radheef.info
ރަދީފު


ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ބިލެތްއާލާތް
ނ ބިލެތްއަރުވަން ހަދައިފައި ހުންނައެތި
ބިލެތްތަޅާވަން
ނ (1) މަތީގައި އިސްކުރުމައްޗެއް ފުލުގައި އަގުޅިއެއްޖަހައި މަތިގަނޑުގެ ތެރޭން ކޮޅުފަތި ކައްޓެއް މަހައިފައި އޮންނަ ހަރުމަތީ ބަނޑިއެއްގެ ފޫބުރިއެއްގެ ސިފައިގައިވާ ލޯކަންވާރެއް (2) ކުދިވަރުގެ ދަގަނޑު ނުވަތަ ލޯ ވަން
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބުހި
ނ )ވ އ ( ރުކުއަޅުވަންދާމީހާ
ބުންބަރު
ނ )ހ ( މިސްކިތު ދޮށުގައި ނުވަތަ މިސްކިތާ މީހުން އުޅޭ ހިސާބާ ދޭތެރޭގައި ހުންނަ މިންބަރު މިއީ ހުކުރަށް ގޮވަން ހަދާފައި ހުންނަ ތަނެކެވެ
ބުޅި
ނ ކޮޅު ގުދުކޮށް އޮންނަ އޭގައި އެއްޗިހި އަޅުވަން ބޭނުންކުރާ އެއްޗެއް މިސާލު: މަސްބާނާބުޅި ފުރާޅުގެޓިނު ހިފަހައްޓާން އަޅުވާބުޅި
ބުޅިމަތިކުރުން
މ (1) މަސްބާނާއިރު އެންގަޑު ކައްވަންދިނުން (2) މަޖާޒު: އަތްމަތި ވާންދެން ބަލަހައްޓައިގެން ހުރުން (3) މަޅިމަތިކުރުން
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުލެކްމޭލުކުރުން
މ މީހުން ސިއްރުން ކޮށްފައިހުންނަ ކުށްތަކާ އަބުރާ އިއްޒަތަށްޓަކާ ނުވަތަ ލިބިދާނެ ގެއްލުމަކަށްޓަކައި ވަންހަނާކޮށްފައި ހުންނަ ކަންތައްތަކުގައި މަޢުލޫމާތު ލިބިފައިވާކަމުގެ ބިރުދައްކައިގެން ފައިސާއާ ތަކެތި ހޯދުން
ބެރުކަނިގަނޑު
ނ ޢީދާއި ހިތީގައި ރަދުން ވަޑައިގަންނަވާ ތަނެއްގެ ކައިރީގައި ބެރު އަޅުވަން ހުންނަ ކަނިގަނޑު މިކަނިގަނޑު ހުންނަނީ ޚާއްޞަގޮތަކަށް ހަދައިފައި ކުރަހައިފައެވެ
ބެރެޑާވަޑާ
ނ )ގ ( ވަންވަތް
ބެޓެރީ
ނ އިލެކްޓްރިކް ބާރުން ދިއްލާ ބައެއް އެއްޗިއްސާއި އިލެކްޓްރިކް ބާރުން ހިނގާބައެއް އެއްޗެއްސަށްލައްވަން ނުވަތަ ބޭނުންކުރަން ހަދައިފައި ހުންނަ އެއްޗެއް. މިހުންނަނީ ކަރަންޓް އުފައްދައިދޭ ބާވަތްތަކާއި ނުވަތަ އެބާރު ހިފަހައްޓައިދޭ ބާވަތްތައް އެތެރެއަށް އަޅައިފައެވެ މީގެ ތަފާތު ވައްތަރުތައް ހުރެއެވެ
ބޭރުބައްތި
ނ (1) ނާފަހަރު ބަންގާޅަށް ދަތުރުކުރި ދުވަސްވަރު ބަންގާޅު ކޯރަށް ވަންނަންދާއިރު އެންމެބޭރަށް ހުންނަ ބައްތި. (2) ކަނޑުއޮޅިތަކާއި ބޭރުދުނީގެ ފަރުފަރާއި މުލިފަދަ ތަންތަން ފާހަގަކުރުމަށް ޖަހައިފައި ހުންނަބައްތި
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮޅުފަތި
ނ (1) ރާވައިލީމާ އަނގޮޓިޔަކަށް ވާނޭހެން އެއްބޮޅު އަނެއްބޮޅަށް ލައިމެހިފައި އޮންނަ ކޮންމެ ބޮޅެއްގައި މާވަތެއް ޖަހައިފައިވާ ބޮޅުތަކެއް (2) ލަނބައިފައި އޮންނަ ނަރުގަނޑަކަށް އަޅުވައި ނައްޓައި ހެދުމަށް މަހައިފައި އޮންނަ ބޮޅުތަކެއް މިއީ ކުޅިވަރެއްގެ ގޮތުންނާއި ފޫހި ފިލުވަން ގެންގުޅޭ އެއްޗެކެވެ (3) ލާމަހައިފައި އޮންނަ ބޮޅުތައް
ބޮގޮބޮގޮ
ނ ކުރުނބާ އުނބެއްފަދަ އެއްޗެއް ފެނަށް ވައްޓާލީމާ އެއަށް ފެން ވަންނަ އަޑު
ބޮގޮބޮގޮލުން
މ ކުރުނބާ އުނބެއްފަދަ އެއްޗެއް ފެނަށް ވައްޓައިލީމާ އެއަށް ފެންވަންނަ އަޑު އިވުން