radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ނުވާކައިވަންޏެކޭއެއްފަދަވުން
ގބ (1) ކައިވަނިވެފައި ރެއިނުކޮށް ވަރިކުރުން (2) މަޖާޒު: މަސައްކަތެއްކޮށްމެ އޭގެ ފައިދާއެއް ނުލިބުން
ނެތްވަރުދެއްކުން
އ (1) ނެތް ހިތްވަރު ދެއްކުން. (2) ކަމެއް ކުރުމުގެ ކުޅަދާނަކަމެއް ފެންވަރެއް ނެތް މީހަކު އެކަން އޭނާއަށް ކުރެވިދާނެކަމަށް ހެދިގެން އުޅުން
ރަހުނު
ނ މީހަކު އަތުން ދަރަންޏަށް ފައިސާ ނަގާއިރު އޭގެ ބަދަލުގައި ބަހައްޓާއެތި
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރައުޔު
ނ ރާއޭ
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރާހުތުމިރުސް
ނ ރާހުތުގައި ހުރެ އޭގެ އަސަރު ފޯރައިފައިވާ މިރުސް
ރާނބާފަތްހެދުން
މ ރާނބާގަހުގެ ފަތް ހިމަކޮށް ހުރަހަށްކޮށައި ކޮއްޗޭފަތާއެކު އަވީލައި ކުޑަކޮށް ހިއްކާލައި ހުވަނދުމާ އަޅައި އޭގައި މީރުވަސް ހިއްޕުން
ރާރާގުޑި
ނ އޮނު ނުވަތަ އިލޮށިން ކުކުޅުބިސްބުރުގެ ދެބުރު ގުޅޭގޮތަށް އޮނިގަނޑެއްހަދައި އޭގައި ކަރުދާސްހިއްޕާ ރާރާ ހަރުކޮށްފައި ހުންނަ ގުޑި
ރާޅާއެޅުން
މ ރާޅާއެކު އޭގެ ބާރުގައި ދެވޭނެ ގޮތް ހެދުން
ރާއަކިރި
ނ ހަކުރު ހިލުމަށް ރާކައްކާއިރު އޭގެހުތް ކެނޑުވުމަށް އަޅާ އަކިރި
ރުވާ
ނ (1) ގަހެއްގެ ނަން އޭގެ ވަކައިން މިޔަވާލިވަށައެވެ މިއީ ވަރަށް ކިރުތޫނު ގަހެކެވެ މީގެކިރާއި ފަތް ބޭހަށް ބޭނުން ކުރެއެވެ (2) ރުވުން މިބަހުގެ ވާކަމާއި އަމުރު
ރޯދަ
ނ ފަޖުރުލީއްސުރެ އިރުއޮއްސިއްޖައުމަށް ދާންދެން އޭގެ ޝަރުޠުތައް ފުރިހަމަ ކުރުމާއެކު ނުކައި ހުންނަ ހުރުން މިއީ އިސްލާމްދީނުގެ ރުކުނެކެވެ
ރޯދަކޮށުން
މ ބައެއް މީހުން ރޯދައަށް ތިބޭއިރު ފޫހިފިލުވުމަށް ދަނޑިދަނޑިކޮޅު މަށައި އެއިން އޭތިމީތި ހަދައި އުޅުން
ބަނގަބަނގަ
ނ (1) ބޮޑެތި ސަތަރުފަދަ އެއްޗެހި ވެއްޓޭއިރު އިވޭއަޑު (2) މަރުތަބާން ފަދަ ބޮޑުއެއްޗެއް އަރިކުރެވޭ ގޮތަކުން އޭގައި ހުންނަފެން ހިފެހެއްޓެމުން ފައިބާ އަޑު
ބަނގަބަނގައެޅުން
މ (1) ބޮޑެތި ސަތަރުފަދަ ތަކެތި ވެއްޓޭއިރު އިވޭ އަޑު އިވުން (2) މަރުތަބާންފަދަ ބޮޑުއެއްޗެއް އަރިކުރެވޭ ގޮތަކުން އޭގައި ހުންނަފެން ހިފެހެއްޓެމުން ފައިބާއިރު އިވޭއަޑު އިވުން
ބަނޑިޔަލުފެން
ނ ވިހައިގެން އުޅޭމީހުންނަށް ދޭން އިހުގައި ކައްކައި އުޅުނު ފެނެއް މިކައްކަނީ މަތިކަރާ ބޭހާއި ކޮތަނބިރިޔާ އެއްކޮށް ދެބުރާންތި ކޮށްފައި ތުނިފޮތިކޮޅެއް ދެފަށް ކޮށްފައި އޭގެތެރެއަށް ބޭސްތައް އަޅައި ބޮނޑިޔެއްހެން ބަނދެފައި ފެންބަނޑިޔަލަކަށް ލައިގެންނެވެ
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު