radheef.info
ރަދީފު


ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަވަތި
ނ )ހ ( ފަރުމަސްބާނަން އުޅޭއިރު ބުޅީގައި ކޮށަކޮށައިފައި އުޅޭ ކުދިމަސްތައް
ހަވާދުތަޅާވަން
ނ ހަވާދު ހިމުންކުރަން ގެންގުޅޭ ވަން މިހުންނަނީ ދަނގަޑުން ނުވަތަ ލޮއިންނެވެ
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަމަތެދެއް
ނ (1) ބުނާބަހުގެ ތެދުކަން ގަދަ ކުރުމަށް ބުނެއުޅޭ ބަހެއް (2) ފިސާރި ތެދެއް
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ
ހަތަރެސްފައިޖެހިޖަނަވާރު
ނ ހަތަރު މޮށްގަނޑު ޖަހައިގެން ހިނގާ އުޅޭ ސޫފި
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހަތާ ނެތި އުޅޭ ވައިކުޅަނދުރެއް ހެން
މިސާލު: މީހަކު ކުރާނެ ވަކި ކަމެއް ދާނެ ވަކި ތަނެއް ނެތި ވައިވެގެން އުޅޭ އުޅުމަށް ބުނެއުޅޭ ބަހެއް
ހަތާތަޅައިލުން
މ (1) ކުޅަނދުރުގެހަތާ ހަލާކު ކޮށްލުން (2) މަޖާޒު: ތިމާއުޅޭގެ ނުވަތަ ތިމާ އެތަނަކާ ގުޅިފައިވާތަނެއް ތިމާގެ ކިބައިން ނިގުޅައިގަތުން ނުވަތަ ނައްތައިލުން
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްބުރީނަނުކޮޅުގައި
ނ މަޖާޒު: ހުރި ދުރުމިން ބަޔާން ކުރުމަށް ބުނެއުޅޭ ގޮތެއް
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހަތްދަންނަބޭކަލުން
ނ ފަންޑިތަވެރީން ގެންގުޅޭ ހަތްނަމެއް. އެއީ ޢުބައިދުﷲ ޢުރްވަތު ޤާސިމް ސަޢީދު އަބޫބަކުރު ސުލައިމާނު ޚާރިޖަތު
ހަތްދެވި
ނ ފަންޑިތަ ވެރިން ގެންގުޅޭ ޚިޔާލީ ހަތްނަމެއް (1) ބުއްޑެވި (2) ކަށްޑެވި (3) މުޅަދެވި (4) ކިއްސައްދެވި (5) ރަށްދެވި (6) ދަކުދެވި (7) ބޮޑު މުޅަދެވި
ހަތްގޭފާތިހާއަށް ފުނޑައިފައި ހުރިދައެއްހެން
މިސާލު: މީހުން މާ ބޮޑަށް ބަނޑު ހައިވީމާ ބަނޑު ހުންނަ ގޮތާމެދު ޖަހައިއުޅޭ މިސާލެއް
ހަލަބޮލި
ނއ (1) ހިމޭނުން ނުހުރެވޭ )މިބަސްބުނެ އުޅެނީ ކުޑަކުދީންނާ މެދުގައެވެ ( (2) ކަނޑުގައި އެގޮތް މިގޮތަށް ރާޅުތައް އުފެދޭ (3) ހިލިގަނެގެންއުޅޭ
ހަލާދަނޑީގެ ދެކޮޅު ބަލާށެވެ
(ހަރުބަހެއް) ކަމެއްކުރަންވާނީ ހުރިހާ ފަރާތަކަށްވެސް ވިސްނައި އެއިން ލިބިދާނެ ގެއްލުމަކަށް ބަލައިގެންކަން އަންގައިދިނުމަށް ބުނެއުޅޭބަހެއް