radheef.info
ރަދީފު


ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ވައިރްލެސް
ނ (1) ރޭޑިއޯ ރާޅުގެ ޒަރީޢާއިން ދުރަށް ފޮނުވާ ފޮނުވުން (2) ނަރުނެތް (3) ނަރުނެތި ފޮނުވާ މެސެޖް
ވަފުދު
ނ ޖަމާޢަތަކުން ނުވަތަ ވެރިކަމެއްގެ ފަރާތުން އަދި ނުވަތަ އިމްތިޔާޒެއް ލިބިގެންވާ މީހެއްގެ ފަރާތުން ތަނަކަށް ފޮނުވާ ބައެއް
ވަސްހޮޅި
ނ ފާޚާނާ ވަޅުގަނޑުގައި ބޭރަށް ވަސްފޮނުވުމަށް ކޮޅަށް ޖަހާފައި ހުންނަހޮޅި
ވަޙީބާވައިލެއްވުން
މ ﷲގެ ވަޙީ ޖިބްރީލް ގެފާނު މެދުވެރިކުރައްވައި ނުވަތަ ނުކުރައްވައި ފޮނުއްވުން
ވާލިބޯ
ނ ފޮނުމަތުގެ ދުކޮޅުގެ ތެރޭގައި އޮންނަތަން
ވާލުބޯ
ނ ފޮނުމަތުގެ ދުކޮޅުގެ ތެރޭގައި އޮންނަތަން
ވިހަދިނުން
މ ވިހައިގެ ތެރޭގައި ހިމެނޭ އެއްޗެއް މީހެއް ނުވަތަ އެއްޗެއްގެ އެތެރެހައްޓަށް ފޮނުވުން
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
)ބިންމަތިފަސޭހަވާ ބަލި( )ބޮޑު ތުރައު( ވެއްޓޭބަލި
ނ ބޮލުގެ ބައްޔެއް. މިބަލީގައިވާގޮތަކީ ކުއްލިއަކަށް މީހާ ހޭނެތިގެން ވެއްޓި އަތްފައިން ވައްތަރު ޖެއްސި އަގައިން ފޮނު ނުކުންނަނީއެވެ
ވެދުންބޭލުން
މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން
ވެދުންފޭލި
ނ (1) އޮޅުދޫކަރައަށް ޖިޒީ ފޮނުވާ އުޅުނު ދުވަސްވަރު ދިވެހިރާއްޖޭގެ ރަދުން އެތާނގެ ގަވަރނަރ އަށްފޮނުއްވާން ރާއްޖޭގައި ވިއުއްވާ އަންނަ ފޭލި (2) ރަދުންގެ ފައިވާންފުޅު ދެކެންދާ މީހުން ކުރުނީސްކޮށް އަދަބުވެފައި އެމީހުންގެ އަތުން ރަސްގެފާނުގެ ފައިވާންފުޅު ދަށަށް ދޫކުރާ ފޭލި
ވެދުންފޮށި
ނ ޖިޒީ ދީގެން އުޅުނު ޒަމާނުގައި އޮޅުދޫ ކަރައިގެ ގަވަރުނަރަށް ދިވެހިރާއްޖޭގެ ރަދުން އަހަރީ ހަދިޔާ އަޅުއްވައިފައި ފޮނުއްވާ ފޮށި
ވެދުންފޮތި
ނ ޖިޒީ ދީގެން އުޅުނު ޒަމާނުގައި އޮޅުދޫ ކަރައިގެ ގަވަރުނަރ ދިވެހި ރަދުންނަށް ފޮނުއްވާ އަހަރީ ހަދިޔާގެ ތެރޭ ހިމެނޭ ފޭރާމުގެ ފޮތި
މަހާނަދޮށަށްދާމީހާ
ނ މަޖާޒު: އެކިއެކި ކެއުމަށް ނުކިޔަނީސް ދާމީހާ. މިބަސް އުފެދިފައި ވަނީ މަހާނަދޮށަށް ދާން ކިޔައިފައި އޮންނަ މީހުންނާއެކު އިތުރު މީހަކު ދިއުމުންނެވެ. ކިޔައިގެން ދިޔަ މީހުން ހީކުރަނީ އެއީ ގެއިން ފޮނުވައިގެން އައި މީހެއް ކަމަށެވެ. ގެއަށް ކާން ދިޔައިމާ ގޭމީހުން ހީކުރާނީ ކީމީހުން ގޮވައިގެން އައި މީހެއްކަމަށެވެ ކޮންމެއަކަސް އޭނާއަށް އެހެން މީހުންނެކޭ އެއްގޮތަށް އެތަނުން ކާން ލިބެއެވެ
މަނީއޯޑަރު
ނ ތަނަކަށް ފޮނުވަން ބޭނުންވާ ފައިސާގެ ބަދަލުގައި އެލިއުމެއްގެ ސަބަބުން ފައިސާ ލިބޭގޮތަށް ފޮނުވޭ ލިއުމެއް
މަންދޫބު
ނ (1) މީހެއްގެ ފަރާތުން ނުވަތަ ބައެއްގެ ފަރާތުން އަނެއް ތަނަކަށް ފޮނުވޭ މީހާ (2) އަމުރުވެރިކަމުގެ ބާރުދީފާ ތަނަކަށް ފޮނުވާމީހާ (3) ކޮންފަރެންސްތަކާއި ޖަލްސާފަދަ ތަންތާގައި ބައިވެރިވާމީހާ
މައިކު
ނ އަޑުތައް އިލެކްޓްރިކް ސިގްނަލްތަކަކަށް ބަދަލުކޮށްދޭ އާލަތެއް ގިނަފަހަރަށް މިބޭނުން ކުރަނީ އަޑު ދުރަށް ފޮނުވުމަށާއި އަޑުތައް ރެކޯޑު ކުރުމަށެވެ
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަސްފެހުން
މ (1) މޫދުގައި އުޅޭ މަސްގަނޑެއްގެ ފަހަތުން ދުވެ ނުވަތަ އެއްޗެހި އުކައި ހަދައިގެން ނުވަތަ އެނޫންވެސް ގޮތަކުން އެމަސްތައް ދުރަށް ފޮނުވައިލުން (2) ގޯންޏަށް މަސްއަޅައި އޭގެތުންފެހުން
މިސައިލް
ނ ބޮލެއްލައިފައި އޮންނަ ދުރަށް ފޮނުވާލެވޭ ހަނގުރާމަމަތީ ހަތިޔާރެއް މިއީ ތަންތަން ނުވަތަ އެއްޗެހި ގޮއްވައިލުމަށްޓަކައި ފޮނުވައިލެވޭ އެއްޗެކެވެ މިހުންނަނީ ހިމަދިގުކޮށް ކުރިއަށް އޫކޮށެވެ