radheef.info
ރަދީފު


ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ބަލަށް އެހެލުން
މ (1) ބާވެގެން ދެން ނުދުއްވާން އެއްގަމަށް އެރުވުން. (2) މަޖާޒު: ބޭނުންކޮށްގެން އުޅޭ އެއްޗެއް ދެން ބޭނުން ނުކުރާން ބެހެއްޓުން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު
ބާރުކުރުން
މ (1) ވާންކުރުން. (2) ހަލުއިކުރުން. (3) ހެދުންފަދަ ތަކެތި ގަޔަށް ބާރުވާ ވަރަށް ޖެހުން. (4) އެއްޗެއްގެ ތެރެއަށް އެއްޗެއް ވައްދާތާށިކުރުން. (5) އަޑު ގަދަކުރުން. (6) އިންޖީނުފަދަ ތަކެތީގެ ހިނގުން މަތިކުރުން. (7) އިސްކުރު ބޯލްޓު ފަދަ އެއްޗެހި ޖަހައި ހިމުންކުރުން. (8) މަތިގަނޑު އުނގުރި ފަދަ އެއްޗެހި ޖަހައި ހަރުކުރުން
ބާރުވުން
މ (1) ވާންވުން. (2) ހަލުއިވުން. (3) ހެދުންފަދަ ތަކެތި ގަޔަށްބާރުވެ ދަތިވުން. (4) ދޮރުފަދަ ތަކެތި ވަރުނުވެގެން ތާށިވުން. (5) އެއްޗެއްގެ ތެރެއަށް އެއްޗެއް ވަދެގެން ތާށިވުން. (6) ވަޔާއި އޮޔާއި ކަނޑާއި އަޑު ފަދަ އެއްޗެހި ގަދަވުން (7) އިންޖީނު ފަދަ ތަކެތީގެ ހިނގުން މަތިވުން (8) އިސްކުރު ބޯލްޓު ފަދަ އެއްޗެހި ޖަހައިގެން ހިމުންވުން (9) މަތިގަނޑު އުނގުރިފަދަ އެއްޗެހި ޖަހައިގެން ހަރުވުން
ބިރުޑި
ނ ގަނޑުވަރުތެރޭ ބޭފުޅުން ރައްކައުވާންވެގެން ހަދާތަރަފަނާގެ ބާވަތެއް
ބުރަފަތި
ނ (1) ހިމަދިގު އެއްވަރުގެ ދޭތިކޮޅުވާކާލި (2) ވައިގެބާރުން ނުވަތަ އިންޖީނުގެ ބާރުން އެނބުރޭ ފިޔަފަތް (3) ފަރިވަޅުމަތީ ބާއްވާން ކާލިކޮން ފަންވަތުން ވިޔެފައި ހުންނަ އެއްޗެހި (4) ބޮލުގައި ހުންނަ ކާފަ
ބުރުނާލު
ނ ފަންގިފިލާ ތައްޓުފަދަ ތަންތަނަށް އެޅޭފެން ބޭރުވާން ހުންނަލޯވަޅު
ބުރުދާގައިމުކުރުން
)މިސާލުބަހެއް( ކަމެއްގެ ޝައްކު ފިލުވާން ސުވާލުކޮށްބެލުމަށް ބުނެއުޅޭގޮތެއް
ބުޅިމަތިކުރުން
މ (1) މަސްބާނާއިރު އެންގަޑު ކައްވަންދިނުން (2) މަޖާޒު: އަތްމަތި ވާންދެން ބަލަހައްޓައިގެން ހުރުން (3) މަޅިމަތިކުރުން
ބެރުކޮޅުބޭލުން
މ އިހުގައި ގަޑުވަރުތެރޭ ބޭފުޅަކު ބެރުކޮޅު ޖައްސަވާން ވެގެން ނާބުސް ޚާނުން އެތަނަކަށް ބެރުގެންގޮސް ބެހެއްޓުން
ބެދޭމަޅިއެއް ނުފެންނާއެވެ
(މުސްކުޅިބަހެއް) ކަލެއްގައި ދެރަގޮތެއް ވާން އޮންނަ ފަހަރު ރައްކާތެރިވާކަށްވެސް ނޭގޭނެއޭ ބުނަށް ބުނެއުޅޭ ބަހެއް
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޮނބިތަޅާގަނޑު
ނ ތަޅާބޮނބިގަޑު ބާއްވާން އޮންނަލަކުޑި ގަނޑު
ބޮލާއެޅުން
މ (1) ގުޑިފަދަތަކެތި އަރުވައިފައި ހުއްޓާ ބޯކޮޅު ވަތަށް ތިރިޔަށް އައުން މަޖާޒު: (2) މީހެއްގެ ނަސީބު ދެރަވާން ފެށުން (3) ފަސޭހަނުވާނެޔޭ ހީވާވަރުގެ ބައްޔެއް ޖެހުން
ބޮލިރަވަ
ނ ކުޑަކުދިން މަސަލަސްކުރާން އެތެރެޔަށް ބޮލިފަދަތަކެތި އަޅައިގެން ތަޅުވާން ގެންގުޅޭ އެއްޗެއް މިކިތަންމެ ގޮތަކަށް ހަދައިފައި ހުރެއެވެ
ބޮޑަދެއްކުން
މ (1) ދެކޮޅުވެރިކަމަކާ ނުލައި ދެރަނުވާންވެގެން ގޮތް ދޫނުކޮށް އުޅުން. (2) ކަމެއް ކުރާހިތުން ހުރެ ގޮތްދޫނުކުރުމުގެ ގޮތުން އެކަމެއް ނުކުރާން ބުނުން. (3) ބޭނުންވުމާއެކުވެސް ބޭނުންނުވާގޮތް ދެއްކުން. (4) ގާތްމީހަކު ލައްވައި ތިމާ ބޭނުންކަމެއް ކުރުވުމަށްޓަކައި ނުކިޔަމަންތެރިކަމެއް ނުވަތަ ނުރުހުމެއް ދެއްކުން
ބޮޑުދުމާދިޔުން
މ އިހުގައި ރަސްމީގޮތުން ބޮޑުދުންދޭ 52 ޒިޔާރަތްދޮށަށް ދުންމުޖުމަރާ ހިފައިގެން ދުޢާވެރިކަން ކިޔަވާންދިޔުން
ބޮޑުދުޢާވެރިކަމުދިޔުން
މ އިހުގައި ބޮޑުދުންދޭ 52 ޒިޔާރަތްދޮށަށް ރަސްމީގޮތުން ދުޢާވެރިކަމު ކިޔަވާން ދިޔުން