radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ހަވާލު
ނ މީހަކާ ކަމެއް ނުވަތަ އެއްޗެއް މަތިކުރާ ކުރުން
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމަނުޖެހުން
މ (1) ރަމަތަނުވުން (2) ދެކޮޅުވެރިކަން އުފެދުން (3) ޚިޔާލު ތަފާތުވުން (4) ވަޑާންކުރާއިރު ގުޅުވައި ދެގަނޑެތި ރަނގަޅަށް ފެތި ހިމުންނުވުން (5) ހަމަޖެހުން މިބަހުގެ އިދިކޮޅު (6) އޮންނަންވީ ރަނގަޅު ގޮތުން ނެއްޓުން (7) ފައްތަރު ފަރަގުވުން (8) ނ ގަޑުބަޑު
ހަމަރޯނު
ނ ރޭނުން ގަނޑެއްގެ މަތި ތެދުކުރާން އެންމެ ފަހުން ދަމާރޯނު
ހަމަރޯނުނެގުން
މ ރޭނުން ގަނޑެއްގެ މަތިހަމަ ކުރާން ދަމާ ރޯނާ ހަމަޔަށް ރޭނުން
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަމަފަށް
ނ ރާނާތަނުގެ މަތިއެއްވަރުކުރާން އެންމެފަހުން ޖަހާ ގާބަރި
ހަމަފަށްއެޅުން
މ ރާނާތަންތާގެ މަތިއެއްވަރުކުރާން އެންމެފަހު ގާބަރިޖެހުން
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމަޖެހުން
މ (1) ވިސްނުން ރަނގަޅުވުން (2) ދެކޮޅުވެރިކަމެއް ނެތުން (3) ސާބިތުވެ ހުރުން (4) ފުދުން (5) ގުޑުމެއްނެތުން (6) ރަމަތަވުން (7) ނިމުން (8) ވަޑާންކުރާއިރު ގުޅުވައި ދެގަނޑެތި ރަގަޅަށްފެތި ހިމުންވުން (9) ފައްތަރު ފަރަގުނުވުން )01( ގަޑުބަޑުނުވުން
ހަމަޖެއްސުން
މ (1) ރަމަތަކުރުން (2) އަރާރުމާއި ގަޑުބަޑު ފިލުވުން (3) ދަތިފިލުވުން (4) ވަޑާން ކުރާއިރު ދެގަނޑެތި ރަނގަޅަށް ފައްތާ ހިމުން ކުރުން (5) އެގޮތް މިގޮތްވެފައިވާ އެއްޗެހިތަކެއް ތަރުތީބު ކުރުން
ހަތަރުމުރިނގު
ނ (1) އަރާމުރިނގު (2) އޮއްސޭމުރިނގު (3) މުރިނގު އީރާން (4) މުރިނގު އަސްތަމާން ބަސްބޭނުންކުރާ މިސާލު: ކަލެއަކީ ހަތަރު މުރިނގުވެސް ނުދަންނަމީހެކެވެ
ހަތަރުފަލުކުނާ
ނ ރާއްޖޭގައިވިޔާ ދުރުދުރުގައި ރޮނގުހުންނަ ކުނަލެއް މިއަށް މިނަން ކިއުނީ ވާރުނެގި ޒަމާނުގައި ހަތަރު ފައު ބޮލީގެ ބަދަލުގައި މިކުނާ ޤަބޫލުކުރާތީއެވެ
ހަތަރެސް
ނއ އެއްޗަކާ ގުޅިފައިވާ ހަތަރު ބަޔަކަށް ދަލީލުކުރާ ބަހެއް. މިސާލު: ހަތަރެސްކަން ހަތަރެސްފައި
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ
ހަތާ ނެތި އުޅޭ ވައިކުޅަނދުރެއް ހެން
މިސާލު: މީހަކު ކުރާނެ ވަކި ކަމެއް ދާނެ ވަކި ތަނެއް ނެތި ވައިވެގެން އުޅޭ އުޅުމަށް ބުނެއުޅޭ ބަހެއް
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްރީތި
ނ އަންހެނުންގެ ރީތި ސިފަކިޔަން ބޭނުންކުރާ ހަތްނަމެއް. އެއީ (1) ކުރަނގިދެލޯ (2) އިހިކަނދުރާ (3) ހިތިފަތުބުމަ (4) ގިއުޅުއަތުކުރި (5) ޝިކާރަމަތީ ކުއްތާގެ ބަނޑު ކަހަލަ ބަނޑު (6) ތުނިޔަނިޔަފަތި (7) އަންނާރުއޮށުދަތްޕިލާ މިއެވެ
ހަތްބޯރާހި
ނ ހަތްބޯ ހުންނަކަމަށް ހީކުރާ ޚިޔާލީ ފުރޭތައެއް