radheef.info
ރަދީފު


ހަރަ
ނ. (ގ) ހަރު
އައްތެލިޖެހުން
މ އައްތެލި ރިޔަލު ހޮނޑައްޔަށް ހަރައިފައި ފޫ ތާކު ވިއްދުން
އަތަރުގޭމީހުން
ނ އަތަރުގެއަށް ދައުލަތުން ލައްވާފައިތިބި މަސައްކަތުމީހުން. މަތިގެފޮޅާ ދުވާލަކު އެއްފަހަރު ފެންފޮތިލާ އަހަރަކު އެއްފަހަރުދޮވެ ގަނޑުވަރުތެރެޔާބެހޭ ހިސާބުގައިހުންނަ ލަންޓަންތައް ބަލަހައްޓައި ހަދާނީވެސް މިމީހުންނެވެ
މ މަޖާޒު: ޒުވާބުގެ ގޮތުން ދޫނުކޮށް ހިފަހައްޓާމީހާއަށް ގިނަފަހަރަށް ކާމިޔާބު ވާނެއެވެ އަޑުގަދަމީހާގެ ރުއް ގިނަވާނެއެވެ
އިހަށް
ނ (1) ކުރިން (2) ބައެއް ފަހަރަށް (3) "އިރުކޮޅަކު" "އަދި" މިދެބަހުގެ މާނާގައިވެސް މިބަސް ބުނެއެވެ
އިހަކަށްދުވަސް
ނ ދެތިން ދުވަހެއްގެ ކުރި މީގެ ވަކިމުއްދަތެއް ކަނޑައެޅިފައި ނޯންނާނެކަމުން ބައެއް ފަހަރަށް ތިންހަތަރު އަހަރުގެ ކުރިޔަށްވެސް މިބަސް ބޭނުން ކުރެއެވެ
އިރުވައިކޮލި
ނ ކޮންމެ އަހަރަކު މުލަ ނަކަތް ލައިގަތީމާ ހެޔޮ އިރުވަރެއް ބަލައި ބަޑިހެލުމަށްފަހު ރަދުން ގަނޑުވަރަށް ވަދެވަޑައިގަތީމާ ލައި އުޅުނު ކޮލި. މިއީ ދެބަނޑޮސް ދޭތެރެއިން އޮޑިއެއް ދޯންޏެއް ނުވަނުމަށާއި ފާރުދޮށްކޮށައޮ ދަމަށް އަރާން ކުރާ އަމުރުގެ ކޮއްޔެވެ
އިލިފައި
ނ ދަނޑިޔަށް ހަރައިފައިހުންނަ ކަންއިލި
އެހެންނާ
އ (1) ނުވަތަ (2) ނޫނީ މިއީ ދެއެއްޗަކުންކުރެ އެކައްޗެއް ނުވަތަ ދެގޮތުންކުރެ އެއްގޮތެއް ޚިޔާރުކުމަށް ބުނާ ބަހެކެވެ ކއ (3) މީގެކުރީން (4) އެހެން ފަހަރަށް
އެންވަށިބޮނޑި
ނ )ހ ( މަސްދޯނިފަހަރަށް އެންވަށިލާ ގޭގެއިން އިރުވައި ހުސްވީމާ އެދޯނިން މަހަށްދާ މީހުންނަށް ދޭކެއުން
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮގަރު ފާތިޙާ
ނ (1) އޮގަރުމަސް ލިބޭމީހާ އަހަރަކު އެއްފަހަރު ކައްކައިގެން ކިޔަވާ ފާތިޙާ (2) ކަޑުމަތި ފާތިޙާ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
ވަހުތާން
ނ ފޮތީގައި ލިޔެ ގިއުގަނޑެއްގައި ފަހައި ވަޔާ އެނބުރޭގޮތަށް ދަނޑިއަކަށްޖަހައި އުސް ތަންތަނަށް ނަގައިފައި ހުންނަ ތަވީދު. )ގޭގޭގެ ތެރޭގައިވެސް ވަހުތާން ހަރުކޮށް އުޅެއެވެ. ބައެއް ފަހަރަށް ރަންރިހިންނާއި އެކިކަހަލަ މަޢުދަނީ އެއްޗިހިން ތުނިކޮށް ތަޅައިފައި ހުންނަ ފަތްގަނޑުގަނޑުގައިވެސް މި ތަވީދު ލިޔެއެވެ
ވަންނި
ނ (1) އެއްޗެއްގައި ހުރިއަސްލު ކުލަ ބަދަލުނުވެ އެއެއްޗަކަށްއަރާ ކުލަކުލަ (2) ހުރިގޮތަށް ހުރެގެން ބަދަލުނުވެ ދައްކާ ވައްތަރު ނުވަތަ އަރުވާ ކުލަކުލަ (3) ތަފާތު ހަރަކާތް
ވަރުވާ
ނ ރަށެއް ނުވަތަ ތަނެއް ނުވަތަ ރުއްގަސް ސަރުކާރުން ލިއުއްވައިގެން ބޭނުންކުރާ މީހާ ސަރުކާރަށް އަހަރު އަހަރަށް ނުވަތަ މަސްމަހަށް ދައްކާންޖެހޭ ތަކެތި )މިފަދަ ތަނެއް ލިއުއްވައިގެން އުޅޭ މީހާގެ އަތުން ދެވަނަޔަށް ލިޔުއްވައިގެން އުޅޭމީހާ ފުރަތަމަ މީހާއަށް ދޭތަކެއްޗަށްވެސް ވަރުވާއޭ ކިޔައެވެ
ވަޅިންޖެހުން
މ (1) ވަޅި އެއްލައިޖެހުން (2) ވަޖިދުވާއިރު ވަޅިއެއްފަދަ އެއްޗަކުން ހަރައި ގައިން ލޭނެރުން މިކަމުގައި ގިނައިން ވަޅިހަރާ އުޅެނީ ބޮލަށެވެ
ވަޅުޖެހުން
މ (1) ފޭހިފައިވާ ދަގަނޑެއް ކުރައްޖެއްފަދަ އެއްޗެއް ބިމަށް ހަރައިގެން ވަޅެއް ހެދުން. މިކަމަށް ވަޅުހެރުން މިހެންވެސް ކިޔައެވެ. (2) ބިމުގައި ފޮރުވިލާވަރަށް ވަޅުލެވުން. (3) މަޖާޒު: ކަމެއް ކުރާންވެގެން ވާހަކަ ދައްކައިލައިފައި ވީނުވީގޮތެއް ނޭނގި އެކަމެއް ހުއްޓުން
ވަކަދިއުޅި
ނއ މަޖާޒު: ކަމެއް ކުރުމުގައި ހަރަކާތް ލަސްވެ ދެމިގެންވާ
ވަކަދިއުޅިދެމުން
މަޖާޒު: ކަމެއްގައި އެކަށީގެންވާ ވަރަށްވުރެ ދިގުދެމި ހަރަކާތް ކުޑަވެފައި އޮތުން