radheef.info
ރަދީފު


ޒ
އ ތާނައިގެ 91 ވަނަ އަކުރު
ކުރޮޅިވުން
މ (1) ހިކިގެން ނާށީން ކާށިގަނޑު ނެއްޓުން (2) ހިކިގެން ހަރުލައިފައި އޮންނަ ތޮށީން މަދު ނެއްޓުން (3) އޭގެ ޒާތުގައި ހުންނަ ތެތްކަން ކެނޑިގެން ގޮސް މާބޮޑަށް ހިކުން
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުޅި
ނ (1) އެއްގަމުގައި ހެދިފައި ހުންނަ ފެންގަނޑު. (2) ހެވިކަން ފަރިތަ ކުރުމަށް ކުރާކަންތައް މީގެ ކިތަންމެ ބާވަތެއް ހުރެއެވެ. (3) ބައެއްކުޅިވަރު ތަކުގައި ވަކި ހަމަތަކެއްގެ މަތިން ބަދަލުކުރަމުން ގެންދާ ފިޔަވަޅުތަކުގެ ތެރެއިން ފިޔަވަޅެއް މިސާލު: ލަނގިރި ޖެހުމުގައި މާފަތިން ކުޅިހަދައި ނިމިގެން ކުރުދަނޑިއަށް ބަދަލުކުރުން. (4) ރާޒުވާއާއި ފަޗިސްފަދަ ކުޅިވަރުކުޅޭން ހަދައިފައި ހުންނަ އެއްޗެހީގެ ތެރެއިން އެކަތި (5) އެކި ބާވަތުގެ ބަޑިކުޅި ހަދާން ތައްޔާރުކޮށްފައި ހުންނަ ބޭސްގަނޑު (6) ނއ މިރުހުގައި ހުންނަ ރަހަ
ކުޅިބައި
ނ ރާޒުވާގެ ކުޅިތައް
ކުޅިވަރަށްދުއްވައިލުން
މަޖާޒު: ކަމެއްގެ ޙަޤީޤީ ބޭނުމަށާއި މަޤްޞަދަށް ވިސްނައިލުމެއްނެތި އެކަމެއް ކުރުމަށް ދޭންވާ ސަމާލުކަން ނުދީ ވަގުތު ބޭކާރުކުރުން
ކުޅިވަރަކަށްހެދުން
މަޖާޒު: އެކަމެއްގެ ޙަޤީޤީ ބޭނުމަށް ނުވިސްނައި މަޖަލެއްގެ ގޮތުގައި ވަގުތު ދުއްވައިލުމަށް އެކަމެއް ކުރުމުން ބުނެއުޅޭ ގޮތެއް މިސާލު: ކިޔެވުން ކުޅިވަރަކަށް ހަދައިގެން ދެކޮޅެއް ނުޖެއްސޭނެއެވެ
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅިވަރުހުރުން
މަޖާޒު: ކަންތަކެއް ހުއްޓޭ ބުނުމަށް ބުނާގޮތެއް
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިމީރުފެނުން
މ މަޖާޒު: އަހުވަފެނުން
ކުޅިފަސް
ނ (1) އޮއްވަޅުކުޅޭއިރު ލިބޭ ކާމިޔާބީ (2) މަޖާޒު: ކަމެއްގައި ވާދަކޮށްގެން ލިބޭ ކާމިޔާބީ
ކުޅިފަސްލިބުން
މ (1) އޮއްވަޅުކުޅުމުގައި ކާމިޔާބުވުން (2) މަޖާޒު: ކަމެއްގައި ވާދަކޮށްގެން ކާމިޔާބުވުން
ކުޅިދެއްކުން
މ މަޖާޒު: އަހުވަދެއްކުން
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުޅުހިކުން
މ (1) އަނގައިގެ ތެތްކަން ކެނޑުން (2) މަޖާޒު: ހައިރާންވުން
ކުކުރުން
ނ (1) ހަށިގަނޑަށް ލިބޭ ވޭނަކުން ނުވަތަ އުފަލަކުން ލެއްވޭ އަޑެއް (2) މަޖާޒު: މާގިނައިން ކަމަކަށް ބުނެ އާދޭސްކުރުން
ކުކުޅުކާށި
ނ ވާރުނެގި ޒަމާނުގައި ވާރަށް ނަގާ ކުކުޅަށް ކާންދިނުމަށްޓަކައި ކޮންމެ ކުކުޅަކަށް ބާރަކާށިމަގުން ރަށްރަށުން ނަގާ އުޅުނުކާށި
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުއްލިރޯޅި
ނ (1) ކުއްލިއަކަށް އަންނަ ވައިރޯޅި (2) މަޖާޒު: މަތީ މަޤާމެއްގައި ހުރިމީހަކު ކުއްލިއަކަށް މާދަށަށް ދިއުމަށް ނުވަތަ ކަމުން ދުރުކުރުވުމަށް މެދުވެރިވާ ސަބަބު