radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމައިންނެއްޓުން
މ (1) އިންސާފުން ބޭރުވުން (2) ޤަވާޢިދާއި ޚިލާފުވުން
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަފަޅު
ނ އަތޮޅު އަތޮޅުގެ ބޭރުދުނި
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަމްދަރުދީވުން
މ (1) އަނެކަކަށްލިބޭ ހިތާމައެއްގައި ބައިވެރިވުން (2) އަނެކަކަށް ލިބޭ ހިތާމައެއްގެ ސަބަބުން ތިމާގެ ހިތަށް ތަދުވުން
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ
ހަތަރުކަންކަށި
ނ އޮޑިދޯނިފަހަރުގެ ދެމައްޔާ ކައިރީން ބޭރު ހަތަރު ފަރާތް އެއީ ދިރުނބާކޮޅުގެ މައްޔަލާއި ހުރަސްފިލަޔާ ދޭތެރެއެވެ ކޮޅުފަސްކޮޅުގެ ދަށްމަޅުގެ ކޮޅުފަސްކޮޅުން ފެށިގެން މައްޔަލާއި ދޭތެރެއެވެ
ހަތަރުކަންކައްޓަށްހިފުން
މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން
ހަތަރުއިމާމުން
ނ ސުންނަތް ޖަމާޢަތުގެ ހަތަރު މަޛްހަބުގެ އިމާމުވެރި ބޭކަލުން (1) ހަނަފީމަޒުހަބުގެ އިމާމު އަބޫޙަނީފާ (2) ޝާފިޢީ މަޒުހަބުގެ އިމާމު އިމާމު މުހައްމަދުބުނި އިދްރީސުއް ޝާފިޢީ (3) މާލިކީ މަޒުހަބުގެ އިމާމު އިމާމު މާލިކު (4) ހަންބަލީމަޒުހަބުގެ އިމާމު އިމާމު އަހްމަދު ބުނި ޙަންބަލު
ހަތަރުމުރިނގު
ނ (1) އަރާމުރިނގު (2) އޮއްސޭމުރިނގު (3) މުރިނގު އީރާން (4) މުރިނގު އަސްތަމާން ބަސްބޭނުންކުރާ މިސާލު: ކަލެއަކީ ހަތަރު މުރިނގުވެސް ނުދަންނަމީހެކެވެ
ހަތައިވަރަ
ނ ޤައުމީ އުފެއްދުންތެރިކަމުގެ މިންވަރު. މީގައި ބަލަނީ ވަކި މުއްދަތެއްގެ ތެރޭގައި )މިސާލަކަށް އަހަރު ދުވަހަކަށް( ތަނުގައި އުފައްދާ ހުރިހާ އެއްޗަކާއި ދޭ ޚިދުމަތާއި ތަނުގެ މީހުން ބޭރުގައި ކުރާ ޚިދުމަތަށް ލިބޭ އަގުގެ ޖުމްލައިން ބޭރަށްދާންޖެހޭ ހުރިހާ ޚިދުމަތެއްގެ އަގު ކެނޑީމާ ނުކުންނަ އަދަދެވެ
ހަތަވިވަރަ
ނ ތަނެއްގެ އުފެއްދުންތެރިކަމުގެ މިންވަރު މީގައި ބަލަނީ ވަކި މުއްދަތެއްގައި )މިސާލަކަސް އަހަރު ދުވަހަކަށް( އެ ޤައުމަކުން އުފައްދާ ތަކެއްޗަކާއި ދޭ ޚިދުމަތަށް ލިބޭ ޖުމްލަ އަގެވެ
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތިފަށް
ނ (1) ބައެއް ޒާތުގެ ކެޔޮޅުކަމުގޮސް ނަނު ނުވަތަ ހެތުރު ފައްތައިފައި އޭގައިޖަހާ ހިމަ އެތިފަށް މިހުންނާނީ ދޯނިން ބޭރަށް ދަނޑިބުރިއެއް ދިއްކޮށްފައި އޭގައި އެއްކޮޅު ބައްދައިފައި އަނެއްކޮޅު ހެތުރުގައި ބައްދައިފައެވެ (2) ރޯނުގަނޑެއްގެ އެއްކޮޅު ބޮޑުގަލެއް ނުވަތަ ތުން ބަނދެފައި އޮންނަ ވެލިގޯންޏެއްގައި ބައްދައި އަނެއްކޮޅު ދޯނިއަޅާ ވަލުގައި ބައްދާ އެތިފަށް
ހަތްރީތި
ނ އަންހެނުންގެ ރީތި ސިފަކިޔަން ބޭނުންކުރާ ހަތްނަމެއް. އެއީ (1) ކުރަނގިދެލޯ (2) އިހިކަނދުރާ (3) ހިތިފަތުބުމަ (4) ގިއުޅުއަތުކުރި (5) ޝިކާރަމަތީ ކުއްތާގެ ބަނޑު ކަހަލަ ބަނޑު (6) ތުނިޔަނިޔަފަތި (7) އަންނާރުއޮށުދަތްޕިލާ މިއެވެ
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ