހުން އުއިރަތް ކުރާން މިގަހުގުގެމޫ ބޭނުންކުރެއެވެ
އަހިބާއްޕޮ
ނ )ރ ( އަހިވައް
އައްޒާތީ
ނއ (1) ތިމާގެ ގޮތް ދޫނުކުރާ (2) ވައްތަރުބޮޑު (3) ޒާތްބޮޑު
އަވަލިމޮޑުން
މ އަވައްޔާއި ހަކުރާއި ކާށިހުންޏާއި ދޮންކޭލާ އެއްކޮށް މޮޑުން. މި ދޮންކެޔޮ ނުލައިވެސް މޮޑެއެވެ. އަވަލިމޮޑޭ އަނެއްގޮތަކީ ރިހާކުރާއި މިރުހާއި ހުތާއި ފިޔަޔާ މިތަކެއްޗާ އަވަލި އެއްކޮށްގެން މޮޑުމެވެ
ވޮށިމަސްކަންނެލި
ނ (1) ވޮށިމަހާ ވައްތަރުގޮތަކަށް ހުންނަ ކަންނެލި (2) )ސ ( ވޮށިމަސް
ވޯޓުލުން
މ ހުށަހެޅިފައިވާ ކަމަކާމެދު އެމީހަކަށް ފެންނަ ގޮތް ހާމަކޮށް ފައިވާ ކަރުދާސްކޮޅު ވޯޓް ފޮއްޓަށް ވައްޓައިލުން
ހޮއެބޮލި
ނ ބޮލީގެ ބާވަތެއް މިއީ ތުނިކޮށް ވައްކޮށް ހުންނަ ފޫއެނބުރިއެކެވެ ކުލައަކީ ކަޅު މުށިކުލައެވެ
ހޯރަބޯޓު
ނ ތައްޔާރުކޮށްފައިވާ ސާޅަނގައެއްގައި ލައިފައި ފޮނުވައިލުމުން ނުވަތަ އިންޖީނުލީ މަތިންދާބޯޓެއްގައި ކަފުޖަހައިގެން ގެންގޮސް ވައިގެތެރެއަށް ދޫކޮށްލުމުން އިނޖީނު ނުލައި އުދުހޭގޮތަށް ހަދައިފައި ހުންނަ މަތިންދާ ބޯޓު މިވައްތަރުގެ ބޯޓުގައި އިންޖީނެއް ނުހުންނާނެއެވެ
ނަށާމައު
ނ ކަނޑާއި މޫދާއި ފަޅުގައި ދިރިއުޅޭ އެއްޗެއް މީގައި ކައްޓެއް ނުހުންނާނެއެވެ މިއީ ވަރަށް މަޑު އެއްޗެކެވެ މިހުންނާނީ މުރަކަ ގައު ފަދަ ތަކެތީގައި ހިއްޕައިލައިގެންނެވެ މީގެ ބައެއް ވައްތަރުގައި ބާރުގަދަ ވިހައެއް ހުންނާނެއެވެ މީގެ މަތީގައި ފަށްތަކެއްހެން ހުންނަ ބައި އަބަދު ހުންނާނީ ހުޅުވިލެއްޕި ވާގޮތަށް ޙަރަކާތް ކޮށްކޮށެވެ
ނަނިވައްތަރަ
ނ )ސ ( (1) ހާކާބޮޑާ (2) ހުތުރުވައްތަރު
ނަރުނެތްފޯނު
ނ އޭރިއަލެއް ޖަހައިގެން ނަރެއްނެތި ބޭނުންކުރެވޭ ފޯނު މިވައްތަރުގެ ފޯނުގެ މައިގަނޑެއް ހުންނާނެއެވެ އެމައިގަނޑު ހުންނާނީ ނަރާ ގުޅިފައެވެ (2) ނަރުން އެކްސްޗޭންޖާ ނުގުޅައި ބޭނުންކުރާ ފޯނު
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ