radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ނިތްގަނޑު މިޔަރު
ނ )އ.( މެންދާ މިޔަރުގެ ބާވަތެއް . މިއީ އާދައިގެ މިޔަރަށްވުރެ ނިތްގަނޑު ބޮޑު އެހެން މިޔަރަށްވުރެ އުރަހަ ކުދިކޮށް ހުންނަ މިޔަރެކެވެ ހެލިފެލިވުމުގައި ތަންކޮޅެއް ހަރަކާތްލަސް މިޔަރެކެވެ
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިލަމެހިދައު
ނ އެންދަމާ ދަލުގެ ބާވަތެއް މިދައު އާދައިގައި ގެންގުޅޭ ދަލަށްވުރެ ގޮޅި ބޮޑެތިވެފައި ދާވެސް ތަންކޮޅެއް ކުޑަވާނެއެވެ
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިލޫބޮނދަ
ނ )ސ.( ލަނޑާ. ލަނޑާގެ ނޫކުލަގަދަ ވައްތަރު މިއީ އަނގައިގެ ދަތްގަނޑު ހަޑިކޮށް ހުންނަ މަހެކެވެ
ނިގާރަން
ނ (1) ކަނޑު ދަތުރުފަތުރުކުރާ ބައެއް އުޅަނދު ދުއްވުމަށްޓަކައި ކޮންމެހެން ބޭނުންވާބަރު މަޖާޒް: (2) ހެނދުނު ފުރަތަމަ ބަނޑައްލާ އެތިކޮޅު (3) މީހުންގައި ހުންނަ ހަރުދަނާކަން
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނިގާރަންލުން
މ (1) ފުރާދުއްވާ އެއްޗިއްސަށް ނިގާރަމުގެ ބޭނުމުގައި ތަކެތި އެރުވުން (2) މަޖާޒު: ނާސްތާކުރުން
ނިގޫދިގުހިކާ
ނ ހިކާގެ ބާވަތެއް މިމަހަކީ ހިމަދިގު ފެހިކުލައިގެ މަހެކެވެ މިފެހިކުލައިގެ ތެރެއިން ނޫކުލައެއް ފާއްދައިފައި ހުރެއެވެ ހުޅުނބުތަކުގެ ހުރަހަށް ރަތްކުލައިގެ ރޮނގެއް ފާޅުކޮށް ހުރެއެވެ މިމަހުގެ ބޮލުގައި ރަތްދަނބުކުލައިގެ ކުރެހުންތަކެއް ހުރެއެވެ ނިގޫފަތުގެ ދެފަރާތުކައިރި ނަރުވައެއްގެ ސިފައިގައި ދިގުކޮށް ހުރެއެވެ
ނިގޫދޮންނޫމަސް
ނ ފަރުމަހުގެ ބާވަތެއް. މިމަހުގައި ހުންނަނީ ނޫ ކުލައާއި ރީނދޫކުލައެވެ. މަތީ ކޮތަރިބަޔާއި ނިގޫފަތުގައި ހުންނަނީ ރީނދޫކުލައެވެ އެހެން ކޮތަރިތައް ހުންނަނީ ހުދުކުލައެއްގައެވެ ނިގޫފަތް ހުންނާނީ ވަރަށް ބޮޑަށް ކަފިވެފައެވެ
ނިޔަނދުރު
ނ ލުނބޮޔަށްވުރެ ތޮށިގަނޑުބޯ ތޮށިގަނޑުގައި ފިތްހުންނަ މެދުވަރު ފަޅޮލުގެ ބޮޑުމިނުގެ ހުތްމޭވާއެއް މިއީ ކާއިރުމީރު އެކަމަކު ފަހުން ހިތިރަހަލާ އެއްޗެކެވެ
ނިޔަނދުރުފަޅޯ
ނ ނިޔަނދުރުގެ ބައްޓަމުގައި ހުންނަ ފަޅޮލެއް
ނިޔަފަތި
ނ އިނގިލިތަކުގެ ކަޅުހަން ނިމޭތާ ކުރީގައި ހުންނަ ހަރުތޮށި ގަނޑު
ނިޔަފަތިމާ
ނ ނިޔަފަތީގައި ޖަހާހުދު ތިކިތިކި
ނިޝާން
ނ (1) ފާހަގަ (2) ޢަލާމާތް (3) ޢިއްޒަތާއި ތަޢުރީފުގެ ފާހަގައެއް ކަމުގައި ދީއުޅޭ ރަން ރިހިފަދަ ތަކެތީން ހަދައިފައި ހުންނަ ފޮއްޗާއި މައު
ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ނީރި
ނ )ޏ.( (1) ފަންވަތުގެ ކައިރިންނެގޭ މުއިރު. (2) ނިރު. (3) ވަތް އެނގޭ ވަރުތަންތާގައި ފެތުރިފައި ހުންނަ ހަތާގަނޑު. (4) ނީރުން މިބަހުގެ ނިމިނިމުނުކަން
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ނީދަނޑި
ނ އޮޑިފަހަރުގެ ކުނބުގެކުރީގައި ސާމޯރުޖަހަން ހިމަކޮށްފައިހުންނަ ތަންކޮޅު