radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ހިބަހިކާ
ނ ހިކައިގެ ބާވަތެއް. މިއީ މެދުފަޅުމަތީގައި އުޅޭ. 2 އިންޗި ބައިގެ ބޮޑު މިނުގެ ހުދުކުލައިގެ މަހެކެވެ މިއީ ވަރަށް ވިހަގަދަ އެއްޗެކެވެ
ހިބަރުތޮޅި
ނ ހިބަރާ ސިފަވައްތަރު ތޮޅިއެއް މިއީ ފަރުތޮޅީގެ ބާވަތެކެވެ
ހިބޮޅު
ނ ފަރުމަހުގެ ބާވަތެއް. މިއީ ހިކާ ފާޑުގެ ކުޑަމަހެކެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިކިކެއްސުން
ނ ބައްޔެއްގެނަން މިއީ ކަރުތެރެއިން އެއްޗެއްނައިސް ކެއްސާކެއްސުމެކެވެ
ހިކިފަންފުޅަނގި
ނ މަސްކާށިދޫނީގެ ބާވަތެއް މިއީ ހިކިފަންކުލައިގައި ހުންނަ އެއްޗެކެވެ
ހިއަދެވިކަމަނާބޯ
ނ ހިޔަތޮނަ މިއީ މުލުގައި މީރުވަސްދުވާ ވިނައެކެވެ
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިއްތަލަ
ނ ހިތިފިލުވައިގެން ކާގޮނޑިއެއް މިއީ ރާއްޖޭގައި ވަރަށް ގިނައިން ހެދޭ ކާނާއެކެވެ މިއެންމެ ވައްތަރުވާނީ ވިލާތު އަލުއްވާއެވެ
ހިއްޕާދަތި
ނ ވަޑާމުގެތެރޭ ދޭތިގަނޑު ގާތްކޮށް ތަތްކުރަން ބޭނުންކުރާ އަތްދަތި. މިއީ ދެއެއްޗެއް ގާތްކޮށް ހިމުން ކުރުމަށާއި އެއްޗެއް ނުގުޑާގޮތަށް ހިފެހެއްޓުން ފަދަ ކަންކަމަށް ބޭނުންކުރާ އެއްޗެކެވެ
ހިމަނަގުލާމަސް
ނ ހަލުވިމަސް މިއީ ހަނދިމަހުގެ ބާވަތެކެވެ
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިމަގޮދަން
ނ ބާރްލީ މިއީ މަޝްހޫރު ގޮވާމެކެވެ
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިތިބަދަން
ނ ބޭހަށް ބޭނުންކުރާ އެއްޗެއް މީގެ ތޮށިގަނޑު ހަރުވެފައި ތޮށިގަނޑުގެ ކުލަ ހުންނާނީ ފެހިކުލައެއްގައެވެ މިއީ ކާފޫރުތޮޅިއަށްވުރެ ކުޑަކޮށް އެކަހަލަ ސިފައަކަށް ހުންނަ އެއްޗެކެވެ ބޭހަށް ބޭނުންކުރަނީ އެތެރޭގެ މަދެވެ
ހިތިބޯ
ނ އެމުގެބާވަތެއް: މިއީ ހުޅުނބުތައް ވަރުގަދަކޮށް ހުންނަ ކަށި ގިނަ އެމެކެވެ މީގެ މަތީފަރާތުގައި ހުންނަނީ ފެހިއަޅި ކުލައެކެވެ ހުޅުނބުތަކުގެ ކައިރިފަށް ހުންނަނީ ކަޅުކުލައެއްގައެވެ މީގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ