radheef.info
ރަދީފު


މީހުން
ނ (1) މީސްތަކުން (2) އާދަމުގެ ދަރިން (3) އިންސާނުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ
ލަދުވެތިކަން
ނއނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާކަން (2) ތިމާގެ ކުށް ނުވަތަ ނުފުދޭކަން އިޙުސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާކަން
ލަދުވެތިވުން
މ (1) އަބުރު ގެއްލޭފަދަ ކަމެއް ކުރުމަށް ޖެހިލުންވުން (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވުން (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވުން
ލަދުގެންނެވުން
މ މީހަކަށް ކުރެވިފައިވާ ދެރަކަމެއްގެ ވާހަކަ އެހެން މީހުންގެ ގާތުގައި ދައްކައި އެމީހަކު ލަދުގަންނާނޭގޮތް ހެދުން
ލަދެވެރީން
މ )ގ ( ކާވެނި ހެއުނުވާ މީހުން
ލަގުރު
ނ )ހ ( ގިނައިން ދުފާ މީހުންނަށް ކިޔައިއުޅޭ ނަމެއް
ލާނެތްމީހުން
މ (1) ޖެއްސުން ކުރާގޮތް ހުންނަ މީހުން (2) ސަކަމަޖާގޮތް ހުންނަ މީހުން
ލާދީގޮވުން
މ (1) އަޅުވައިކިޔުން (2) ދެމީހަކު އެކަކު އަނެކަކާ ހިތާވެގެން އުޅޭކަމަށް އެމީހުންނަށް އިވޭގޮތަށް ވާހަކަދެއްކުން
ގބ )މުސްކުޅިބަހެއް( ދެމީހަކު އަޅުވައި ކިޔުމަކީ އެ ދެމީހުން ހިތާވާ ކަމެއްކަން އަންގައިދިނުމަށް ބުނާބަހެއް ލާދީގޮވުމަކީ އިސްތިރެއެކެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލިފުޓު
ނ އުސް ޢިމާރާތް ޢިމާރާތުގައި އެކި ބުރިބުރިއަށް މީހުންނާއި ތަކެތި އުފުލައިދީ ބާލައިދޭން ހުންނަ ދަތުރުކުރާ ކޮޓަރި
ލިޔުންތެރިން
ނ (1) އަދީބުން (2) ފޮތް ލިޔާމީހުން (3) އިބާރާތްކޮށް ތަފާތު ލިޔުންތައް ލިޔެ ޝާއިޢު ކުރާމީހުން (4) އަރަބި ތާނަ ރީއްޗަށް ލިޔަން ދަންނަ މީހުން
ލިޢާނު
ނ ތިމާގެ އަނބިމީހާ ނުވަތަ ތިމާ ވަރިކުރި އަންހެން މީހާ ވިހޭ ދަރިފުޅު އެއީ ތިމާގެ ދަރިއެއް ނޫންކަމަށް ބުނެ ހަތަރުފަހަރު ތަކުރާރުކޮށް ކުރާ ހުވަޔާއި އަންހެންމީހާ އެ ދަރިފުޅަކީ އެދެމީހުންގެ ދަރިއެއްކަމަށް ބުނެ ކުރާހުވާ
ލުއްޗާ
ނ ލަދުކުޑަ މަކަރުވެރި ނުލަފާ މީހުންނަށް ކިޔާނަމެއް
ލުޓޭރު
ނ (1) ފޭރޭ މީހާ (2) ބިރުދައްކައިގެން މީހުންގެ އަތުން އެއްޗެހި އަތުލާމީހާ
ލުޓޭރުން
ނ (1) ފޭރޭމީހުން (2) ގަދަކަމުން ނުވަތަ ބިރު ދައްކައިގެން މީހުންގެ އަތުން އެއްޗެހި އަތުލާމީހުން
ލޫދިގަތުން
މ (1) ސޮއްސައިލުން (2) ދަތިތަނަކުން ދެމިގަނެގެން ނުކުތުން (3) ބަޔަކު މީހުން ހިފަހައްޓައިގެން އުޅެނިކޮށް އެމީހުންގެ އަތްދަށުން ދެމިގަތުން
ލޫޠުބާގަ
ނ ލޫޠުގެފާނުގެ ޤައުމުގެ މީހުން
ލޭއޮހޮރުވުން
މ (1) ތަޅާފޮޅުން. (2) ހަނގުރާމަކުރުން. (3) މީހުންގެ ފުރާނައަށް ގެއްލުންވާފަދަ ނުވަތަ މީހުން ޒަޚަމްވާފަދަ ކަމެއް ހިންގުން (4) މަޖާޒު: ގުރުބާންވުން
ލޭފޮޑުން
މ )ގ ( ފީނައި އުޅޭމީހުން އަޑިޔަށްގޮސް އުޅުމުގައި ކަންފަތާއި ނޭފަތުން ލޭއައުން