radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ކުނިކަހާފިހިގަނޑު
ނ ތަޅުމާއި ފަންގިފިލާފަދަ ތަންތަނުން ކުންޏާއި ވެލިސާފުކުރަން ބޭނުންކުރުމަށް ހަދައިފައިހުންނަ އެއްޗެއް ބޮނބިނަރާއި އަދި މިނޫންވެސް އެއްޗިހިން މިހަދައި އުޅެއެވެ
ކުނިއެޅުން
މ (1) ބޭނުންނެތް އެއްޗެހި އެތަން މިތަނަށް އުކުން ނުވަތަ ވަކިތާކު ބެހެއްޓުން. (2) އަނގަޔާއި ކަރުތެރޭގައި ކުނިއުފެދުން
ކުނީހަނޑޫ
ނ ގަޑުވަރުތެރޭ ބޭފުޅުން ތިއްބަވާ ތަންތަން ކުނިކަހާ މީހަކަށް ސަރުކާރުން ދެއްވައި އުޅުއްވި ހަނޑޫ އެއީ ފޯޔަކު އަށްނާޅި ހަނޑުލެވެ
ކުނީމީހުން
ނ މަގުމަތި ކުނިކަހައި ތާހިރުކުރާން ސަރުކާރުން މުސާރަދެއްވައިފައި ތިބޭ މީހުން
ކުންނު
ނ ބޮޑެތި ގަލުން ނުވަތަ ފަރުބަދައިން ބޭރަށް ނުކުމެފައި ހުންނަ މުލި
ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ކުރަހާބޭކަލުން
ނ ރަސްމީ ކުރެހުންތައް ކުރަހާން ދައުލަތުގެ ފަރާތުން އުޖޫރަ ދެއްވައިފައި ތިބޭމީހުން
ކުރަނދު
ނ ބާވަތެއްގެ ހިލަވެއްޔެއް މިބޭނުންކުރަނީ ބާވަތް ބާވަތުގެ ހަނުތަޅާށެވެ މިހިލަވެލި އަލިފާނަށް ލީމާ އާދައިގެ ހިލަވެއްޔަށްވުރެ އަވަހަށް ވިރޭނެއެވެ ވިރުވާއިރު މީގައި ތަތްކަމެއް ހުންނާނެއެވެ
ކުރަބެއްދުން
މ ފާރުގަނޑުގައި ބޭސްނާޅައި ހުރުމުގެ ސަބަބުން މަތީގައި ހެދޭ ދުއްޔަށް ވާންވުން
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުރުކުރު
ނ ފަލަމަޑީގެ ބާވަތެއް މިއީ މަތިވައް ފަތްހެން ފަތްހުންނަ ވެލެއްގެ ގޮނޑިއެކެވެ މީގެ ބޭރުހުންނަނީ ކަޅު މުށިކުލައެއްގައެވެ ތޮށިގަނޑުގައި ނަރުވާތަކެއް ފަޅައިފައިހުރެއެވެ މިވެލުގައި އަޅާ އެއްޗެއްސަށް ކިޔައި އުޅެނީ ކުރުކުރުކައްޓަލައެވެ އެ ހުންނަނީ ކުދި ކޮންނެވެ
ކުރުއަތުލިޔުން
ނ ދައްކާ ވާހަކަ އަވަހަށް ލިޔާލިޔުން މިލިޔުން ލިޔާނީ ރަމްޒުތަކަކާއި ނިޝާންތަކެއް ބޭނުންކޮށްގެންނެވެ
ކުރުފަލި
ނ މެއްކާ ނުލައި އަތްމަތިން ޖަހާ ތަންޑު ކުރު ކުޑަފައްޔެއް. މިއީ ކުޅިވަރެއްގެ ގޮތުގަޔާއި ބައެއް ކަހަލަ ކަން ކަމުގައި ޝަރަފުވެރި ގޮތެއްގައި ޖަހަން ބޭނުންކުރާ ފައްޔެކެވެ.
ކުރުދޮށި
ނ (1) ދަހި އައިނުގައި އެންމެ ފަސޭހަކޮށް ހަލުއިކޮށް މަސްބާނަން ބޭނުންކުރާ ދޮށި (2) މުޑަން
ކުރެހިފާނަ
ނ ފާނައިގެ ބާވަތެއް މިއީ ރާއްޖޭގެ ފަރުފަރާއި ފަޅުތަކުގެ ބޭރުގައި އުޅޭ ވަރަށް މަދުމަދުން ފެންނަ މަހެކެވެ
ކުރެދި
ނ (1) ކީލިހިމުން ގަދަފަދަ ތަތްލަކުޑިއެއް. މި ގިނައިން ބޭނުންކުރަނީ ބިމަށްޖަހާށާއި އޮޑިދޯނި ފަހަރުގެ އިލި ޖަހާށެވެ މިގަސް ހެދެނީ ރަށްރަށުގެ ގޮނޑުދޮށުގައެވެ (2) ހަނޑަސްބުރީގައި ވަޅުޖަހަން ކުރެދިން ހަދާފައި ހުންނަ އެތިގަނޑު
ކުޅަނދުރުހަތާ
ނ ކުޅަނދުރު ތިބޭން އެސޮރުމެން ހަދާގެ
ކުޅަނދުރުފާނަ
ނ ފާނައިގެ ބާވަތެއް. މިއީރާއްޖޭގެ ފަރުފަޅުތަކުގެ ބޭރުގައި ދިރިއުޅޭ ފައްތައިގެން ކުރާ މަސްވެރިކަމުގައި ބާނާމަހެކެވެ ކުޅަނދުރުފާނަ ކިޔައިފައިވަނީ މަހުގައި ހުންނަ ކުދިކުދި ފިތްތަކަށް ބަލާފައެވެ
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިވަރަށްދުއްވައިލުން
މަޖާޒު: ކަމެއްގެ ޙަޤީޤީ ބޭނުމަށާއި މަޤްޞަދަށް ވިސްނައިލުމެއްނެތި އެކަމެއް ކުރުމަށް ދޭންވާ ސަމާލުކަން ނުދީ ވަގުތު ބޭކާރުކުރުން