radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ހައްޕުކިއުން
މ އަގައިން ނުބުނާން ގަސްތުކޮށްގެން ހުރިކަން އަންގާލުމަށް ހައްޕު މިބަސް ބުނުން
ހަވަރަށްދެއްވުން
މ ދައުލަތަށް ނުވަތަ ރަދުންނަށް ބޮޑުކުށެއް ކޮށްފި މީހަކަށް އަދަބު ދިނުމަށްޓަކައި ޚާއްޞަގޮތެއްގައި ހަނގުބޭކަލުން ބޭނުން ކޮންމެ ގޮތެއް އެމީހާއަށް ހަދައިލުމަށް ރަދުން އެމީހަކު އެބޭކަލުންނަށް ދެއްވުން
ހަވާކެއުން
މ (1) އަރާމުކޮށްލާން ހިނގައިލުން (2) ވައިޖައްސައިލުން
ހަވާސާނޯޓް
ނ މައިގަނޑު ލިޔުމުގައި ވާއެއްޗެއް އިތުރަށް ތަފްޞީލު ކޮށްދިނުމުގެ ގޮތުން އެލިޔުމެއްގެ ތިރީގައި ނުވަތަ އެސަފުހާއެއްގެ ތިރީގައި ލިޔެފައި ހުންނަ ވާހަކަތައް
ހަވީރު
ނ (1) ދުވާލުގެ ހަތަރުބައިކޮށް ފަހުބައި (2) އަސުރުވަގުތާއި އިރުއޮއްސޭ ވަގުތާދެމެދު
ހަމަރޮދި
ނ ފަހަންވީގޮތަށް ފޮތިގަނޑު ހަރުކޮށްލުމަށްޓަކައި ތިނޯސްވަޅު ދުރުދުރުކޮށް ޖަހާ ދުވާރޮދި
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަމަފޮނު
ނ އޮޑިދޯނިފަހަރު ބަންނައިރު މަޑޫމަތި ހަމަކުރުމަށް ރަހަކޮށްފައި ޖަހާއުއި
ހަތަރު ހިތި
ނ އިހުގައި ރަމަޟާންމަހު 22، 24، 26، 28 މިދުވަސްދުވަހާއި މިދުވަސްދުވަހާއި ވިދިގެން އަންނަ ރޭރޭ ކޮށް އުޅުނު ރަސްމީ ކަންތައްތައް (1) ހެންވޭރުބޮޑުހިތި (ރަމަޟާންމަހުގެ 22 ވަނަދުވަހާއި އެދުވަހުގެ ރޭ) (2) މާފަންނުބޮޑުހިތި (ރަމަޟާންމަހުގެ 24 ވަނަދުވަހާއި އެދުވަހުގެރޭ) (3) ހެންވޭރުކުޑަހިތި (ރަމަޟާންމަހުގެ 26 ވަނަދުވަހާއި އެދުވަހުގެރޭ) (4) މާފަންނު ކުޑަހިތި (ރަމަޟާންމަހުގެ 28 ވަނަދުވަހާއި އެ ދުވަހުގެ ރޭ)
ހަތަރުއުދަރެސްފެނުޖެހުން
މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން
ހަތަރުފަށްއެއްތެޔޮ
ނ ސިޔާސީ ބޮޑެތި އަދަބު ދިނުމަށްޓަކައި ހަތަރު އެއްތެލުން ހަދައިފައި ހުންނަ ހަންމުށި މީގެ ކުރީކޮޅު ހުންނާނީ ހަތަރުފަށް ވަކީންނެވެ ފަހަތުގައި އެއްތެޔޮ އޮޅައި ހަތަރުފަށް އެއްކޮށްފައެވެ މިހަންމުށި އޮންނަނީ އެތެރެކޮއިލުގައެވެ
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތިމާ
ނ )ސ ( ފަރުމަތީ ބޮޑެތި ގާތަކުގެ ތެރޭގައި ރޯގަހަކާ ވައްތަރަށް މަތިފުޅާކޮށް ފަތާކޮށް ހެދޭ ގަލެއް
ހަތިފަށް
ނ (1) ބައެއް ޒާތުގެ ކެޔޮޅުކަމުގޮސް ނަނު ނުވަތަ ހެތުރު ފައްތައިފައި އޭގައިޖަހާ ހިމަ އެތިފަށް މިހުންނާނީ ދޯނިން ބޭރަށް ދަނޑިބުރިއެއް ދިއްކޮށްފައި އޭގައި އެއްކޮޅު ބައްދައިފައި އަނެއްކޮޅު ހެތުރުގައި ބައްދައިފައެވެ (2) ރޯނުގަނޑެއްގެ އެއްކޮޅު ބޮޑުގަލެއް ނުވަތަ ތުން ބަނދެފައި އޮންނަ ވެލިގޯންޏެއްގައި ބައްދައި އަނެއްކޮޅު ދޯނިއަޅާ ވަލުގައި ބައްދާ އެތިފަށް
ހަތިޔާރުބެހެއްޓުން
މ ހަނގުރާމައިގައި ދެރަވިބަޔަކު ބަލިވިކަން ޤަބޫލުކޮށް އަމާންދިނުން
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ