radheef.info
ރަދީފު


ގަން
ނ (1) ރަށް (2) ރާއްޖޭގެ ބައެއް ރަށްރަށަށް ކިޔާނަމެއް މިސާލު: ހުވަދު އަތޮޅުގަން
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޮޑު ދެގެރި ތަޅަންޏާ ކަށްގަލަށް ބާރުކުރާނެ
(މުސްކުޅިބަހެއް) ރަށުގެ މަތީ ދަރަޖައިގެ ދެމީހަކު ދެމެދުގައި ދެކޮޅުވެރިކަމެއް ހިނގަންޏާ ދަށުގައި ތިބޭ މީހުންނަށް ގެއްލުން ލިބޭނޭކަން އެންގުމުގެ ގޮތުން ބުނެއުޅޭ ބަހެއް
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުރުއް
ނ އަޑުބާ ކެނޑޭވަރުގެ ކާށިގަންނަ ރުށް
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޯބޮޑުވުން
މަޖާޒު: (1) ފައިދާއެއް ވާކަހަލަކަންތަކުން ފައިދާ ނަގަން އެނގުން (2) ބުއްދިގަދަވުން
ބޯވައެޅިރިޔާ
ނ (1) އޮޑިކޮޅުގައި ރަސްމީ އިއްޒަތުގެ ދަތުރަކުވަޑައިގަންނަވާއިރު އެއޮޑިކޮޅުގައި ނަގާ އުޅުނު ރިޔާ (2) މަޖާޒު: އޮތް އެންމެރީތި ހެދުން
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
ކަށިހިނި
ނ ހިނީގެ ބާވަތެއް މިއީ ކަޅުރަތްކުލައިގެ ހިންޏެކެވެ މިއީ ވަރަށްބާރަށް ދައިގަންނަ ހިންޏެކެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަނބާދި
ނ (1) އިހުގައި ދަތުރަށް އަރާ ވަޑައިގަންނަވާ ދޮރޯއްޓާއިދިމާ ގޮނޑުދޮށުގައި އަރާ ފައިބާން ބިންގަޑު ކަތިކޮށް ހަދާފައި އޮތްތަނެއް (2) ގޮނޑުދޮށުގައި ބޮއްކުރާލަފައި މީހުންފައިބާ އުޅޭން ހަދައިފައި އޮންނަ ކެންޑުން
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނިފަށްލީބުޅި
ނ ބުޅީގައި ގަންނަތަކެއްޗަށް ބުޅި އެއްލައި ނުލެވޭގޮތަށް ތުނޑުގެ އެތެރެފަރާތުގައި ކައްވާދު ކަނޑައި ލަނބައިފައިހުންނަބުޅި
)ހަރުބަހެއް( ރަނގަޅު ކަމެއްކޮށްގެން އެކަމުގެ ރީތިނަން ނުލިބުނަސް ކަމެއްނުކޮށް އެކަން ކުރުމުން ލިބެންވާ ރީތިނަން ލިބިނުގަންނާށޭ ބުނަން ބުނެއުޅޭ ބަހެއް ކަންވެ ނަން ނުވިއަސް ކަންނުވެ ނަންނުވާށެވެ
ކަޅުފަސް
ނ (1) ކަޅުކޮށް ނުވަތަ ކިލާކޮށް ހުންނަވެލި (2) ރަށުގެ ދެވެލިބިންފަށުން އެއްގަން
ކައިދާ
ނ (1) އަހުގެ ލަގަން ހަރުކުރާން އަނގަޔަށް ލައްވައިފައި އޮންނަ ދަގަނޑުގަނޑު. (2) ޙަވާލުވެފައިވާ ކަމެއްގެ މައްޗަށް ލިބޭ އުޖޫރައެއް. (3) އެކިއެކި ދެރުމަށާއި އާދަކާދައިގެ ގޮތުން ނަގާތަކެތި
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކާށި
ނ (1) ދިވެހި ރުކުގައި ގަންނަތަކެތި އެންމެ ހަރުވީމާ ކިޔާނަން (2) ކާށީގެ އެތެރޭގައި އޮންނަ ކެވޭތަން (3) ނަނުފަދަ ތަކެތި އަނބުރައި ހަރުވެގެން އަރާ ބުރުލުން ހެދޭ ގޮށް
ކީމަ
ނ ގަނޑުވަރުތެރޭ އަންހެން ބޭފުޅުން ދުވާލު ތަންތަނަށް ވަޑައިގަންނަވާން ވެދެވަޑައިގަންނަވާ ފޭލިގެ. މިހުންނަނީ ހުދާއި ރަތާއި ކަޅާއި މިތިންކުލައިން ބިހުރައަޅައި ކުރަހައިފައެވެ