radheef.info
ރަދީފު


ބާ
ނ (1) ތާނާއިގެ ފަސްވަނަ އަކުރަށް ކިޔާނަން. ނއ. (2) ބައު. (3) އާކަމުގެ އިދިކޮޅު. (4) ގިނަދުވަސްވެފައިވާ. (5) ގެންގުޅެފައިވާ. (6) ނ. ލަކުޑިއަށް ގެއްލުމެއް ލިބިގެން ހެދޭ ހޮއި ނުވަތަ ވާ ފީ. (7) އެއްޗަކަށް ގެއްލުމެއް ލިބިގެން ފޫގޮސްފައިވާ ލޯވަޅު. (8) އަންހެންލޯފިނދު. (9) ކުޑަކުދިންގެ ބަހުގައި ކީރިތި ޤުރުއާން ނުވަތަ ލިޔެފައި އޮންނަ ކޮންމެ އެއްޗެއް. )01( ބައެއް ސުއާލު ކުރާއިރު ފަހަތަށް ގެންނަ އަކުރެއް. މިސާލު: މިގޭގައި މީހަކުއުޅޭބާ ގަންނާނެއްބާ
ކުރިއަތުލުން
މ (1) ބާޒީ އަތުލުން (2) ވާދަކޮށްގެން ކުރިހޯދުން
ކުރުނބާ
ނ (1) ދިވެހި ރުކުގެ ކިހާކާއި ގަބުޅިޔާއި ދެމެދުގެ ވައް. މިއީ އޭގެ ފެން އެންމެ މީރު ކަމަށްވާ ވަރެވެ (2) )ޏ ސ ( ކުރުބާ
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުނީސް
ނ (1) މާތް މީހުންނަށް ސަލާމް ކުރުމުގެ ބާވަތެއް އެއީ ދެއަތްމޭގައި އަޅައިފައި ކަނާއަތް އުފުލައި ބޮލުގައި ޖައްސައިލައިފައި މެޔަށް ގެނައުމެވެ (2) ބޮލާ ހަމަޔަށް އަތްނަގައި ކުރާ ސަލާމް
ކުރުބާ
ނ )ގ ޏ ( ކުރުނބާ
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއްޕި
ނ ކޮށިކޮށީގެ ބަޑިޖަހާ މީހުން ލައި އުޅުނު ލިބާހެއް މިލިބާސް ހުންނާނީ ބަނޑު ފަޅައިލައިފައި ކޯޓެއްގެ ސިފައިގައެވެ
ކުރުމަސް
ނ (1) ދިގުމަސް (2) ފަރުމަހުގެ ބާވަތެއް މިއީ ބޮނޑިމަސްކޮށް ހުންނަ ހިމަދިގު މަހެކެވެ މަހުގެ ކުލައަކީ ގަދަނޫކުލައަކަށްދާ ފެހިކުލައެކެވެ މަހުގެ ދެފަރާތުގައި ހުރަހަށް ކަޅުކުލައިގެ ރޮނގުތަކެއް ހުރެއެވެ މިއީ އެއްބަރިއަކަށް ދަތްތައް ހުންނަ އަނގަބޮޑު މަހެކެވެ
ކުރުދަނޑި
ނ )ސ ( މަސްބާނަން ގެންގުޅޭ އެންމެ ކުރުދޮށި
ކުރުދޮށި
ނ (1) ދަހި އައިނުގައި އެންމެ ފަސޭހަކޮށް ހަލުއިކޮށް މަސްބާނަން ބޭނުންކުރާ ދޮށި (2) މުޑަން
ކުރެހިހިމެރި
ނ ހިމެރީގެ ބާވަތެއް މީގެ އޮށުގައި ހުންނާނީ ކުރެހުން އެޅިފައެވެ
ކުރެހިބޯމުގުރާން
ނ މުގުރާމުގެ ބާވަތެއް މިބާވަތުގެ މުގުރާމުގެ ބޮލުގައި ރަންކުލައަކަށްދާ ކުރެހުމެއް ހުންނާނެއެވެ
ކުރެހިބޯލަނޑާ
ނ ލަނޑާގެ ބާވަތެއް. މިއީ ބޮލުގައި މުށިކުލައިގެ ރޮނގު ކުރެހުމެއް ހުންނަ ފެހިކުލައިގެ ލަނޑައެކެވެ
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުރެހިތޮޅި
ނ ކުރެހުން އަޅައިފައި ހުންނަ ދިގުތޮޅިއެއް މިއީ ހިމެރީގެ ބާވަތެކެވެ
ކުޅަނދުރުފާނަ
ނ ފާނައިގެ ބާވަތެއް. މިއީރާއްޖޭގެ ފަރުފަޅުތަކުގެ ބޭރުގައި ދިރިއުޅޭ ފައްތައިގެން ކުރާ މަސްވެރިކަމުގައި ބާނާމަހެކެވެ ކުޅަނދުރުފާނަ ކިޔައިފައިވަނީ މަހުގައި ހުންނަ ކުދިކުދި ފިތްތަކަށް ބަލާފައެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިތުޅާ
ނ ފަތްޕިލާވެލީގެ ބާވަތެއް މިއީ ގަނދަކޯޅިއާ ވައްތަރުގޮތަކަށް ހެދޭ ގަހެކެވެ މިގަހުގެ ފަތުގައި ކުޅިރަހައެއް ހުރެއެވެ މިފަތަކީ ބޭހަށް ބޭނުންކުރާ އެއްޗެކެވެ
ކުޅިތޮށި
ނ ފޮނިތޮށީގެ ކުޅިގަދަ ބާވަތް މިހުންނަނީ ތަންކޮޅެއް ތުނިކޮށެވެ